Sunday, September 09, 2012

نوت للزمن : عن أعداد الأطباء والكادر والميزانية



بالجهاز المركزي للمحاسبات بآخر احصائية للعاملين في الصحة وكل مايختص بالصحة

ردا على ان مفييش ميزانية كافية للأطباء عشان الكادر وردا على إن عدد الأطباء 200 ألف وهو عدد كبير مش هتقدر الحكومة توفر له ميزانية الكادر وبالرغم من أن نسبة الأطباء للمواطنين أقل من مثيلاتها في العديد من الدول زي إسرائيل إلا أن العدد ده ليس صحيحا ويمكن الرجوع الى لينك الفيديو ادناه لفهم العدد الفعلي  
::::

وده لينك على الجهاز المركزي للمحاسبات لعدد الأطباء في وزارة الصحة واللي كان عددهم في سنة 2009 حوالي 56 ألف طبيب حسب إحصائية الجهاز المركزي للمحاسبات 



ودي احصائية تانية في 2008 بس بتقول ان عدد الاطباء 69 الف طبيب بس بما فيهم اطباء المستشفيات الجامعية 
.
وده كانت ردود على مسئولين بيقولوا ان عدد الأطباء 200 ألف وبالتالي مش هينفع هيكفيهم الكادر اللي هم طالبين
ومحتاجين مبالغ كبييرة مش هتقدر عليها الدولة : 
.
من يقول ان عدد الاطباء العاملين في وزارة الصحة 200 الف طبيب هو أفاق وكذاب ومخادع 

ده كلام قديم لقيته قلت اجيبه عشان فيه ناس بتقول ان عدد الاطباء في وزارة الصحة 200 الف دكتور وللأسف بيكذبوا على الناس 

حسبي الله ونعم الوكيل لو حد عنده ابديت بالارقام دلوقتي ياريت يجيب لي لينك بيها 

الإنفاق العام لعام 2008 -2009 

351500 مليون جنيه 

351 مليار جنيه 

الإنفاق على الصحة 

15782.6 مليون جنيه 

15.7 مليار جنيه 

نسبة الصحة إلى الإنفاق العام 

4.49% 

ميزانية الصحة 

وزير الصحة: زيادة ميزانية «الصحة» إلى 27 مليار وحد أدنى لأجور الأطباء


عدد الأطباء البشريون لعام 2009 

56411

أطباء الأسنان 9769

الصيادلة 12552

هيئة التمريض 108716

1-1-2008 عدد الأطباء البشريين في وزارة الصحة 

59513

عدد أطباء الأسنان في وزارة الصحة 10184

صيادلة 10702

عدد التمريض 

117767

: دي نوت للدكتور هاني بكر عن عدد العاملين في وزارة الصحة والمبالغ المطلوبة بشكل تقريبا لكي يكون فيه مرتب محترم للأطباء --------------------------

النوت الجميلة اللي كل شوية باشيرها :

نحسب مع بعض ميزانية المرتبات في الصحة ... اللي احنا بنطالب بها

نووت مهمة للدكتور هاني أتمنى إن مجلس النقابة ومجلس الشعب يضعها في الاعتبار حين يبدأون في تقرير الدخل المناسب للطبيب


بأكتب الملاحظات دي عشان ما يجيش اي واحد ينفج ودانك بأي كلام و شغل البلد تجيب منين و الكلام الفلولي دا (من فلول النظام الحرامي )

بص يا سيدي شوية احصائيات كدا الاول

1- ميزانية الصحة و هي حوالي 4 % علي حالها المخزي هي 23.5 مليار جنية

2_ دول العالم المحترمة بتصرف من 15% الي 20 % علي الصحة

3- عدد الاطباء بوزارة الصحة 57 الف طبيب .... عدد الصيادلة بوزارة الصحة 15 الف صيدلي ... عدد التمريض 90 الف ممرضة

طيب احسب معايا

1- الاطباء لو المرتب بيتدرج من 5 الاف شهريا كبداية الي 12 الف للاستشاري كنهاية يبقي المتوسط شهريا 7.5 الاف شهريا لان معظم الاطباء عددا من الشباب و الاخصائين

