Monday, November 26, 2007

اخبااار

أجور اﻷطباء تقترب من السخرة

البديل

أحمد صبرى ـ حفنى وافى ـ

حركة \'\'أطباء بال حقوق \'\' اصدرت بياناً أمس أكدت فيه أن أجور اﻷطباء تقترب من السخرة فند البيان أدعاءات بأن سوء احوال التامين الصحى والخدمات الصحية فى مصر مرجعة الى الملكية العامة وهو ما يدفع الحكومة الى خصخصة الخدمات الصحية ! قالت الحركة إن السبب فى سوء أحوال الخدمات الصحية يرجع الى الضعف الشديد فى ممرضات وفنيين وعمال. والسبب فى ذلك يرجع إلى ضعف اﻻنفاق الحكومى على قطاع الصحة . فالحكومة حددت هذا اﻻنفاق بـ 3.5% من حجم الموازنة العامة للدولة، بينما الحد اﻷدنى عالمياً هو 10% من الموازنة وفقاً لمعايير منظمة الصحة العالمية وبما يعنى أن حجم اﻹنفاق على الصحة تحت السقف العالمى بمقدار الثلث حركة \'\'اطباء بلا حقوق \'\' أعربت عن استيائها لتدهور الخدمات الصحية فى مصر وغياب الترشيد فى الموازنة العامة للدولة حيث تنتشر المستشفيات المبطنة بالرخام والجرانيت من الداخل والخارج فى حين تعانى ذات المستشفيات من عجز شديد فى ميزانية الأدوية واﻷدوات الطبية!

د. منى مينا عضو جماعة \'\'أطباء بلا حقوق \'\' قالت إن دعوى وزير الصحة د. حاتم الجبلى بزيادة الحوافز وبدﻻت اﻷطباء لم تنفذ بما فيها حوافز أطباء التكليف فى المحافظات المائية.


اخبااار

اعتصام ٨٠٠ طبيب في المحلة احتجاجاً علي سوء معاملة « الصحة »

http://www.almasry-alyoum.com/article.aspx?ArticleID=84300

كتب عادل ضرة وماهر إسماعيل وصلاح البلك ومحمد محمود خليل وسماح منير ٢٦/١١/٢٠٠٧

اعتصم ٨٠٠ طبيب داخل مستشفي المحلة الكبري العام أمس الأول، احتجاجاً علي سوء معاملة مديرية الصحة في الغربية والوزارة أيضا. كما تظاهر أكثر من ٢٠٠ من تجار سوق السلام في طنطا، احتجاجاً علي صدور ٩٠ حكما بالحبس ضدهم. وفي شمال سيناء صعد مسعف في مرفق إسعاف العريش برج اللاسلكي، بسبب تصرفات مدير المرفق. وفي القليوبية هدد تجار القناطر بالاعتصام أمام المحافظة، احتجاجا علي الغرامات التي تفرض عليهم.

في الغربية، اعتصم ٨٠٠ طبيب في مستشفي المحلة العام، وهددوا بالإضراب عن العمل، مثل عمال شركة غزل المحلة، للحصول علي مطالبهم، وطالبوا رئيس الوزراء ووزير الصحة بالتدخل لتحقيق هذه المطالب.

وقال الأطباء المعتصمون إنهم حصلوا علي وعود من الدكتور حاتم الجبلي وزير الصحة بحل مشكلاتهم، ومنها صرف بدلات التفوق العلمي وبدلات الماجستير والدكتوراه، التي توقف صرفها منذ عام ٢٠٠٥ بواقع ١٠٠ جنيه للماجستير و٢٠٠ للدكتوراه، مؤكدين أن هذه الوعود لم تنفذ حتي الآن.

Wednesday, November 21, 2007

مشكلة نياباات طب الأسرة


نتشرف نحن اطباء نيابات يونيو 2007 نيابة طب اسرة الاسكندرية بعرض الآتى على سيادتكم:

تم توزيعنا على مراكز طب الاسرة بمعرفة الدعم الفنى

  • لم يسند الينا اى عمل بمراكز طب الاسرة التى تم توزيعنا عليها ( قوى بشرية معطلة )
  • اكره بعض مديرى المناطق بعضنا على كتابة تنازل حوافز طب الاسرة قبل استلام العمل بتلك المراكز و ايضا قررت المراكز عدم احقيتنا فى صرف الحوافزالمطبقة لديها
  • الى الان لا توجد جهة واحدة معنية لمواجهة مشكلاتنا والرد على استفسراتنا و الى الان ما زلنا نتخبط بين ادارات المديرية و الدعم الفنى و الجامعة

