Saturday, September 20, 2008

من تعليقات الأطباء ومشاعرهم



مش هلبس البالطو الأبيض

أنا ممتنعة عمدا عن لبس البالطو

ما دام ده التقييم الوحيد اللي وزارة الصحة تعرفه لأداء الطبيب

طالما ممكن آخذ الحوافز بتاعتي أو ما أخدهاش حسب لبسي للبالطو

ولما تبقى الوزارة تعمل اللي عليها ناحية المرضى وناحيتي تبقى تديني أوامر ومن حقها تقيمني

مش لما أبقى أنا شايفة شغلى أحسن من الوزير وأنا مش مقصرة في شغلى والوزير اللي مقصر ييجي يحاسبني

لما يعملوا اللي عليهم الأول يبقوا يتنططوا ويدوا أوامر زي ماهم عاوزين

الوزارة بتحاسبني لما بتشوفني مقصرة " من وجهة نظرهم"

طيب مين اللي بيحاسب الوزارة على جرائمها ؟؟؟

الوزارة شايفة إن العيان ممكن تجيله صدمة عصبية لو دخل مالقانيش لابسة البالطو

وبناء عليه لابد من ردعي لأكون عبرة لأمثالي ممن يتهاونون بأرواح البشر

" ويهددوا السلم العام بالمرة"

إنما عاااااااادي جدا موت أطفال المطرية

وعاااادي جدا عدم وجود العلاج اللي المريض بيحتاجه

وعااااادي جدا عدم وجود أدوية الطواريء "life saving medications"

وحصلت معايا شخصيا : كان في تفتيش في نوبتجيتي ومارضيتش ألبس البالطو "مع إنه كان موجود"

وقلت للمفتشة لما بتكلمني على البالطو : الأولى تفتشوا على الأدوية اللي مش موجودة

العيان عاوز لما ييجي يلاقي علاجه مش عاوز يشوفني بالبالطو

قالتلي: ماليش دعوة....إشتكي

قلتلها: اشتكيت قبل كده فعلا " رسميا" في تفتيش سابق وماحصلش حاجة

ولا يخفى عليكم طبعا إن التفتيش على زي الأطباء والممرضات مش حرص من الوزارة علىال perfection في الخدمة الطبية

ده " لقص الحوافز" اللي مجنناهم بس

يعني النية "أذية مش خير"

وأنا بقى مش لابسة البالطو غير لو الناس اللي طلبت مني ألبسه

أنا بشتغل عند الناس مش عند الوزير

والناس هي اللي بتدفعلي مرتبي مش الوزير

وعليه........

يوفروا أوامرهم على نفسهم

مش هعمل غير اللي في مصلحة العيان واللي العيان يطلبه

وبس


==========================


مش لابس البالطو الابيض هايسخطوك يا قرد


منذ زمن ليس بقليل امتنعت فعليا عن لبس البالطو الابيض
البالطو ده ابويا اللى جابهولى هو الوحيد اللى من حقه يشوفنى بيه

الوزاره اللى ملهاش لازمه بتسلم التمريض والعمال زى
وبتيجى عند الطبيب وتقول هو لازم يشترى
ده من كت الفلوس اللى بناخدها
وكل ما يجى تفتيش ويسألنى عن البالطو
اقول محدش سلمنى حاجه
يقولو مفيش اطباء بيستلمو بلاطى
المفروض هما اللى يشتروه
المهم من غير ما اطول
انا كان اعتراضى فى الاول
على انهم مادام مابيدوناش بلاطى
يبقى مش من حقهم يسألونا عليها
بس انا دلوقتى حتى لو سلمونا البلاطى مش هالبسها خاصة والتفتيش موجود
العجيبه انهم ما بيسألوش عن خوافض اللسان
ولا الجوانتيات
ولا الادويه الناقصه
ولا كفائة شغلنا
ولا حتى ان كنا بنعرف نشتغل ولا لأ
المهم عند سعادة البيه الوزير المحترم
المظهر
البالطو والجرافت
عشان التلفزيون لما يجى يصور
يلاقى الاشكال سمحه وبشوشه
يعنى راضيه
ماهو الشياكه دليل الاكتفاء
والبشاشه دليل الرضا
يبقى ملكوش حق فى اى حاجه
ونردد الجمله الازليه
كله تمام يا ريس
انا كمان ممتنع عن لبس البالطو فى وجود التفتيش
وهارفع شعار
هايسخطوك يا قرد


======================


اقولكم اخر الاخبار اللى عندى
قبل ما انسى وانتو كمان تنسو اولا انا طبيب اسنان لكن انسان
يعنى من ابو 30% بس
المهم عندنا فى المنطقه الصحيه طلعو قرار يلغى قرار وزير الصحه اللى اصلا ملوش لازمه
جوم من يومين كده وقالو ان التلتين فى الميه دى هاتلغى ال75% الاولى بتاعت المحليات
يعنى والحمد لله احنا سحبو مننا فلوس ما زودوناش
كمان الناس التنيين المحظوظين بالسم بس من غير ما يقبضوا
قصدى بتوع ال 150% هايصفصف اللى هايخدوه زياده 75% بس
بالاضافه ان احنا اصلا ملناش تقييم
ولما عملت شكوى وروحت بيها المديريه للشئون الماليه والاداريه
مرضيوش يبصو فيها
وقالولى روح بيها الحسابات
روحت بيها الحسابات عشان يحققوا
ما رضيوش يستلموها رسمى ويمضولى انهم استلموا الاصل
عشان مش عاوزيين وجع دماغ
ولقيت الموضوع مطبخ الاداريين مع بعضهم قرروا يقرفوا الاطباء عشان الحافز ده اللى هو اصلا ماصرفش لغاية الان هما مالهومش فيه وقالوا ان الحافز ده بيلغى الحوافز اللى قبليه
على عكس ما سيادة الوزير المحترم قال
المهم انا زهقت ورمضان جاى انا هاوحد الدعاء كل يوم عند اذان المغرب بالدعاء على ........
المره دى مش على اليهود
هايكون الدعاء على اعداء الوطن الداخليين
على اللى ممرمطينا وزلين انفاسنا
مع اننا والله اتربنا كويس ومش محتاجين تربيه من اول وجديد
معلش تقلت عليكو
بس فى النهايه انا على قرارى مش لابس البالطو
وهارفع الشعار هايسخطوك يا قرد

فية اية يا جماعة انتوا متحاملين على الوزارة لية اصل دي لها اهداف وهي زل الطبيب ولازم تجيبنا كلنا الارض وكدة هي بتحقق اهدافها ربنا يخليهم لينا كمان وكمان واللي مربهوش ابوة وامة تربيه وزارة الصحة اسف على التعبير ويجعلة عامر
توقيع
طبيب مزلول

=========================



انا مع الجماعه فى وقافتهم الاحتجاجيه وسلك كل المسالك الشرعيه والقانونيه لنيل الحقوق
اما دعائى عليهم فهذا من سبيل التدعيم وليس التوكل
والا كنا اخذنا كل حقوقنا بالدعاء والجلوس فى دور العباده والتوسل الى الله فقط
انا سأكتب تلك الشكاوى وانا معكم فيها وسأ رسل بصفه فرديه وبصفه جماعيه من خلالكم ومن خلال مجموعات اخرى
الى الاعلاميين والمختصين
ولكنى كنت فقط ادعم هذا اننى لن اقبل بحقوقى فقط ولكن وبعد هذا الذل لهم با يعطونا جزءا من حقوقنا وكأننا نشحت منهم
وكأنها اموال الميراث تبعهم
وكأنها ابعدية اهاليهم
التى نعمل فيها بالسخره
فقط بقوت ضئيل نتقاضاه فقط حتى نستطيع العيش ولا نموت
حتى يسخرونا مرة أخرى للعمل فى اليوم التالى
فقررت ان يكون الله عليهم وفى اموالهم بالدعاء عليهم
بالاضافه لأخذ حقوقنا قانونا وشرعا أو .........
وكل وشعب مصر بخير
على فكره يا جماعه انا كان نفسى انى احضر المحكمه بس انا خارج القاهره فى مأموريه
وقلبى وربنا معاكو
ان شاء الله المرات القادمه هاكون موجود
وقبل ما انسى برضو مش لابس البالطو الابيض
وهارفع الشعار
هايسخطوك يا قرد


============================

سؤال الى معالى رئيس الوزراء الذى حضر أصدار القرار مع معالى وزير الصحة

1- كم يبلغ مرتب أصغر موظف فى القرية الذكية سكرتير مثلا أو موظف يرد على التليفونات يعنى بدون أى قدرات خاصة
2-كم يبلغ مرتب أصغر موظف فى الصندوق الأجتماعى للتنمية
3 كم يبلغ مرتب أصغر موظف فى مركز المعلومات؟؟؟

الأجابة عدة ألاف من الجنيهات

أما نحن فالحكومة الموقرة ترى أن العشرة بقرش...نستقبل الكوارث و الحوادث و نعمل أيام السبت و الجمعة و الأعياد و نوبتجيات 24 ساعة و نذهب للتحقيق معنا فى النيابة العامة عند حدوث خطأ و المحصلة صفررررررررررر لم نعد قادرين على تحمل هذا الظلم البين لابد من العدل بين كل الفئات العاملة فى حكومة واحدة

أتقوا الله فى الأطباء ...و أتقوا الله فى الممرضات

===============================

يا جماعة انا بقالي 6 شهور بس في التكليف و مكنتش متخيلة ان الوضع سيىء للدرجة دى
انا تكليفي في حلوان
غير موضوع النبطشيات اللي مصصممين انها تكون 24 ساعة لانهم بيدوا عليها بدل راحة يوم واحد و لو طالبت بغير كده بيقولوا لك هات القرار اللي يثبت اللي بتقولوه
وغير الغلب اللي الواحد بيشوفوا كل يوم في المواصلات لاني من سكان القاهرة و طبعا محدش مقدر وكل يوم باتاخد تأخير كل يوم و غير مكتب الصحة اللي ماكنش علي البال ابدا و اللي شايلين همه كل نوبتاجية المهم حتي كمان موضوع ال75% مش فاهمين له حل احنا اخدناه مرة واحدة بس و بعدين قالوا هيتلغي و سمعنا كلام غريب قوى عن انها اتلغت علشان بتوع 15 مايو اشتكوا انهم موصلتهمش يقوم المسئول بدل ما يديها لهم يلغيها علينا كلنا مش كده وبس ده كمان ال75% اللي اخدناها هتتخصم من التقييم اللي جاى انا بجد مش فاهمة ايه اللي لينا زى مانكون بنشحت بالظبط ده كما لما تسأل الموظفين تلاقيهم بيقولوا لك بمنتهى البجاهة انتوا عايزين تاخدوا الاتنين ال 150% و ال75% زى مانكون بنفترى عليهم او كأنهم بيدفعوا الفلوس من جيبهم و مش واخدين بالهم ابدا ان الفلوس اللي بندفعها في المواصلات اكتر من المرتب اصلا والنوبتجية ال 24 ساعة بتاعته واللي بناخد عليها 7 جنيه بنصرف فيها قدهم تلات مرات و طبعا النيابات في علم الغيب بجد كتير مننا بيفكر في الاستقالة بسبب الوضع المهين ده و بجد لو كنا نعرف ده لا كنا دخلنا طب و لا سمحنا لنفسنا بالبهدلة دى

============================


يا جماعه واللة انا حزين بسبب كوني طبيب وحزين اكتر على خيبة امل اهلي في كانوا فاكرين لما اتخرج وابقى دكتور هاسعدهم واسعدهم والعكس حصل بقى حتى والدي هو
اللي بيساعدني وصعبان عليه وعليا حالي انا فعلا حزين بقى الطبيب اقل من في المجتمع واي دولة في العالم تعرف يعني اية طبيب الا دولتنا المصونة دة فعلا حرام وكأننا بنشحت من الوزارة ولما تقول لحد على مرتبك يتريق عليك خلاص يا جماعة الطبيب انتهى في مصر واللة لو ليا اخ لا اتمنى ابدا ان يصبح طبيب مثلي يستعطي ويطلب المساعدة وعجبي