نضربهم 57000 طبيب * 7500 جنية * 12شهر =5.1 مليار جنية سنويا

2- الصيادلة لو قلنا البداية 4000 و النهاية 8000 لانهم 90 % منهم لا يحضرون ماستر و لا دكتوارة و احنا العكس 90% بيحضروا

يبقي المتوسط 5200 لان برضو اغلبهم شباب جنية شهريا ....... نضربهم 15000 صيدلي * 5200 جنية * 12 شهر = 0.9 مليار جنية سنويا

3- الممرضات منهم خريجة مجرد مدرسة تمريض و أخري معهد تمريض و أخري كلية تمريض و كل واحدة لها وظيفتها و مهام و كلهن

معرضات للعدوي و يجب مراعاة ذلك و هيتعابوا مع المريض ...... لو قلنا بداية المرتب 2000 و نهايته 6000 لممرضة مديرة العمليات الخبيرة يبقي المتوسط 3000 لان معظمهم مدرسة و معهد مش كلية

نضربهم بقي 90000 ممرضة * 3000 جنية * 12 شهر = 3.24 مليار جنية

4- الفنيين و الموظفبن الادارين أعددهم بالظبط مش عندي

لكن الفنيين تقدريا 15 الف او اقل نحاسبهم زي التمريض و نضربهم 15000*3000*12 شهر = 0.5 مليار سنويا

الموظفيين الاداريين تقريبا 45الف علي اقصي تقدير نحسبهم لكن اقل مرتبا من التمريض و الفنيين لانهم غير معرضيين للعدوي او مخاطر طبية هم مجرد اعمال ورقية

نضربهم 45000 موظف * 2000 جنية متوسط شهريا * 12 شهر = 1.08 مليار سنويا

--------------------------------

ممكن نجمع بقي 5.1 + 0.9 + 3.24 + 0.5 +1.08 = 10.82 مليار

يعني 10 مليار و 820 مليون جنية سنويا

:)

الدكتور عبد الحميد اباظة مساعد وزير الصحة قال ايه في تصريح تلفزيوني ان المرتبات تمثل 60% من ميزانية الصحة سنويا

انا بقوله اوكى يا سيدي احنا عاوزين ال 60 % دول اللي انت بتقول عليهم و من غير ما نزود ميزانية الصحة اللي هي حتما لازم تزيد

#### المفاجأة بقي بقي ان 10.8 مليار دول هم 46% من ال 23.5 مليار جنية (ميزانية الصحة ) يعني اقل من 60%

يعني من غير زيادة لميزانية الصحة ( اللي هي كدا كدا مفروض تزيد) المرتبات اللي انا مقدرها فوق دي مفروض تتطبق ..... الفلوس موجودة يا اخوانا لكنها منهوبة

مفاجأت تقلية بقي تانية عيار ثقيل .... مرتبات رؤساء البنوك ... الرؤساء فقط 80 مليار جنية سنويا ... ايوه 80 مليار و ذلك طبقا لبرنامج 90 دقيقة طيب احنا عاوزين ال 80 مليار دول بس ميزانية للصحة ... خلي باللك 80 مليار مرتبات الرؤساء و ليس كل البنكيون

لو حد قال المرتبات اللي انت كاتبها فوق دي كتير حبتين لا انا هقوللك المرتبات دي قليلة حبتين الاطباء بكدا يخدوا اقل من مهندسي استخراج البترول و مرتباتهم و وكلاء النيابة اللي كلنا عارفين معظمهم جايين ازاي و مستواهم التعليمي ايه ..... في مثل في امريكا بيقول لو انت عني تبقي انت طبيب و لو انت طبيب تبقي انت غني # العكس طبعا في مصر بدل طبيب بحرامي

الطبيب في كل احصائيات الدول المحترمة هو الاعلي اجرا و في امريكا الجراحين الحكوميين دخلهم اعلي من الوزراء عندهم

احنا في مصر بس محتاجين العدل بين كل فئات الشعب و اللي اجتهد يلاقي مقابل تعبه و اجتهاده و مثابرته

تحياتي لكم يا سادة .... و تحيا مصر بدون اللصوص الفجرة اللي جوعوا الشعب

د.هاني بكر 


AHMED HAMED