لذلك نرجو من سيادتكم التدخل للنظر فى الآتى:

  • معرفة الجهة المعنية باطباء نيابات طب الاسرة اداريا و فنيا وعلميا
  • اسناد عمل محدد لاطباء النيابة بمراكز ووحدات طب الاسرة الموزعين عليها و تطبيق نظام التدريب المقرر بصفحة 30 بدليل الاطباء المقيمين وحركة نيابات يونيو 2007 والذى نص على:

يتم التدريب اثناء السنة الاولى من التكليف على برامج التدريب التالية:

مدخل الى طب الاسرة – التسجيل الطبى – التثقيف الطبى ومهارات الاتصال – الحصر وتسجيل الاسرة –مهارات الادارة بالضافة الى البرامج الفنية

  • ليس منطقيا اننا الوحيدين المتخصصين ( نواب طب الاسرة ) و ايضا الوحيدين المحرومين من حوافزطب الاسرة فى الوقت الذى جاء بدليلالاطباء المقيمين حركة يونيو 2007 والذى نص على:

فيما يخص اللوائح والقواعد المنظمة للحوافز و المزايا التى تقدم للفريق الطبى هناك قرارات وزارية ولوائح تنظم كيفية اثابة الفريق الصحى وفقا لتقييم جودة الاداء و حسن سير العمل

علما بان المراكز التى وزعنا عليها مطبق فيها نظام حوافز واننا من الناحية القانونية سواء ألحقنا بها ندبا أو نقلا فانه يحق لنا التمتع بجميع الحوافز و المزايا المطبقة فى الجهة التى وزعنا عليها

و لقد تقدمنا بهذه الشكوى لكل من :

السيد الدكتور وكيل وزارة الصحة بالاسكندرية

مكتب الدعم الفنى بالاسكندرية

نقابة اطباء مصر- فرع الاسكندرية

و نتمنى ان نحظى بدعم سيادتكم لتحقيق مطالبنا فى تمكيننا من اداء عملنا المهنى و تحقيق مساواتنا بتلك المراكز و الوحدات من ناحية الحواف

رد بخصوص شكاوى الأطبااء

حيث أنه تم في اللقاء التليفزيوني ذكر عدم وصول بدل النبطشياات وغيرها من البدلاات منذ شهر 7 الماضي وذلك بالنسبة للاخصائيين وتم الإدعااء بأنها حالاات فردية

فإننا نرجو من جميع الإخصائيين الذين لم تصل إليهم هذه البدلات
موافااتنا بالتفااصييل وباماكن المستشفياات التي لم تصل إليهم البدلاات وارسال وسيلة الاتصاال بهم سوااء عن طريق الموبايل او الايمييلاات


كمانرجوا من أصحاب الشكاوى التي وردت إلينا الاتصال بنا وتزويدنا بطريقة الاتصال بهم


إعاادة اللقااء التليفزيوني

تتم إعاادة اللقااء التليفزيوني مع الدكتورة / منى معين عضو أطباء بلا حقوق في برناامج صبااح درييم على قنااة درييم 1 وذلك يوم الجمعة القاادم الموافق / 23/11/2007
وذلك من السااعة 9:30 الى الساعة 12:00 ظهرا

Sunday, November 18, 2007

فاعلياات


تقووم قناة دريم 2

على النيل سات بعمل لقااء غدا الإثنين المواافق 18/11/2007
في برنامج الصباح والذي يذاع من الساعة 11 صباحا الى الساعة 1

مع دكتورة منى معين عضو جماعة أطباء بلاحقوق
وباستضافة ممثل عن نقابة الأطباء وعن وزارة الصحة

وتتم فيه مناقشة احوال اوضااع الاطبااء المتردية ومطالبهم

ويتم استقبال المكالماات
لذا يرجى التواصل

الرسالة


بناء على إقترااح أحد الزملااء حول كتابة رسالة حول مدى معاناة الاطباء وماوصلت إليه حالهم
وإرسالها إلى كل مسؤول في مصر
وإلى جميع الصحف وعمل حملة إيميلاات
بحيث يقوم كل فرد بإرساال الرسالة من إيميله الخاص إلى الإيميلات التي ستكتب في أسفل الرسالة

