مجلة أطباء بلاحقوق

قرارات مقترحة وآراء للجمعية العمومية :

1- لابد من الحضور القوي لان هذه الجمعية مصيرية
1- لابد من الحضور القوي لأن هذه الجمعية العمومية مصيرية ونرجو حتى من المحبطين أن يحضروا

2- محاسبة الخونة (كبيرة الكلمة ولكن هذا هو التوصيف الصحيح لهم خاصة اللي اتكلمت عنهم الصحف ) خلينا نبقى حازمين شوية وجدعان شوية شوفوا الصيادلة عملوا ايييه

3- محاسبة النقابة على الانفراد بالرأي واللي يشوف اخبار اساتذة الجامعة يقارن وان اللي التقوا برئيس الوزراء منتظرين قرار الاساتذة مش ينفردوا بالرأي لوحدهم زي ماحصل معانا
يعني كان من المفترض أن يدعو لجمعية طارئة والناس اللي تحكم ولو ماكانش حد جه كان ساعتها ليه الحق

زائد ان فيه تقصير في عدم دراستها للموضوع من الناحية القانونية قبل الجمعية العمومية اللي فاتت

4- ضمان عملي ان ده مايتكررش واجتماع الاطباء واتخاذ اليات عملية لو حصل كذا يبقى كذا
حتى لو النقيب طلع ولغى برضوا القرار يتنفذ

5-عدم ذهاب الأطباء للعمل يوم السبت من كل أسبوع أو كل أسبوعين " بأي حجة " عدا أطباء النوبتجيين وبذلك سنعفي الاطباء من تهديد الوزير الهمام لنا

6- ان قوة الاطباء في اجتماعهم وبالتالي يبقى فيه تهديد صريح ومتفق عليه ان اي طبيب هيحصل معاه حاجة الامور هتتطور اكتر يعني لو تم اعتقال اي طبيب او فصله او مجازاته ساعتها الكل يضرب تضامنا معاه وابقوا خليهم يتجرأوا لازم نبقى ايد واحدة ونرجع هيبة الاطباء

لازم تبقى هي دي طريقتنا مش خضوع للتهديدات واي حاجة بيهدد بيها تتمنع فورا والا يبقى الاضراب هو الحل

نريد أن نصل لقرارت موحدة وهنحاول ننشرها في اسرع وقت
عشان الكل يبقى متفق عليها واي حد يتكلم في الجمعية العمومية يطالب بيها لان مش مضمون ان الكل يتكلم نظرا للزحمة
منتظرين ردودكم - يرجى الإسراع