هل تعلم انها بتودي النار؟ من مذكرات طبيب

وجدت هذا الموضوع خلال تصفحي في النت :

http://forum.amrkhaled.net/showthread.php?p=1049185547&posted=1#post1049185547

هل تعلم انها بتودي النار؟ من مذكرات طبيب


صاحبنا اللي بنتكلم عنه شغال وظيفه هتوديه النار حذروا فزروا هو شغال ايه؟وهو هيخش النار ليه؟

في مصر
في زمن الحكومه الالكترونيه اصبحت كلمه واحده تشمل كزا معني وتعبر عن كل معني منهم بعمق وده سر من اسرار حكومتنا
يعني
لو قلت واحد
مكتئب وبيفكر ينتحر بس دينه مانعه
وسنه فوق التلاتين واحيانا اكتر فوق الاربعين ومتجوزش
ومبهدل في لبسه
ولابس نظاره

ولو راجل
كل البنات عاوزه تتجوزه بس هو مش قادر علي مصاريف الجواز (تشوف كده نظره الجوع في عينه هو وزمايله لما بنت حلوه تيجي ( معلش الحرمان وحش) وفي عمره كل زمايله بتوع المدرسه اتجوزوا)

ولو انثي (مبالغه ومدح لزمايلنا في الكفاح لانها حاجه فقدت منهم بالبهدله مع الزمن الطويل في معركه السبع سنوات وتوابعهم)
وتاني( لو انثي) بيكون نفسها تتجوز بس محدش يجرؤ يتقدم لانها اتصرف عليها كتير (حقيقه)ومرتبها هيكون اكبر من جوزها(اشاعه مغرضه لسه مش عارفين مصدرها ممكن يكون مصدرها الحكومه الزكيه عشان تتضمن تفرغ المماليك اللي عندها)وطبعا تسمع دعوات والدتهاهي و خالتها في الفجر عشان تجوزها وتكفر عن غلطتها عشان دخلتها طب
يعني راجل وانثي محدش هيهرب
كل الناس بتيجي ترمي هموها عنده (any **** fall he is his dady)وهو مش لاقي حد يسمع همومه غير ربنا(وكفي بالله)
غير رياضي بالمره يااما فلافيلو ياما سحليه حسب حبه للحيوانات وقدره اعصابه علي التحمل
لازم يتعلم كزا فن قبل ما يتقن مهنته الاساسيه
لو هيقعد كتير في الاستقبال لازم يتعلم تايكوندو علي مصارعه ولو ملهوش فيها يلبس بدله كراتيه في الاستقبال اهي بيضه برضو وتبقي قوه ردع
لو بيستخدم مشرط في مهنته
لازم يتعلم ازي يتمحلس وينافق البشوات اللي اكبر منه عشان حد يحن عليه ويعلمه
وطبعا كل من في المهنه ديه لازم يكون حلنجي عشان ياكل عيش

طبعا انتوا عارفين الاجابه ولا اصابتكوا زيه حاله ضعف الذاكره والتوهان اللي بتجي لواحد زي صاحبناوانا هسميها
post_graguate syndrom or ministry of health effect
انا هجاوب

صاحبنا شغال مملوك

ايوه مملوك متبصليش

المهم ليه صاحبنا يخش النار
انا من اللي شفته لاني في شغل زي بتاع صاحبنا يعني شغال مملوك

0لو لم اكن طبيبا لما وددت ان اكون طبيبا)

سعات انت بتكون ظالم ومظلوم في نفس الوقت
ازاي اسمعوا الاول انا كتبت قصيده ............ الحمار..........

كان يا مكان مملوك صعلوك
عايش والناس فاكره من الملوك
وصاحبنا الهمام واخد تكليفه في حته نائيه
وسنين العمر اللي فاتت مش قد اللي باقيه
الحلم لسه جواه منور
وبيفكر انه بكره هيتطور
ورغم المهيه القليله
بيفكر يتقدم لبنت جميله
واصتدم بصخره الحقيقه
وقعد يلعن كل دقيقه
لما زي الاسد طلبها من ابوها
قاله يابني الشبكه بعشره تجبوها
قاله يا عمو ده انا طبيب
قاله من غير الشقه انت مش لبنتي حبيب
قاله عندي شقه في الهانوفيل
قاله يابني ديه طريقها طويل
قاله يا عمو اعتبر بنتك في ايد امينه
قاله خلاص هي للسباك صاحب فيلا في مارينا
وعنها صاحبنا الهمام انسحب بطريقه كول
وحلف انه يبهدل الناس زي ماعمل المغول
برايفت في الحكومه ويدي محاليل ملهاش لازمه
وكل ده عشان الناس تدفع وفي بقها جزمه
وبعد ما حسدالسباك اللي معاه فلوس
عشان زيه يبقي لازم علي رقاب الناس يدوس
وهو زي الحمار
مش عارف انه هيخش النار
خسر دنيته واخرته
ولا كلمه دكتور نفعته