فهانحن نقوم بكتابة بداية للرساالة ونرجو التفاعل سواء بإضافة مزيد من النقااط أو التعديلات بشرط أن تكون النقاط مختصرة وموضحة حتى يسهل قراءتها ونشرها





السيد الدكتور / وزير الصحة

السيد الدكتور / نقيب الأطباء ورئيس لجنة الصحة بمجلس الشعب

السادة أعضاء مجلس الشعب

إلى كل مسئول و صاحب سلطه


نحن أطباء مصر نطالب سيادتكم بسرعة إدخال مشروع كادر الأطباء لمجلس الشعب على أن يتضمن :

1- رفع أساسي الطبيب حديثي التخرج إلى 500 جنيه .ا

2-بدل طبيعة عمل (أو بدل طبيب) 100% .ا

3-10%علاوة سنوية .ا


على أن يطبق هذا الكادر على جميع الأطباء هذا بالإضافة لزيادة كلا من بدل العدوى وبدل النوبتجية .ا


السادة الكراام .......... رجااء عدم الإبطااء أو التأجيل في هذا الأمر حيث أن معاناة الأطباء و إنحداار مستوااهم المادي ومايؤدي له من إنحدار للخدمة الصحية في مصر أصبح لا يحتمل أي تأجيل أو تسويف في خطوات العلااج . ا







Friday, November 16, 2007

رد بخصوص شكاوى الأطباء

نتمنى من جميع الأطباء المتقدمين بشكاوى التواصل معنا عبر الإيميل لتحديد ميعاد للذهاب معهم إلى النقابة وذلك لتقديم شكواهم مكتوبة للنقابة ومناقشة الخيارات الممكنة حتى تساعدنا النقابة في الضغط على وزارة الصحة للتعامل باهتمام مع هذه الشكاوى للوصول إلى أحسن الحلول الممكنة .

Monday, November 12, 2007

فاعلياات


اجتماع جماعة اطباء بلاحقوق يوم الجمعة القادم الموافق 16/11/2007 بحديقة النقابة خلف دار الحكمة وذلك في الساعة الثانية عصرا
وسيتم في هذا الاجتماع :

1- متابعة نتائج الإستبيان .

2- مناقشة إمكانية تنفيذ حملة الإيميلات الموجهة للمسؤلين بمعاناة ومطالب الأطباء . (إقتراح ورد لنا على الايميل )

3- مناقشة إمكانية عقد ندوة خاصة بالتعليم الطبي وفترة الإمتياز وأعداد المقبولين بكليات الطب .ا


