وعدت نقابة الأطباء جماعة أطباء بلاحقوق بعمل مؤتمر يناقش فيه المشاكل والأوضاع الحالية لشباب الأطباء : سواء الإمتياز أو التكليف أو النواب
ومن هذا المنطلق ورغبة في أن يكون المؤتمر مؤثرا وفعالا
فإننا ندعوا جميع الأطباء لمشاركتنا في مشاكلهم والإرسال إلينا بما يعانوه سواء ماديا أو علميا أو غير ذلك
ونرحب بمشاركتهم بالآراء والمقترحات
وذلك حتى يظهر المؤتمر بأحسن صورة وحتى يكون انعكاسا صادقا لما يعانيه الاطباء من الأوضاع المتردية
ومن هذا المنطلق ورغبة في أن يكون المؤتمر مؤثرا وفعالا
فإننا ندعوا جميع الأطباء لمشاركتنا في مشاكلهم والإرسال إلينا بما يعانوه سواء ماديا أو علميا أو غير ذلك
ونرحب بمشاركتهم بالآراء والمقترحات
وذلك حتى يظهر المؤتمر بأحسن صورة وحتى يكون انعكاسا صادقا لما يعانيه الاطباء من الأوضاع المتردية
Posts
3 comments:
نرجو مناقشة تدهور أوضاع أطباء الامتياز من حيث المرتب إلى جانب المعاملة المهينة فضلا عن عدم وجود برنامج تدريبى بنظام ال log book مما أدى إلى ألا تعترف الدول الأجنبية بسنة الامتياز المصرية و حتى بعض معادلة الشهادة يطلبون إعادة الامتياز عندهم و تحت إشرافهم كأستراليا و نيوزلندا أو يطلبون خبرة فى مستشفى غربى كأمريكا
دى حكايتى مثلا من ساعة ما اتخرجت التى ضيعت حقى...ومش عارف اخده..
لما اتخرجت من الطب وخلصت سنة الامتياز.. وشوف بقى الواحد تعب اد ايه...8 سنين طب " سنة 6 بسنة ونص + سنة امتياز"...المفروض طبعا ان الواحد ساعتها يكون فى قمة الفرح و السعادة انه خلص و هيبدأ يشق طريقه فى الحياة..لما جات نتيجة التكليف...اتهضم حقى فى انه اتعين طبيب تالت فى الجامعة.." طبيب تالت معناه انه يكون تكليفه بمستشفيات الجامعة بدل ما يكون بوزارة الصحة "
وطبعا كنت مقدم طلب واخدت موافقة زى اللى تقدموا معايا وقتها من دفعتى من الجامعة .. وراحت الموافقات دى من الجامعة للوزارة بمصر عشان فى نتيجة التكليف تظهر انه تكليفى جاء على الجامعة .
ظهرت النتيجة ...صدمت كل اللى قدموا معايا جاء تكلفهم على الجامعة وانا لا...جه تكليفى فى حته نائية ما فيهاش صريخ بن يومين....
زعلت اوى...اتجننت عرفت انه ممكن ولسه مفتوحة فى التظلمات ...اخدت موافقه من وزير الصحة انه لا مانع بشرط موافقة الجامعة ...المهم عرفت اجيب تانى موافقه من رئيس الجامعة و الجواب اتبعت ادامى و اخدت صورة منه و هو عبارة عن جواب ترشيح من الجامعة
لوزارة الصحة بمصر بتقول انهم بيطلبوا تعديل تكليفى كى اعمل بمستشفيات الجامعة نظرا للتوسعات التى تجريها الجامعة..وكان برقم صادر3463 / 17-8-2003
كل من لهم خبرة فى المواضبع دى من الاداريين الجامعة او الاطباء اللى اكبر منى يقولولى الجواب ده جامد و مهم جدا...وانه انا واد برم وفتك لانه عرفت اخليهم يبعتوا الجواب ده ..و انى جاى جاى الجامعة باذن الله....وانه مقلقلشى...
