استلهاما من هتاف زميلنا د محمد رخا(يا مريض وقفتنا ليك ..وقفتنا لا يمكن تأذيك)و
فى زملاء كتير لنا بيقولوا ايه ذنب المريض فى اننا نعمل اضراب؟؟؟؟
سؤال مهم جدا..بس أنا عايزة احكيلكم حكاية ..واحد قريبى راح بأخوه استقبال مستشف ى حكومى(من حوالى أسبوع واحد بس مضطرا لأن الساعة كانت 1 و نص بالليل و مفيش عيادات فاتحة) لقى الأطباء كشفوا و كتبوله مش عارف مسكن ايه و قعداو يتعشوا و سابوه قاعد على كرسى..و كان فى دكتور واقف بيتفرج مش بيعمل حاجة..فقريبى صعب عليه اخوه و هوقاعد كده و شكله مش متحسن فبيقول للدكتور اللى واقف..مفيش مكان يرتاح فيه؟؟قاله دخله اودة الكشف جوه..أودة الكشف دى بقى المية ضاربة فيها من الحمام,,و بعدين الدكتور كتبله لستة أدوية يجيبها من برة المستشفى.و قريبى قالى اللى كان من المستشفى هو البلستر اللى لزقوا بيه الكانيولا
حكى لى قريبى انه اتعصب فى الأول ع الدكتور و قاله امال انت واقف بتعمل ايه؟؟يعنى مكان الكشف ضارب فيه المية..و مفيش علاج..و مفيش أى حاجة..و بعدين بعد شوية حس انه غلط و انه الدكتور مالوش ذنب فى حاجة..بس كان بيسأل نفسه سؤال بديهى ازاى يبقى ده حال المستشفيات و الدكاترة قابلين و ساكتين و شغالين؟؟؟
الفرق بين الأطباء و بين الناس .ان احنا اللى ماسكين النار بايدينا ..احنا اللى عارفين الفساد و السرقة فين..و بالتالى ما ينفعش نسكت..لما نبقى موجودين فى مستشفى هو ده حالها..يبقى نعمل اضراب و لا لأ؟؟؟لما يبقى عارفين ان ده حال اكتر من 95% من مستشفيات وزارة الصحة.يبقى نعمل اضراب و لا لأ؟؟؟
لما يبقى من مطالبنا اننا نزود ميزانية الصحى ل 15% بدلا عن 4% ..يبقى نضرب و لا لأ؟؟؟؟
لما نبقى عايزين الحكومة تبص للصحة و تعرف انها من أولوياتها و انه مفيش حاجة اسمها وزارة خدمية..و ان صحة الشعب دى من اولى الأولويات جنب التعليم..يبقى نضرب و لا لأ؟؟؟
لما نكون عايزين دخل محترم..عشان ما يفضلش الدكاترة يتنطنطوا فى البرايفت و يسيبوا شغل المستشفى الحكومى عشان بس احتياجات الحياة الضرورية..يبقى نضرب و لا لأ؟؟
لما نكون عايزين تسهيل للدراسات العليا و تدريب مستمر..عشان المريض ييجى يلاقى دكتور بيفهم و متدرب كويس..مش اى كلام فى اى حاجة..يبقى نضرب و لا لأ؟؟؟
الدكاترة لما بيزهقوا بيسيبوا البلد و يسافروا برة..انما المرضى يعملوا ايه عشان يتعالجوا احسن؟؟؟يجيبوا منين؟؟؟
المرضى بيعترضوا بانهم يتعدوا علينا لفظيا و جسديا..احنا بقى هنعلمهم وسيلة جديدة للاعتراض..اننا نضرب عن العمل فى هذه الظروف الغير آدمية على الاطلاق..عشان يكون فى نظرة واعية للقطاع الصحى..عشان ما يجيش عيان فى يوم يقولك ..لما مفيش علاج و مفيش كشف..انت واقف بتعمل ايه؟؟؟
لما ييجى عيان يقولك انتم مضربين ليه؟؟تقوله عشانك و عشانى..عشان لما اكون فى مستشفى محترمة فى بلد محترمة بتحترم صحة المواطن و بتحترم مهنة الطبيب...لازم كمان هيكون علاجك بشكل محترم
لو سكتنا أكتر من كده تبقى دى مسئوليتنا كلنا....اننا سكتنا ع اللى بيحصل فى الصحة و اكتفينا اننا نشكو لبعض سوء أحوالنا بدون خطوات فعلية لاصلاحها....و الساكت عن الحق شيطان أخرس
موعدنا 1 مايو الساعة 11 صباحا فى دار الحكمة..لاقرار الخطوات التصعيدية بداية من اضراب 10 مايو ..ان شاء الله
فى زملاء كتير لنا بيقولوا ايه ذنب المريض فى اننا نعمل اضراب؟؟؟؟
سؤال مهم جدا..بس أنا عايزة احكيلكم حكاية ..واحد قريبى راح بأخوه استقبال مستشف ى حكومى(من حوالى أسبوع واحد بس مضطرا لأن الساعة كانت 1 و نص بالليل و مفيش عيادات فاتحة) لقى الأطباء كشفوا و كتبوله مش عارف مسكن ايه و قعداو يتعشوا و سابوه قاعد على كرسى..و كان فى دكتور واقف بيتفرج مش بيعمل حاجة..فقريبى صعب عليه اخوه و هوقاعد كده و شكله مش متحسن فبيقول للدكتور اللى واقف..مفيش مكان يرتاح فيه؟؟قاله دخله اودة الكشف جوه..أودة الكشف دى بقى المية ضاربة فيها من الحمام,,و بعدين الدكتور كتبله لستة أدوية يجيبها من برة المستشفى.و قريبى قالى اللى كان من المستشفى هو البلستر اللى لزقوا بيه الكانيولا
حكى لى قريبى انه اتعصب فى الأول ع الدكتور و قاله امال انت واقف بتعمل ايه؟؟يعنى مكان الكشف ضارب فيه المية..و مفيش علاج..و مفيش أى حاجة..و بعدين بعد شوية حس انه غلط و انه الدكتور مالوش ذنب فى حاجة..بس كان بيسأل نفسه سؤال بديهى ازاى يبقى ده حال المستشفيات و الدكاترة قابلين و ساكتين و شغالين؟؟؟
الفرق بين الأطباء و بين الناس .ان احنا اللى ماسكين النار بايدينا ..احنا اللى عارفين الفساد و السرقة فين..و بالتالى ما ينفعش نسكت..لما نبقى موجودين فى مستشفى هو ده حالها..يبقى نعمل اضراب و لا لأ؟؟؟لما يبقى عارفين ان ده حال اكتر من 95% من مستشفيات وزارة الصحة.يبقى نعمل اضراب و لا لأ؟؟؟
لما يبقى من مطالبنا اننا نزود ميزانية الصحى ل 15% بدلا عن 4% ..يبقى نضرب و لا لأ؟؟؟؟
لما نبقى عايزين الحكومة تبص للصحة و تعرف انها من أولوياتها و انه مفيش حاجة اسمها وزارة خدمية..و ان صحة الشعب دى من اولى الأولويات جنب التعليم..يبقى نضرب و لا لأ؟؟؟
لما نكون عايزين دخل محترم..عشان ما يفضلش الدكاترة يتنطنطوا فى البرايفت و يسيبوا شغل المستشفى الحكومى عشان بس احتياجات الحياة الضرورية..يبقى نضرب و لا لأ؟؟
لما نكون عايزين تسهيل للدراسات العليا و تدريب مستمر..عشان المريض ييجى يلاقى دكتور بيفهم و متدرب كويس..مش اى كلام فى اى حاجة..يبقى نضرب و لا لأ؟؟؟
الدكاترة لما بيزهقوا بيسيبوا البلد و يسافروا برة..انما المرضى يعملوا ايه عشان يتعالجوا احسن؟؟؟يجيبوا منين؟؟؟
المرضى بيعترضوا بانهم يتعدوا علينا لفظيا و جسديا..احنا بقى هنعلمهم وسيلة جديدة للاعتراض..اننا نضرب عن العمل فى هذه الظروف الغير آدمية على الاطلاق..عشان يكون فى نظرة واعية للقطاع الصحى..عشان ما يجيش عيان فى يوم يقولك ..لما مفيش علاج و مفيش كشف..انت واقف بتعمل ايه؟؟؟
لما ييجى عيان يقولك انتم مضربين ليه؟؟تقوله عشانك و عشانى..عشان لما اكون فى مستشفى محترمة فى بلد محترمة بتحترم صحة المواطن و بتحترم مهنة الطبيب...لازم كمان هيكون علاجك بشكل محترم
لو سكتنا أكتر من كده تبقى دى مسئوليتنا كلنا....اننا سكتنا ع اللى بيحصل فى الصحة و اكتفينا اننا نشكو لبعض سوء أحوالنا بدون خطوات فعلية لاصلاحها....و الساكت عن الحق شيطان أخرس
موعدنا 1 مايو الساعة 11 صباحا فى دار الحكمة..لاقرار الخطوات التصعيدية بداية من اضراب 10 مايو ..ان شاء الله
Posts
No comments:
Post a Comment