يا خســــــــــــــــــاره

انا كتبت الخاطرة دى وانا مخنوقه من الوزارة والحكومه

يا خســــــــــــــــــاره
يا خساره يا بلادى يالى شردتى ولادى
يالى خليتى التفوق على راس الابن عار


يا خساره يا بلادى لما حطمتى فؤادى
يالى خليتى طموحى فيها شرخ وانكسار


ليه مليتنى كأبه
ليه بقيتى زى غابه


فيكى يجرى الكل خايف من كسور الانهيار
عشت فيكى كل عمرى
عشت ليكى ما انتى عمرى
رغم ان حبى ليكى بقى فيه طعم المرار


فاكرة يوم المونديال
لما عدينا الجبال


شفتى نصرك كان عباره عن مظاهرة وانتصاره
كان شعورى وقتها فرحه غطت على المرارة

بعدها واجهت نفسى بالحقيقه والاماره
وقتها قلت لنفسى الف مرة يا خساره

يا خساره عمرى ضاع
فى المذاكرة والخداع

كنت راسم ليا يا امه حلم مستقبل كبير
واتحاملت بكل همه وذاكرت وبضمير
ونسيت كل راحه ماهو انا هبقى الامير


فجأه يا امه حلمى مات
فجأه عشقت السكات

وطموحى للاسف ماضى عدى وحلم مات
والسبب كلمه وزير