Sunday, January 13, 2008

مقترحات الاطباء للجمعيه العموميه 1/2/2008


بسم الله الرحمن الرحيم
الحمد لله على ما وصل اليه اطباء بلا حقوق وعلى وصول صوتهم للفضائيات ومجلس الشعب وننتظر النتيجه ان شاء الله فى اجتماع الجمهيخ العموميه الغير عاديه فى الاول من فبراير وهذا الموضوع حتى يقترح كل من لديه فكره او بند يحب ان يطبق ان شاء الله

ابدأ بنفسى احمد عبد الحافظ خريج المنصوره 2005 ديسمبر وتكليفى الان فى مستشفلا تكامل وانا مديرها كمان على فكره وهناك بعض السلبيات ياريت نعرف نغيرها:
1- موضوع التكليف على الوحدات الريفيه وتكون لوحدك هناك (بتاع كله) مع ان خبرتك لسه (ولا مؤاخذه) لسه ده غير الروتيميات والاداريات والتحكم فى موظفيين اصغرهم يكبرك ب 10 سنوات طيب ليه الوحدات ميمسكهاش طبيب اسره او اخصائى طب ارياف او ممارس عام من اللى فاتتهم النيابات وبعد ما نخلص نياباتنا نبقى نحدم فيها كام شهر بدل مل بنترمى فيها من الاول وبننسى الطب اللى اتعلمناه
2- النيابات او التخصص طبعا لو نزلت من الاول زى نيابات الجامعه يبقى كل واحد هيعرف تخصصه وهيركز فيه
3- التحضير للدراسات العليا ودورك على ماييجى موت ياااا.... وبعدين المصاريف الى اتضاعفت عده اضعاف ؟؟؟؟؟
4- ان الدكاتره تابعين للحكم المحلى وبيجى يفتش عليك واحد من مجلس المدينه او الوحده المحليه0( بدبلون ) وعاوز يتدخل فى شغلك (الطب) والله ويقولك كلنا موظفين (طبعا النوعيه دى بشوط على طول واللى يحصل يحصل جزا جزا هما مش واحدين بالهم اننا مش ناقصين جزءات وان كل يوم بيعدى علينا بينقص من عمرنا ومبنتعلمش حاجه يعتبر جزا لينا يالله الحمد لله ياريت الحاجات دى تتراعى فى الاجتماع

وياريت اى دكتور عنده اقتراح يحسن صورتنا يقوله
وطبعا نسيت اهم حاجه (الفلووووووووووووووس) عاوزين فلوس كتيره اوى عاوزين نركب عربيات ان شالله تا تا الهندى ام 12000 اى حاجه بدل ما احنا راكبين الباتا ههههههه

وعلى راى طلعت زكريا احنا ميهمناش الفلوس اهم حاجه راحه بنتنا ومادام راحت بنتنا مش هتيجى الا بالفلوس فنتكلم شويه فى الفلوس

سلام

No comments: