في جميع الدول المتحضرة يستطلع اولو الامر احوال الناس .............دعونا نفترض ان هناك احدهم يتابع ثورتنا هذة .........والية اقول ...سيادتكم ساعبر عن حالي الذي لا يختلف عن غيري كثيرا سيادتكم انا طبيب ابلغ الثلاثين واتقاضى 250 جنية ومتزوج و اعول طفل سنة ونصف سيادتكم انا بزوغ من شغلي عشان اشتغل شغل خاص عشان ابني ياكل ويشرب سيادتكم انا ماجر شقة اوضتين و صالة ب 600 جنية وعلى فكرة هي متواضعة جدا.........وعشان مترميش في الشارع هفضل ازوغ و اروح المستشفى الخاصة اللي بشتغل فيهاو بقول يولع العيان بتاع المستشفى الحكومي........ سيادتكم انا بايت برة بيتي 5 ايام في الاسبوع في الشغل الخاص طبعا لاني بزوغ من شغل الحكومة عشان اعرف اكل انا و ابني ...........سيادتكم انا عندي 2 بلوفر من سنتين هما هما اللي عندي و مفيش غيرهم ..............سيادتكم المرتب بيتصرف مواصلات عشان انا في مستشفى تبعد عن سكني 200كم و عشان كدة بدي موظف الامضاء 20 جنية شهريا و هو بيمضيلي كل يوم مع اني بروح يوم واحد في الاسبوع .........سيادتكم مصاريف الماجستير 1500 جنية وانا مرتبي 250 يعني في السنة3000 جنية يعني لو ماشتغلتش 5 ايام في الاسبوع هلبس و اسكن ب 1500 بعد مصاريف الماجستير طول السنةسعادتك..........سيادتكم الزيت بعشرة جنية و العدس بستة و والكهربا جتلي الشهر دة 58 جنية مع اني ببات 5 ايام برة ازاي معرفش سعادتك..........سعادتك انا لما بيجيلي مريض لسانة طويل بديلة بللي في رجلي عشان انا مخنوق.............. سعادتك انا النهاردة نبطشي و مزوغ ................سعادتك انا دكتور
Monday, February 04, 2008
Subscribe to:
Post Comments (Atom)
Posts
1 comment:
بصراحة مقال وقعى جداً واى دكتور ليه حق فى انه يبيع نفسه للخاص طالما الحكومة مش همها الشعب ولا بتفرق معاها الغلابة
Post a Comment