=================================

والله يا جماعه كلنا حزانا على اوضاعنا المهينه
من كام يوم جت حلقه للمذيع محمود سعد وهو بيتصعب على عمال النظافه فى الشارع (الزبالين
وبيقول والله الناس دول يصعبوا على اى حد ومحدش يتردد انه يساعدهم
الناس دول بيخدو مرتب 300-400 جنيه
المبلغ ده يعمل ايه
الكلام خلص للراجل الاعلامى
الراجل الاعلامى ده عمرى ما شوفته اتصعب على اللى درس سبع سنين
وفى الاخر مرتبه اقل من زبال فى الشارع
مع كل الاحترام لعمال الشوارع وغيرهم من العمال
يا جماعه احنا بقينا مسخة المجتمع
احنا بره مصر قى الخليج تحديدا الناس بتتريقأ علينا
اللى بيسافر بياخدله 3000- 4000
يعنى تقريبا عشرة اضعاف مرتبه هنا
طبعا ده حلم لينا كلنا
الطبيب الخليجى(اللى بيشتغل فى الحكومه برضه ) بقه بيخدله كام
عشرة اضعاف الطبيب المصرى هناك
احسبوها على مهلكو
الموظف الحكومى فى اى بلد فى الدنيا ما بيحتجش يمد ايده لحد
احنا هنا بنشحت
وفى لاخر هعاوزنى البس بلطو وابتسم فى وش العيان وخاصة لو فيه تفتيش
ونرجع نقول
كله تمام يا ريس

ولغاية النهارده مشكلة حوافز الطبيب وا75% لسه ماتحلتش كأنها حسبة برمه
ربنا معاكوا ويصبركو

============


4 comments:

دكتوره غلبانه جدا said...

انا بجد عاوزة اسال هما عاوزين ايه
بعد اما اخدنا الملاليم اللي رضينا بيها لكن هما مش راضيين
شالوا الحافز 75% يعني في الاخر اخدنا 195%بس مش 300%لما شالو ال75% الحوافر ال30 %ضرايب
وكمان اتشال كل فلوس الاخصائيين والاسنان يعني الموضوع طلع علي ما فيش وكمان ازاي تتشال فلوس الاخصائيين لانهم هما اللي بيعلموا النواب يعني ازاي ها يجيلهم نفس يعلموهم ده لو كانوا كويسين اما لو مش كويسين بقي يبقي ها يطلعوا عين النائب الغلبان يا عيني
ربنا يرحمنا بقي وحسبي الله ونعم الوكيل

Anonymous said...

بسم الله الرحمن الرحيم

الي الكتورة مني مينا املنا وصوتنا لوزارة الصحة :ازيك يا دكتورة

نحن مجموعة من اطباء التكليف بمحافظة كفر الشيخ نهدد بالاضراب عن الطعام يوم الخميس القادم في مستشفي كفر الشيخ العام اذا لم يخلي طرفنا من الوحدات الصحية ومستشفيات التكامل التابعة لجميع الادارات الصحية بمديرية كفر الشيخ الصحية حيث انه قدر صدر قرار وزاري بتاريخ الرابع من اغسطس عام 2008

