Monday, January 07, 2008

تعليقاات على حلقة كادر الأطباء على العاشرة مساء

شاهدت اليوم في برنامج العاشره مساءا مجموعه من الزملاء اما ليس لديهم القدره علي الحل او الربط او انهم لا زالو لا يريدون الحل في رأيي ان الحل يبدا من تنظيم العمل في القطاع الخاص فما يحدث من تسول الاطباء لحقوقهم فى المستشفيات الخاصه مقزز للغايه فتلك الاجور اللتي يتقاضونها وكانها هبه او منحه اضافيه لا يستطيعون من خلالها التقسط او حتي تامين المستقبل فهم عماد المستشفيات الخاصه وليس لهم اي حقوق سواء تأمين او معاش او اجازات مدفوعه و كأننا اتفقنا علي العمل سرا بدون علم الحكومه او حتي النقابه
طبيبه مفروسه



==========

انا اتفقعت مرارتى منهم

شفتوا بتاع الصحه عمال يلف ويدور ويرد على كلام اهبل
وكل شويه لما يتسال على الفلوس يقول حدوديد حدوديه
مظبوط على كده
يا عم ارحمنا اروح سيناء ليه
اخلع بره احسن
وعميد القصر مش عاجبه كلام منى بتاعه اطباء بلا حقوق وبيقلها بمنتهى قله الذوق
انتى بتتكلمى لوحدك
اتما منى دى
ما شاء الله عليها ربنا يحميها
يا ريبت لو نتعرف بيها
او نعرف هى مين لبقه متكلمه فاهمه دارسه
عايزنها تبقى المتحدثه نيابه عنا
ربنا يحميها
ووواضح ان كله كلام فى الهوا ولازم الاضراب
الاضراب عادى عشان الحكومه متجيش غير بكده
وفى قاموسا طبعا
اشمعنا الضرائب والمحله
هم احسن مننا ولا ايه صح يا جماعه ولالا
بالصراحه بكلام مستشار الوزير مفيش امل غير الاضراب عشان يعرفوا ان الله حق
ومره تانيه بشكرك يا دكتوره منى
تاحياتى ليكى
انتى صوتنا
شكررررررررررررررا ليكى

http://www.dvd4arab.com/showthread.php?t=765665&page=2

6 comments:

Anonymous said...

الدكتورة منى مينا

برافو برافو شجاعة مفيش زيها ...حاولت اتصل بالبرنامج عشان اخش فى الجماعة دول شمال لكن الخط كان عطلان..
دول يا استاذة عايشين فى برج عالى مش داريين بينا... الواحد من دول بيقبض فوق العشرين الف فى الشهر ده غير عيادتهم الخاصة ومستشفيات الجامعة والمستشفيات الخاصة زى السلام والقاهرة التخصصى وكليبوترا وغيرها... عايزة يبوصوا لينا احنا بتوع الصحة ازاى
....
يا عم يا بتاع الصحة.. بالبلدى كده احنا مش عايزين الكادر بتاعكم اللى ح تزلونا بيه.. احنا عايزيين لما الواحد مننا يقع ويجيله التهاب كبدى من شكة ابرة او اى مرض اخر يلاقى حد يشيله ويقعده فى مكان نضيف.. ونلاقى حد يقف جنبنا ضد اخطار المهنة واخطاءها ومافيا التعويضات... ومعاش كويس زى اخواننا البعدا نتسند عليه فى الشيخوخة.. هى دى مطالبنا وارحمو من فى الارض يرحمكم من فى السماء

المفقوع
دكتور علاء رفاعى
www.elbakry222.blogspot.com

موقع الطبيب الحر

amse said...

السلام عليكم

أنا شفقت حلقة امبارح وكانت روعة

بجد كلام وزارة الصحة ومعلش هرتلة إعلامية يعنى ايه تعاقد على الحدود ب6000 ج لاو ايه للأخصائى وما فوق طب مادمت أنا خدت اللقب الذهبى أخصائى وغربة بغربة أسافر بره وخلاص

هو عايزنى أروح على الحدود أعالج الديابة وزأتمتع بالصحراء الخالية

على الأقل بره مرتب محترم مكان مظيف مستشفى بجد

كان ممكن الكلام ده يكون كويس لو كان الموضوع ده للنواب الغلابة بتاع 220ج فى الشهر هو الممكن يروح الحدود هو اللى فعلا محتاج لأنه لايملك من حطام الدنيا شى ده الزبال بيأخد أكتر منه رغم انه شايل المستشفى ليل نهار

بجد أنا اتعقدت خلاص

1- قلت أتفوق وأكون معيد

قالوا دا كان زمان والكلية عندنا بقالها سنين مابتعينش معدين
2- خلاص طب نيابة فى الجامعة قالوا 3 سنين وبالسلامة على بره مبنعينش مدرسين مساعدين
3- قلت مش مشكلة 3سنين فى الجامعة وأخد الماجستير وعلى الخارج