Thursday, November 08, 2007

إن الله لايغير مابقوم حتى يغيروا مابأنفسهم

انا د/ مروة من المنصورة دفعه 2005 المحظوظه
انا مش هتكلم عن الغباء البشرى فى الروتين ولا عن البشر اللى بنتعامل
معاهم وعاملوهم مديرين وهما مش فاهمين حاجه
ولا اى حاجه من اللى نقلتوها لان اللى انتوا حكيتوه مشاكل الاطباء
لكن اللى انا هحكيه مشاكل الناس
انا يا جماعه تكليفى فى كفرسعد دمياط
وفى وحده نائيه
ولازم اروح كل يوم
واقعد فى النباطشيه لما قلت للمدير انا مش هينفع ابات لوحدى فى الوحده
قالى هاتى حد من اخواتك يبات معاكى
قلتله ازاى يعنى هما اخواتى فاضين ولو فاضين حتى هو انتوا بتعاقبونى
انى دخلت طب انا واسرتى
اقول لمدير الاداره يا بيه انا بنت ازاى ابات لوحدى فى 190 متر لوحدى
وفى حته مقطوعه كمان
يقولى حد قالك تدخلى طب
والله يا جماعه جالى تفتيش من الوزارة الدكتورة بتاعه تنظيم الاسره
بتسالنى انتى منين يا بنتى قولتلها من المنصورة يا دكتورة قالتلى منهم
لله اللى شردوكم
قلتلها والله لو كنت بتعلم مكنتش زعلت قالتلى تتعلمى انتى هنا فى مقبرة
الاطباء
التعليم هناك فى الجامعه
المهم ما علينا
انا بقه موجوده فى الوحده ليه
هو ده السؤال
طول النهار بمضى استمارات مواليد وشهادات وفيات ووالله العظيم لا شفت حد
بيتولد ولا حد بيموت
واختمى الورق ده يا دكتورة حاضر وامضى هنا
حاضر لا وكله كوم وحمله شلل الاطفال دى كوم
لازم امر فى الشارع وانا لابسه البالطو
سلام عليكم عندك عيال يا حاجه اتفضلىى يا ابله وتدخل الممرضه تطعم وتعلم
انا بقى لزومى ايه
مش عارفه واقفه اتفرج
ول بيت ندخله يسالوا التمريض مين الحلوه اللى معاكم دى يا ابله فلانه
دى الدكتورة يا حاجه
يا حلاوة الدكتورة بحالها اتفضلى يا بنتى شكرا ياحاجه
انتى منين
ومتجوزة يختى
لا حول الله
وما عندكوش وحدات فى بلدكم
لا ياست عندنا بس الوزارة عاوزة كده
ولما سالت وكيل الوزارة انا لزمتى ايه حضرتك فى الحمله
قالى احتمال يحصل طوارىء وحضرتك لو حصل للعيال حاجه هعملهم ايه
قالى مش مهم تعمليلهم المهم انك موجوده ودفاترك مظبوطه العيال تموت مش
مهم عندهم
ماشى
نيجى بقى للكشف
اللى جاى يكشف عاوز كبسونات مضاد حيوى علشان يحطها للفراخ
وعارف انى معنديش ادويه غير مضاد حيوى ومطهر معوى وطارد بلغم
طول النهار بكتبهم
وبعدين مفيش صيدلى اقوم انا اصرف الدوا
ونيجى بقى للاستقبال
او الاستهبال ان جاز التعبير
عندى ابرة مصديه بقالها 5000 سنه اتخيط بها توت عنخ امون قبل كده
وخيط والله متردوش تخيطوا بيه المراتب
يا جماعه كده حرام
يا بيه من فضلك عاوزين ابر جديده ونستخدمها ونرميها علشا العدوى يرد
عليا ويقولى متعرفيش اننا بنعقمها يا دكتورة
قلتله ازاى دا احنا بنغسلها بيتادين
قالى ماو البيتادين ده ايه مش تعقيم
يا بيه فيرس سى
والايدز
يا بيه كده حرام
راح رادد بكل غباء
والله لو ضميرك تعبك اشترى ابر على حسابك وريحينا
يا تدى لضميرك راحه احنا مش فى الجامعه
احنا فى الصحه
رديت وقلتله تقصد احنا فى وزارةازاله وتدمير الصحه
وغيره وغيره
لاء وكمان بيجيلى واحد معاه شهاده نحو الاميه بيشتغل فى المجلس المحلى
يفضل يقولى ده كتبتيه ليه
وده مضى ليه
وده ايه
سالته حضرتك دكتور
قالى لا
قلتله امال هتفهم ازاى
قالى هو انتوا بقى اللى دكاترة
انتوا موظفين هنا زينا زيكوا

لاء وايه يقولى ايه ده يا دكتورة فين الشجر ماله ضعيف كده ليه وحولين
الوحده ماله كده فى قش
قلتله حضرتك انا معايا بكالوريوس طب مش زراعه
انا مالى انا ومال الشجر قالى ازاى ده الواجهه بتاعتك
قلتله خلاص ابقوا اصرفولى فاس وانا هظبط الجنينه يا بيه بقولك معنديش
ابر للعيانين ولا جوانتيات فحص وتقولى شجر
قالى لا مش مهم الابر المهم الشجر
وبعدين ازاى تسمحى ان يبقى فيه قش حولين السور
قولتله معلش اصرفولى بندقيه صيد اموت العصافير قليله الادب اللى بتوقع
القش
قالى حضرتك بتهزرى قلتله بصراحه انتوا اللى بتهرجوا
قش ايه وشجر ايه بقى كنت بطلعوا عينينا فى المذاكرة والامتحانات علشانن
الشجر والعصافير حسبى الله ونعم الوكيل يا ناس انا معنديش مكتب اقعد عليه
وبكشف على طرابيزه
اقولكم ايه بس

اقولكم اننا طب المنصورة اسؤ مجاميع على الجمهوريه
واننا ان شاء الله مش هنلاقى حتى نيابه مسح سلالم فى الدقهليه
اقولكم ان الجلديه والنسا خدت من 81 فى الميه
وانا اللى جايب 79 فى الميه كان ليه بوست فى الجامعه
وان كل اللى دخل الدقهليه طب طنطنا وطب الزقازيق
واحنا والحمد لله عاملين زى موبينيل بنغطى مصر كلها
قنا ومطروح والعريش والبحر الاحمر والسلوموتوشكى

