http://elsahelelsahel.maktoobblog.com/
ما تستعجبش ....ما تستغربش
فى ناس بتتعب ولا تكسبش و ناس بتكسب ولا تتعبش...
على رأى اسماعيل ياسين ...بس الحقيقه أحنا نقصد بتكسب بس بدرجات
أعضاء الفريق الأول ...اللى بيتعب و لا يكسبش
الأطباء اللى قاعدين فى الأستقبال 24 ساعة للطوارئ و الحوادث للجلطة و المغص الكلوى و التسمم الخ الخ
الأطباء اللى بيعملوا العمليات فى الحوادث يوقفوا نزيف حاد داخل البطن ينقذوا ساق أو ذراع من البتر ..يثبتوا كسر ...يولدو طفل... يوقفوا نزيف من المخ
دول بقى ...فى زمن الحواه...هم المهمشين ؟؟ تصوروا
دول بقى اللى عمر ما حد من الأعلام و لا الوزارة و لا التلفزيون و لا الصحافه و لا البيت بيتك يقول لهم أنتم فين...عاوزين أيه...ناقصكم أيه...بتصرفوا فلوسكم ؟؟
دول اللى بيشتغلوا ...لو التكييف عطلان فى العمليات و الجو نار بيشتغلوا ...لو الكشاف مش مضبوط بيشتغلوا لو المونيتور مش مضبوط بيشتغلوا ....ليه؟؟ لأن لو ما أشتغلوش المريض الغلبان هيموت...فلازم يشتغلوا فى كل الظروف
دول المفروض ياخذوا جوايز و شهادات تقدير و فلوسهم تتحط لهم فى ظرف و عليه شكر أنما الواقع أنهم بعد دا كله...مره يصرفوا و عشره لأ..و علشان يصرفوا الملاليم بتاعتهم لازم و لازم
أعضاء الفريق الثانى اللى بيكسب و لا يتعبش
دول بقى بيتعبوا تعب و بيشتغلوا برضه لكن لا يمكن مقارنتهم بالفريق الأول و ممكن ينتهى شغلهم الساعه 4 مثلا و بعد كدة "بون وى" ممكن يناموا أو يروحوا العيادة أو السينما ...و ساعات يتأخروا برضه لكن مش زى الفريق الأول
دول بقى بتوع التلفزيون و الصحافة و الحى و الحزب و تكتب عنهم الصحف المخدوعة " و صرح الدكتور س نائب الدكتور ص" أو " و ألتقينا بالدكتور م زعيم الأستقبال الذى أفاد "
دول بقى أخر مره عالجوا مريض فقير أو أمسكوا بمشرط أو وضعوا جبيرة جبس فى الحوادث كان أمتى؟؟ من 15-20 سنه
دول بتوع البعثات و المؤتمرات الذهبية
و رساله الى الأخوة الصحفيين و القنوات التلفزيونيه اللى عاوز يعرف الحقيقة و المقصود بالحقيقة مش المصايب بس لأ فيه برضه حقائق كويسة ...يقابل المهمشيين ..يقابل المدعويين ليل و نهار وسط المرضى...يقابل الممرضات المطحونيين مش رأيسة التمريض اللى ضهرها واجعها من كتر الجلوس مثلا لأ شوف بنت صغيره طول الليل شغاله
===================
عمنا الكبير الدكتور حشمت و هو رجل طيب القلب يتسائل بشدة عن كتاب المدونة و للحق نقول يشترك فى أعداد المدونة (المدودوة) حوالى 25 طبيب و عموما مجلس أدارة المدونه يعد الدكتور حشمت بالمحافظة على ادب الحوار
أجتماع الأمين العام الدكتور مرتجى نجم و الأمين العام المساعد د محس مع النواب و الأخصائيين
ملاحظات قبل الأجتماع
الأسهل ان الامين العام يشرف المستشفى بحضورة فى سيارته الحكوميه بدلا من أنتقال 100-300 طبيب الى معهد التغذيه بشارع القصر العينى الساعة 2 ظهرا ...أحتمال الهيئه فاكره النواب و الأخصائيين من ركاب السيارات ال 6 سلندر...أو الأمين مش عاوز يدخل المستشفى و يجتمع بالأطباء بدون دكتور هلال؟؟؟
الملاحظة الثانيه هو الأهتمام الشديد بحضور الأطباء للأجتماع بالبالطو الأبيض و كارت التعريف ID و الحقيقه برضه مش فاهمين طالما الأجتماع خارج المستشفى نلبس بالطو أبيض ليه ؟؟ و كمان كارت تعريف ليه؟؟ خايفيين مثلا طلاب كليه الحقوق يحضروا الأجتماع...المهم صارت أشاعات أن الأطباء سيذهبون الى المصيف هذا العام برضه بالبالطو الأبيض و الأى دى ....
الملاحظة التالته لو العم العزيز محسن مكرم مثلا تبرع و فكر و قال نودى الدكاتره بأوتوبيس المستشفى للأجتماع رحمة بهم ما يركبو ا مواصلات بالبالطو و الأى دى
الحقيقه و بجد دى الحقيقه أن المسؤوليين فى مصر لا يجيدوا التفكير فى التخفيف على خلق الله 2.5 ظهرا فى شارع القصر العينى و بالبالطو و الأى دى....فعلا تفكير أستراتيجى
Posts
1 comment:
... ... ... طبيـــــب اون لاين مجــانــا
مواعيد الاطباء يوميا السبت والاثنين والاربعاء اخصائى تجميل وصيدلى خبير
... ... ... الاحد والثلاثاء والخميس استشارى الاطفال
... ... ... ... المواعيد يوميا من الساعة 7 الى 10 مساءا
بالاضافة الى وجود اطباء صباحا من 9 الى 5 مساء يوميا من السبت للخميس
عندما تجد الطبيب مشغول يمكنك ترك رسالة وسيتم الرد عليك فى اقرب وقت ممكن
برجـــاء تسجيل البريد الالكترونى عند دخول الشات للتواصل مع الطبيب على اكمل وجهه على الرابط التالى مجانا
برجاء شير ليستفيد الجميع ...الدال على الخير كفاعله
http://nahdicarechat.com/
Post a Comment