هبقي اكمل كتابه قصيده الحمار لما اكون فايق

واحد صاحبنا كان بيقبل انه ياخد فلوس من العيانين مقابل الكشف علي الرغم اننا في مستشفي حكومي وفي تزاكر رسميه, المهم العيان انعم عليه وانزل عليه كرمه وعطاله الخمسه جنيه المتينه
وصاحبنا عنيه زغللت طبعا مهو شغال زي ماانتوا عارفين مملوك و الخمسه جنيه ديه نسبه محترمه من العطيه اللي بياخدها كل شهر المهم هو كتب الروشته المتينه اللي بتغطي كل الاعراض وربنا بقي موجود عليه يشفي سبب المرض المهم المريض كان له حقنه لازم واحده من البناويت(بنات التمريض) يبظوها(يحقنوها) لبنته ( تقريبا ديه لغه مشتقه من الالمانيه ) سبحان الله الحكومه الزكيه عاوزه تعلمنا لغه ... بعد نظر.... يا سلام
قوم ايه البناويت كانت جوه في العنبر بتدي حقنه المهم الراجل رجع للدكتور قاله قوم اديها الحقنه انت(طبعا ماهوه لسه مظبطه )المهم كلمه من هنه و كلمه من هنه انقض الراجل علي صاحبنا هو واللي معاه وانا نزلت من السكن علي صوت هبد قلت الظاهر في حد بيكسر في المستشفي وزعيق وشتيمه المهم انا نزلت لاقيت وانا داخل الاستقبال واحد غلبان هدومه مقطعه ومبهدل كده ولابس الفانله الحمالات علي جنب المهم قلت سيبك منه اشوف ايه المشكله ديه شكلها خناقه ولا ايه المهم
في الاستقبال المشهد غريب وده مش الاستقبال ديه ارض معركه والبنات اقصد البناويت تعيط وانا اقول في ايه ,المهم ببص بره تاني لقيت اللي افتكرته غلبان ده طلع زميلنا بس بعد التعديل
اخد علقه
المهم الموضوع مش مهم حصل ايه
بس كان نفسي احقن اللي عمل كده عشره سم كحول تحت الجلد بس طبعا مفيش امن يحميهم مني فخفت افتري بصراحه
وطبعا صاحبي ده دخل في اكتئاب وساب الشغل كام يوم
والطريف بجد انه بقي مش بيدخل مكتب الكشف الا ومعاه شومه
والله بجد
وده اضافه من الحكومه الالكترونيه
يعني سماعه وبالطو وجهاز ضغط وشومه=طبيب 2008
المهم نرجع ليه هتخش النار؟
لما تكون شغال في الحكومه في مكان مفيش امن لازم تكون شديد مع بعض المرضي عشان تسيطر والا هتكون زي صاحبنا(مش شديد اوي يعني وتذكر اللي حصل لصاحبنا)
لما تكون شغال في مستشفي حكومه ومفيش جوانتيات ولا ابر ولا بتادين
وانت بتخيط بنوته حلوه بايدك عريانه بابره مستعمله من غير تطهير بتادين وفي نفس الوقت معكش فلوس اصلا علشان تشتري علي حسابك هتقول طيب اعمل ايه؟

ولما تكون امبولات اساسيه زي الادرينالين او اتربين او لازكس او افيل ازاي انت تشتغل وتقول لاهل العيان ليه مريضهم مش بيخف(هنا فايده بدله الكاراتيه البيضه) هتقول طيب اعمل ايه؟ بلاش غباء انا قلت

لما يكون مرتبك اقل من بواب عمارتك وكمان بتدفع ضريبه اسم خادع عليه هاله كذابه وكل الناس تغللي عليك(الدكتور راح الدكتور جه وده عاوز يتصور معاك وده نفسه تسلم عليه)فشخره كدابه وده بيسببلك احراج لانك دلوقت يا باشا مطالب تكون عند حسن ظنهم بيك من العربيه والمظهر العام والمصاريف يمين وشمال.برستيج يعني. وومع كل ده هل انت قوي كفايه متمدش ايدك للحرام وتاخد فلوس من عيان او تبتزه يجي العياده بره(يارب يثبت كل مملوك فينا)

لما تكون مش قادر تقوم من مكانك لانك سهران من امبارح مع مرض وفي واحدتاني تعبان بيتالم وانت شايف ان وجعه مش جامد اوي وتطنش هتقول اعمل ايه؟


لازم متسكتش ولازم تشتكي هنا وهنا في المديريه في الوزاره في النيابه الاداريه اعمل زي ما انا عملت
انا اشتكيت بجد لكل دول والمفاجاه اني لقيت استجابه مبهره بجد مكنتش مصدق انا جامد في الشده شديد

اللي حصل يا سيدي


الفرمان الاول : اسمي اتشال من الحوافز من الشهر ده واللي بعده
الفرمان الثاني : فلوس صندوق المستشفي قبضتها الربع (اصل من الرسمي كبير المماليك يقسمها ) بمزاجه(منا قلت من الاول لازم تكون حلنجي ومنافق)
الفرمان الثالث: يتم نقل مثير الشغب(ههههه انا) لمستشفي اخر


(وعلي فكره انا وزميل ليه بفضل الله كنا لوحدنا في المستشفي اللي مش بنقبل الفلوس من الناس)والاداره كانت عارفه كده وبالرغم من كده انا مملوك المفروض متزمرش)
ولايهمني
تعرف اهم حاجه ايه.............................

انا كده مش هخش النار ويجعله عامر
وعل فكره بجد انا بفكر جديا اسيب الطب والله واشوف اي حاجه تانيه لاني بجد خايف اخش النار لاحد الاسباب السابقه وعلي راسها قله الموارد


(وعلي فكره انا وزميل ليه بفضل الله كنا لوحدنا في المستشفي اللي مش بنقبل الفلوس من الناس)والاداره كانت عارفه كده وبالرغم من كده انا مملوك المفروض متزمرش)
يارب فك اسر المماليك واشفيهم من postgraduate syndrome or ministry of health effect
الامضاء:
مملوك