من شباب الأطباء !!!!!!!!!!!!!!!!!!!! --- منقول

انا قلت ان الوزير شايف ان الاطباء كلهم مرتاحين ومليونيرات فقلت استعرض حكايتى كممثل ومثل حى للاطباء الشبان
ببساطة كلمتى اتلخصت فى 4 نقاط ملخصهم كالاتى
1- يمكن دى اول مرة ادخل فيها دار الحكمة واول جمعية عمومية احضرها مع حضراتكم
انا تكليف مارس 2008
انا بتهزأ فى المستشفيات بالاب والام واحيانا فى اطباء فينا بتتضرب وكل ده ببلاش وبدون مقابل مع العلم 00
انا اتعرض عليا مندوب مبيعات ب 1500 جنيه شهرى وعربية وحوافز ونسبة وكله ده رفضته لانى حابب انى اكون طبيب مش مندوب انا داخل 7 سنين تعليم عشان كده مش حاجة تانية

2- انا اختى اصغر منى ب 3 سنين وكنت انا اللى بصرف عليهاوبجيبلها شوكولاتة وانا اللى مربيها
دلوقت هى بكاريوس تربية 2007 وانا خريج 2006 !!
دلوقت هى سافرت تشتغل برة بمرتب اكتر منى 25 ضعف على الاقل وبتشتغل 6 ساعات يوميا وليها يوم اجازة بدون شغلها الخاص ودلوقتى هى اللى بتصرف عليا وبتجهزنى !!

3- انا مرتبط ببنت فى هندسة اول مرتبها فى شركة حكومية وبدون واسطة 1700 جنيه تصل الى 3 الاف جنيه بعد 3 سنوات
دلوقت انا اللى معطلنى حاجة واحدة بس 00 لما اجى اتقدملها هقول لباباها ايه؟؟!!
230 جنيه فى الشهر ؟؟ لا تعليق

4- لما هددونا بالسجن والحوارات دى 00 انا بقول ان لو احنا 180 الف طبيب وواحد بس اتسجن 00 المفروض لو رجالة يبقى ال 179999 مايشضتغلوش لحد ما زميلهم يطلع ولازم ناخد بتوع المترو قدوة لما زميلهم اتسجن قعدوا عالقضبان لحد ما طلع 0
وفى الاخر شكرت الناس على اتاحة الفرصة 00