القرار ينص علي اخلاء طرفنا مواقعنا الجديدة كاطباء مقيمين وفقا للقرار الوزاري للدكتور حاتم الجبلي الخاص بحركة نيابات مايو 2008 والتي نشر اعلانها في الصحف الرسمية بتاريخ 16/5 /2008
ورغم ان الحق معنا وان قرار الوزير واضح وصريح ولا جدال فيه الا ان وكيل وزارة الصحة بكفر الشيخ الدكتور اسامة فريد ومدير الرعاية الاساسية الدكتور ايمن سلام يرفضون اخلاء طرفنا وانتدابنا للعمل في الجهات التي رشحها لنا القرار الوزاري
ظهرت نتيجة الحركة في 4 اغسطس وقامت الوزارة بارسال كشوف الاطباء الي مديرية الصحة بعدها بعشرة ايام وفتح باب الاخلاء لمدة 10 ايام ثم اغلق من يوم 28 اغسطس الي يومنا هذا
وعلي الرغم من ان القرار الوزاري يشتمل علي مادة تنص علي حق الطبيب المقيم في استلام نيابته خلال 6 اشهر من تاريخ اعلان حركة النيابات الا ان وكيل الوزارة يستخدم هذه المادة لصالحه بطريقة خاطئة ويخبرنا بكل صلف وتعسف انه هو الذي من حقه ان يخلي لنا في الوقت الذي يريده في خلال 6 اشهور

اكتر من 50 يوم متواصلين من المحاولات المستمرة معه بشتي الوسائل وهو يماطل فينا ويسوف
ذهبنا له اول شهر رمضان فطلب الانتظار قليلا حتي منتصف الشهر بلا أي مبررات ووقف يحدثنا من موقع التعالي والكبر ولم يلتفت لكلامنا وتركنا وانصرف وكاننا قطيع اغنام يساق او بهائم في مرعي سيادته وفجاة اصدر فرمانه الظالم مافيش اخلاء الا بعد العيد
ذهبنا له بعد العيد ..وكانت الصدمة ..رفض مرة تانية والان يواصل المماطلة ويسوق لنا تبريرات سخيفة تتعارض مع القرار الوزاري حيث يتحجج بان حاجة العمل لاتسمح بالاخلاء لنا وهذا صحيح تماما ولكن هذا ناتج من خطاه وعدم تقديره للامور حين اعلن في حركة تكليف سبتمبر عن حاجة المديرية لشغل اعداد قليلة جدا جدا لا تفي بالحاجة الفعلية للعمل وكل ذلك موجود ومثبت في دليل الحركة علي موقع وزارة الصحة والسكان WWW.MOHP.GOV.EGوالان يقول لنا حاجة العمل لا تسمح برغم ان الاخلاء من حقنا حتي لو تعارض ذلك مع مصلحة العمل. وكل ذلك مثبت بقرارات وزارية ونصوص ولوائح معروفة....ومعني كلامنا ان الدكتور اسامة يعطل تنفيذ قرار وزاري وهو اسمه وكيل الوزارة أي الموكل بتنفيذ القرارات الوزارية في مديريته

ليست مشكلتنا وحدنا بل مشكلة وهذه المئات من اطباء التكليف الموقف اخلائهم في حوالي 10 محافظات مصرية لنفس الاسباب او اسباب مشابهة
واعلموا ان الدكتور اسامة قام بالتاشير علي كذا اخلاء بالواسطة والمحسوبية ولا عزاء للعدل والشفافية واحترام القوانين
املنا فيكم كبير من بعد الله ان تكونوا سببا في انهاء مشكلتنالانكم وعدتمونا لان تقفوا بجانب اي طبيب يتخذ خطوة ولو كان وحده وهانحن لسنا طبيب واحد ولكن عشرات سنضرب عن الطعام في كل ادارات كفر الشيخ وليس بيلا وحدها كما وصل للدكتور اسامة ولكننا نعده بمفاجات كثيرة حيث اننا نعد لهذا الاضراب منذ أن قابلناه علي باب المديرية من شهر او اكثر ولم يلتفت الينا وركب سيارته وانطلق وقال جملته الشهيرة مفيش اخلا الا بعد العيد
د.اسامة مع احترامنا كل واحد وليه يوم واملنا طبعا ان يصل صوتنا الي الاب الكريم لكل شباب الاطباء المصريين الدكتور حاتم الجبلي ليقوم برفع الظلم عنا ويحاسب المقصرين الذين لا يلتزمون بقرارات سيادته ويعرقلون تنفيذها امثال اسامة فريد او غيره
نستغيث بك يا د- حاتم عبر منبر اطباء بلا حقوق ونحن علي ثقة انك سترفع عنا الظلم
والسلام ختام
توقيع/
مجموعة من اطباء التكليف بكفر الشيخ

Anonymous said...