اقولكم انى لازم اروح كل يوم واركب 8 مواصلات رايح جاى علشان اروح الوحده
ولو غبت يوم يتشطب عليا وشؤن قانونيه وجزاءات بالهبل
يا ناس انا مستلمه فى الوحده يوم 28/6لحد النهارده 25 يوم جزا
تخيلوا
وبفضل امضى واختم زى بجد الكتبه زماااااااااااان فى الافلام وارجع كمام
البلوزات كوبيه
والدتى قالتلى ابقى لبس كم اسود بتاع الباش كاتب
الجميل بقى انى الحمد لله نسيت كل اللى اتعلمته
نسيت انا اصلا ضيعت عمرى ليه
بندم انى تفوقت وزاكرت اه
بندم انى هنا فى البلد دى اه
عارفين زنبنا ايه
اننا فى بلدمبتقدرش الناجحين
كفايه ابو تريكه وهانى سلامه ونانسى عجرم
تقدرهم الدوله
كفايه ورده مثلا تعالجها الدوله على حسابها
وانت مثلا راجل دكتور واستمارة مرتبك كاتبين فيها 2 ج و15 قرش بدل عدوى
وبدل غلاء معيشه
كفايه انى دكتورة قد الدنيا ومش عارفه اقولهم فى البيت خلاص انا كبرت مش
عاوزة المصروف اللى هو اكبر من المرتب
كفايه اننا مش قادرين ندى لاننا اتظلمنا
يا عبادى انى حرمت الظلم على نفسى
ربنا حرم الظلم واحنا استبحناه بينا
الدوله والحكومه شركاء فى قتل احلامنا
الدوله والحكومه اجهضوا احلامنا فى باكورتها
فاروق جويده قال
وباى حق تطلب من صغير بعد ان قطعوا يديه بان يصافح
هو ده حالنا بالضبط
انت كل اللى بتحلم بيه تاخد ماستر وتسيبهالهم
وتمشى من البلد دى
او تسيب الطب وتغنى
او نعمل فيديو كليب
مش هنسى ان الدكتورة اللى ركبت الاير واى لمحمد صديق كرموها وعملولها
هيصه
علشان انقذت النجم ابن مصر
ومكنوش هيعبروها لو انقذت عم محمود اللى فى الشارع
ولا كانوا هيسالوا فيها لو قصرت فى عم ابراهيم اللى فى الشارع
زى تماما ما قالها استاذ عندنا
زمان فى الكليه
عاوز تشتهر
ركب لولب ليسرا
او بنج سعاد نصر
او انفخ وش هيفا
لكن تتعلم او تدور على العلم
يبقى هتضيع يا بنى
د/ احمد شفيق اتوفى من كام يوم حد سمع حاجه
عملوله حاجه
هو مين احمد شفيق اصلا راجل ضيع حياته فى العلم والبحث الطب ايه يعنى
لكن احمد زكى لاااااااااااااا
طبعا ده رمز من الرموز
ده اللى التاريخ هيخلده ده كفايه انه علمنا يعنى ايه كابوريا
د/ زويل قال لهم نعمل جامعه وكليه للبحث العلمى قالوله اسكت يياراجل
انت بحث ايه وكلام فارغ ايه انت عاوزنا نشغل مخنا
روح يا راجل شوفلك شغله
حصل ولا انا بفترى عليهم
د/ غنيم الراجل اللى عمل اسطورة مركز الكلى قالوهم انا عاوز ابقى
العميد علشان عاوز اصلح سياسه الطب فى مصر قالوله تصلح ايه يا راجل انت
متشكرين انت كبرت خليك بقى متفرغ وابقى شقر علينا
لما تقعد مع الراجل ده يقولك الطب فى مصر نكسه بكل المقاييس
وعلشان كده عمرنا ماهنتغير الا اذا احنا قلننا لا
لالالالالالالالالالالالالالالالالالالالالالالالالالالالالا
لا
ان الله لا يغير ما بقوم حتى يغيروا ما بانفسهم
احنا اصلا اللى سكتنا من البدايه علشان كده هما افتروا واحنا برضه لسه
ساكين
__