Friday, May 21, 2010

عايزيين التسجيل بعد الامتياز!!!


http://www.facebook.com/topic.php?uid=9073648065&topic=14887&perpage=30&post_index=1&start=-30&post_id=80976&hash=44a99fa995e419386bafd582fcd73313#topic_top



زملائى الأعزاء

دلوقتى فى مصلحة مين انه احنا فقط أطباء وزارة الصحة نحرم من التسجيل للدراسات العليا والتقديم للنيابة ,,, ودلوقتى بقت كمان الزمالة لمدة سنتين فى التكليف,,,ننسى فيهم اللى اتعلمناه اصلا......فى حين ان زملاءنا فى الجامعة والقوات المسلحة والشرطة بيقدروا يقدموا للتسجيل بالدراسات العليا بعد الالتحاق مباشرة بالعمل فى هذه الجهات ,,, وكمان الأطباء الأحرار اللى لو قدموا استقالتهم النهاردة من وزارة الصحة يقدروا يقدموا بكرة فى الدراسات العليا لو الجامعات فاتحة للتقديم؟؟؟!!!! وده يعنى ان الموضوع مالوش اى علاقة باى خبرة عملية مكتسبة ... وان كان على الخدمة فى الوحدات الصحية مش هيحصل حاجة لو سمحوا بالتقديم من بعد الامتياز وعقبال ما تيجى تمتحن يكون مر سنة ولا سنة ونص وتكون جت الدفعة الجديدة تستلم ,, واحنا كلنا عارفين ان الجزء الأول من الماستر لايستدعى انك تنتقل من مكان شغلك....يعنى تقدر تشتغل فى التكليف وكمان تذاكر عشان تمتحن الجزء الأول بدون ما شغلك يتأثر.............خصوصا وان الوزارة حتى هذه اللحظة لا تقدم اى نوع من الدعم لاطبائها المتقدمين للدراسات العليا ,,,,,وحتى الزمالة كمان بقت دوراتها بفلوس

ولان اللى بيحصل معانا ده احد انواع القهر المفروض علينا واللى بيضطر الأطباء فى أحيان كتير انهم يلجأوا لأساليب غير شرعية زى التسجيل الاليجال ((وطبعا كلنا عارفينه)) واللى الوزارة اكيد برده تعرفه بقالها سنين... وبتسكت عليه بمزاجها وبرده تعمل منه مشكلة بمزاجها .. واخرها كان تحويل بعض زملائنا من اللى كانو مقدمين فى الازهر بنات للنيابة العامة بتهمة التزوير!!!!!!!!!!!!!!! يعنى هم يطلع عينهم وعايزيين يتعلموا ويشتغلوا ,, ومحرومين من العلم ظلما وقهرا بدون وجه حق دونا عن بقية الاطباء اللى خارج الوزارة,.,, واخرتها كمان يتهموا بالتزوير ... ويتعرضوا للحبس

لكن الحمد لله تم حفظ التحقيق

وعشان نحمى انفسنا وزملائنا فلازم نطالب بحقنا فى التسجيل بعد الامتياز ,, واحنا اخدنا راى قانونى من محاميين متطوعين واشاروا علينا بحقنا اننا نرفع قضية وان حيثياتنا فى المطلب ده واقعية ومنطقية

احنا دلوقتى عايزين توكيلات قانونية لرفع القضية ,,,بس لازم اللى يعمل التوكيل يكون من التكليف لانهم اصحاب المنفعة المباشرة.... ما ينفعش نواب ولا اخصائيين

الموضوع بسيط ومش هيكلفكم حاجة ,,, ولا هيضركم فى حاجة ,,بالعكس هيفيدكم ويفيد كل الأطباء

فالى زملائنا أطباء التكليف,,,,ارجو التواصل معنا عشان نتفق على كيفية عمل التوكيلات دى

القضية ان شاء الله تترفع قضاء مستعجل وكلما كان العدد أكبر أكيد هتفرق... واحنا برده معاكم طبعا



Sunday, May 09, 2010

الجبلي ينقل طبيبا إلى قنا رغم براءته


http://www.misrelgdida.com/index.php?news=27888


الجبلي ينقل طبيبا إلى قنا رغم براءته

image

أثار قرار وزير الصحة حاتم الجبلي بنقل الطبيب إيهاب شبل إلى مستشفى قنا بمدينه قوص وخصم ثلاثة أيام من راتبه شعور الطبيب بالظلم، ولأن الطبيب لم يرتكب جريمة على حد قول، فقد قام بالطعن رقم 22615/64ق على قرار نقله.