情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣,情趣,情趣,情趣,情趣,情趣,情趣,情趣,按摩棒,跳蛋,充氣娃娃,情境坊歡愉用品,情趣用品,情人節禮物,情惑用品性易購,A片,視訊聊天室,色情聊天室,聊天室

免費A片,AV女優,美女視訊,情色交友,免費AV,色情網站,辣妹視訊,美女交友,色情影片,成人影片,成人網站,A片,H漫,18成人,成人圖片,成人漫畫,情色網,日本A片,免費A片下載,性愛

A片,色情,成人,做愛,情色文學,A片下載,色情遊戲,色情影片,色情聊天室,情色電影,免費視訊,免費視訊聊天,免費視訊聊天室,一葉情貼圖片區,情色,情色視訊,免費成人影片,視訊交友,視訊聊天,視訊聊天室,言情小說,愛情小說,AIO,AV片,A漫,avdvd,聊天室,自拍,情色論壇,視訊美女,AV成人網,色情A片,SEX,成人論壇

情趣用品,A片,免費A片,AV女優,美女視訊,情色交友,色情網站,免費AV,辣妹視訊,美女交友,色情影片,成人網站,H漫,18成人,成人圖片,成人漫畫,成人影片,情色網


情趣用品,A片,免費A片,日本A片,A片下載,線上A片,成人電影,嘟嘟成人網,成人,成人貼圖,成人交友,成人圖片,18成人,成人小說,成人圖片區,微風成人區,成人文章,成人影城,情色,情色貼圖,色情聊天室,情色視訊,情色文學,色情小說,情色小說,臺灣情色網,色情,情色電影,色情遊戲,嘟嘟情人色網,麗的色遊戲,情色論壇,色情網站,一葉情貼圖片區,做愛,性愛,美女視訊,辣妹視訊,視訊聊天室,視訊交友網,免費視訊聊天,美女交友,做愛影片

av,情趣用品,a片,成人電影,微風成人,嘟嘟成人網,成人,成人貼圖,成人交友,成人圖片,18成人,成人小說,成人圖片區,成人文章,成人影城,愛情公寓,情色,情色貼圖,色情聊天室,情色視訊,情色文學,色情小說,情色小說,色情,寄情築園小遊戲,情色電影,aio,av女優,AV,免費A片,日本a片,美女視訊,辣妹視訊,聊天室,美女交友,成人光碟

情趣用品.A片,情色,情色貼圖,色情聊天室,情色視訊,情色文學,色情小說,情色小說,色情,寄情築園小遊戲,情色電影,色情遊戲,色情網站,聊天室,ut聊天室,豆豆聊天室,美女視訊,辣妹視訊,視訊聊天室,視訊交友網,免費視訊聊天,免費A片,日本a片,a片下載,線上a片,av女優,av,成人電影,成人,成人貼圖,成人交友,成人圖片,18成人,成人小說,成人圖片區,成人文章,成人影城,成人網站,自拍,尋夢園聊天室

دكتورة محبطة said...

السلام عليكم ورحمة الله
بصراحة وضع الطب في مصر محزن جدا,يعني الواحد علشان في وزارة الصحة يبقي يعرف انه مش هيتعلم,انا مثلا اتعلمت في احسن المدارس وكنت كل سنة في الكليةاجيب امتياز ما عدا اول سنتين ,و في الاخر مصيري كان وزارة الصحة ,يعني مفيش تعليم و مفيش فلوس ,يا خسارة كان جويا طموح وامل ,يا خسارة كنت فاكرة ان الواقع غير كدة ,مات جويا كل امل واصبحت محبطة جدا جدا
رحمتك يا رب وحسبي الله ونعمةالوكيل