قالوا كل سنة وانت طيب النيابة بقت 5 سنين ومرتبك 420ج وطبعا مقتول شغل فى الجامعة أشتغل خاص امتى
4- طيب أطلع وأتكلف بوزارة الصحة

قالوا مرتبك220ج وقدامك سنيييين على ماتأخد الماجستير وعليك أن توصل العمل ليلا ونهارا لتحصل على قوتك


حررررررررررراااااااااااامممممممممممممممم

ايه هوأنا مش بشر زى كل الناس حلمى بسيط أتجوز ويكون ليه أسرة زى كل الشباب ومرتب يكفينى أنا وعيالى

هو ده جزائى علشلن متفوق وذاكرت 7سنين ولسه هذاكر باقى عمرى

ده اصحابى فى الكليات التانيى خلصوا وخادوا اعفاء من الجيش واتجوزوا وأنا محلك سر

دخل بالشيفورليه واحنا قاعدين حمل الشيفورليه واحنا قاعدين
طلع بالشيفورليه واحنا برده قاعدين

حد يقول امتى هاتجوز لما يبقى عندى 70سنة وأزاى أستحمل الكشف على النساء ليل نهار وأنا بلا أمل خالص انى أتجوز طبغا الرجالة فهمين قصدى ايه

البيه بتاع الوزارة مش حاسس بينا يمكن 220ج أكيد كانت مبلغ حلو

لكن طبعا ولاحاجة دلوقتى كانت تنفع من 10 سنين لما كان جرام الدهب ل28ج ةالسكر ب1.5 ج

لكن دلوقتى دا أنا علشان أجيب خاتم محتاج أحوش سنين علشان الخاتم بس مش شقة وعفش...............

دا فى السعودية طبيب الأمتياز السعودى كان مرتبه 12ألف ريال تم تخفيضه إلى6ألاف ريال عملوا اعتصامات أمال لو خدوا 150ج كانوا عملوا أيه


الحل هو الأعتصام أحنا مش أقل من عمال السكة الحديد والغزل الضرائب...................

كلام دكتور أحمد فريد غير مقبول بالنسبة للأعتصام وموضوع الناس الغلابة


أعتصم يوم اتنين ميه لحد مأخد حقى بالنسبة للغلابة والمرضى هايكون أحسن من إنى أعالجه وأنا بالحالة السيئه دى


وأخيرا حسبى الله ونعم الوكيل

Anonymous said...

ياجماعة الكلام كدة مش هيجيب نتيجة
أحنا عاوزين حاجة تسمع الناس اللى مش حاسة بينا.يعنى لازم صوتنا يوصل للناس اللى فوق لأن طول م أمثال الناس اللى كانت بتتكلم فى حلقة برنامج العاشرة مساء.طول مهما بيفهموا اللى فوقيهم ان الدنيا ربيع والدكاترة آخر انبساط مفيش جديد هيحصل.دى كانت حلقة كدب فى كدب ومع تقديرى الشديد للدكتورة منى واللى بجد ربنا يخليها لينا الا ان الحلقة مكنتش متكافئة ومحققتش الغرض وأنا شايف ان الحلقة مقدمتش جديد بل على العكس يمكن تكون أضرت فأنا بقترح أطلاق دعوة للاحتجاج على الحلقة دى وكلام الكدابين التلاتة اللى كانوا فيها ربنا ينتقم من كل ظالم لأن بجد الأوضاع بلغت من السوء حد لا يحتمل ولا يمكن السكوت عليه
وبردة بقترح تنظيم أضرابات مقننة بمعن مناوشات باضرابات لبعض التخصصات الغير حيوية كالرمد والان والاذن والاشعة والتحاليل وما الى ذلك تقوم هذة التخصصات باضرابات مقننة يتبعها تطوير وتوسيع دائرة الاضراب علشان المسئولين الى عاملين انهم مش حاسين بينا يتكسفوا ويضطروا يعترفوا ان احنا مظلومين ونفكر بقى ايه الحل
وربنا عالظالم والمفترى وآكل حقوق الغلابة ياريتنا حصلنا الغلابة دا احنا مساكييييييييييييييييين

Unknown said...

شاهدت الحلقة من علي النت وبالفعل حلقة رائعة

وأنا معكم في الإضراب حتي نأخذ حقوقنا

أطباء said...

اعتقد ان الحلقة ادت ولو دوور ضئييل من الهدف وهو تعريف النااس بأن الاطباء حالهم صعب وحقوقهم مهدرة
وحكااية الاصراب والاعتصامات فده كله هيتنااقش في اجتماع الجمعية العمومية يوم 1 فبراير
بس اهم حااجة النااس تييجي

Anonymous said...

ممكن اطلب تركيز حمله ضد اسعار تسجيل الماجستير الجديده...لانه من الحرام تماما استغلال اطباء الوزاره لتحسين دخل اعضاء هيئة التدريس!!!!!!!!!