وقال الطبيب : أعمل طبيب تخدير بمستشفى التحرير العام بإمبابة وتم تكليفي للعمل نوبتجى تخدير بغرفة العمليات بناء على توجيهات نائب مدير المستشفى صفوت توفيق في الفترة المسائية ولكنى فوجئت بتكليفي طبيب نوبتجى في مكانين مختلفين في ذات الوقت الأول بالاستقبال العام والثاني بغرفة العمليات وعندما طلبت من النائب أن أكون في مكان واحد تم اقتصار الإشراف على غرفة العمليات وفى هذا اليوم وقعت مشادة بين مرافق احد المرضى والطبيب النوبتجى بالاستقبال وهو جورج جلبرت ورغم تعدى المرافق على الطبيب إلا انه قام بنشر الموضوع بالصحف على أساس وجود مخالفات بالمستشفى وترتب على تلك الواقعة أحاله الأطباء والتمريض إلى التحقيق، ونظرا لان الطبيب لم يكن ضمن الموجودين بالاستقبال ولم يتم إحالته إلى التحقيق إلى إلا أنني فوجئت بصدور قرار نقلى إلى مستشفى قوص المركزية وخصم ثلاثة أيام رغم عدم وجود في مكان المشادة وكذلك عدم تقديمي للتحقيق وتوافر العديد من الأدلة على عدم تواجدي وأمام رفض مدير المستشفى الاستماع لشكوتي قررت الاستناد إلى القضاء لرفع الظلم عنى وإلغاء قرار الندب.


Saturday, May 01, 2010

إعتصام للأطباء الأثنين 3 مايو بدار الحكمة

تنظم جماعة أطباء بلا حقوق إعتصاما بمقر النقابة العامة بدار الحكمة
يوم الأثنين 3مايو و ذلك إحتجاجا على تجاهل وزارة الصحة لمطالب الأطباء
و التي قدمناها للوزارة مع 2600 توقيع بناءا على قرار للجمعية العمومية في 26-3-2010
سيكون الإعتصام من الساعة العاشرة و حتى الساعة السابعة مساءا
تتخلله وقفة إحتجاجية من الساعة 12-1 ظهرا
طبعا من لا تسمح ظروفه بالمشاركة طوال اليوم
يستطيع أن يشارك ساعتين أو 3 ساعات
و بعد الوقفة ستنظم مناقشة واسعة وسط الأطباء الحاضرين للإعتصام عن الخطوة القادمة
إذا أصرت الوزارة على تجاهلها لمطالب الأطباء
هناك إقتراحات عديده
منها تنظيم وقفات إحتجاجية متتالية كل أسبوع أمام أحدى النقابات الفرعية
أو تنظيم إعتصام بدار الحكمة ..و لكنه مفتوح حتى الإستجابة للمطالب
أو نقل مكان الإعتصام أمام مجلس الشعب
أو داخل وزارة الصحة
وهناك إقتراح أخر بمخاطبة المنظمات الصحية الدولية
في الأثار السلبية الأكيدة على أحوال الصحة في مصرعندما تكون رواتب مقدمي الخدمة الصحية و على رأسهم الأطباء تحت خط الفقر
كل هذه الإقتراحات هي طرق مفتوحة أمامنا لتصعيد ضغوطنا تدريجيا
للحصول على حقوقنا
ننتظر مشاركتكم معنا يوم الأثنين القادم 3-5
أطباء بلا حقوق