لكن بسبب لا اعلمه .....جات ناس تانية منهم ناس مش من الجامعة اصلا... و وانا لا ...
بعد كده..اكتشفت انه فى مماطلة من الصحة بقى معايا انا بالذات ...على حاجة اسمها الدرجة..وما حصلتشى ما حد الا معى انا ..اندهشت و كنت اريد استفسار لماذا انا بالذات ..فكل زملائى اللى صدر لهم جواب من الجامعة بالفعل تعدل تكليفهم للجامعة..المهم... قفلوها معايا و قالوا ده الرد اللى عندنا
سالت فى الجامعة .. على حكاية الدرجة دى...قالوا لا الصحة هى التى تنقلك بدرجتك من الصحة
و قالوا كل زملائك صدر لهم جواب من الجامعة ..استلموا فى الجامعة.
لماذا انت بالذات اللى حصل معاه كده ...و مشكلتك .. يابنى..هناك فى وزارة الصحة ..
و كل اللى تقدر تعمله الجامعة هو جواب الترشيح زى كل زمايلك اللى جم ...وانه احاول بواسطة فى الصحة وانه ما استلمش فى تكليف الصحة لانه كده هضيع الفرصة.
مش عارف اقولكم كت عامل ازاى....كل شوية اخد خبطة ورا التانية ..
ما الناس بتيجى عادى و بتستلم فى الجامعة وحطه رجل على رجل و قاعدين فى الكافتريات و لا حد منهم لا بيروح و لا بيجى ..و ورقهم سالك ...
.دوخت ما بين بين وزارة الصحة و الجامعة.......الصحة تقولى هات درجة من الجامعة و الجامعة تقول لالا..دى وزارة الصحة بتستعبط وان الدرجة دى بتاخدها من الصحة..
الموظفين بتوع الصحة دوخونى ....معاملة زى الزفت......و بيقولو ده اللى عندنا ...وشوفلك واسطة تحرك الجواب و تحللك حكاية الدرجة دى وانه ما استلمش فى تكليف الصحة لانه كده هضيع الفرصة دى و انه اصبر ان شاء الله لحركة تكليف الدفعة اللى بعدنا وعادى ناس من دفعات قديمة بتتعين فى الدفعات اللى بعدها..وفعلا كان فى زملاء اكبر منى كده...وانه بس احاول مع اى حد يحرك الورق ..و عرفت ان واسطتهم كانت حد من مجلس شورى..وانا لسه بينضحك عليا لانى لوحدى ..حاولت معاه ...جابلى تاشيرات و توهنى معاه سنة ونص على انه اجى فى اى فرصة او اى وقت او حتى مع الدفعة اللى بعدينا ما بيحصل مع الناس التانية......
بالمناسبة كنت مقدم طلب بتعديل تكليفى لمحل اقامتى حتى لا تضيع عليا وظيفة الصحة و كانت هناك موافقة من وكيل اول الوزارة قطاع مكتب الوزير بمراعاة لظروفى الاجتماعية بتاريخ 20-3-2004 و قدمتها لادارة التكليف واخدت صورة طبق الاصل و رقم وارد 1556على 3-4-2004....
ولم تنفذ و بدل ما يعدلوا تكليفى لمحافظتى ... طلعونى من تكليف الصحة خالص....مع انه عندهم حكاية انه يتعدل لظروفى الاجتماعية...ومعبروش موافقة وكيل اول الوزارة قطاع مكتب الوزير بمراعاة لظروفى....هههههههههه
بعديها بشويا ما جتشى طبيب تالت الدفعة اللى بعدنا الجامعة...بالرغم من جواب الترشيح اللى عندهم ..
و كنت فاكر بتاع الشورى ده هيعمل حاجه ...
ساعتها ...مش قادر اوصفلكم كنت عامل ازاى...
بتوع التكليف قالولى لازم تدور على واسطة جامدة تخدمك بجد تكلملك المسؤلين و ان ده النظام لانه مش اى تاشيرة بتمشى .....حاولت تانى ..وفضلت رايح جاى كتيييير ...وقفلت معايا ..لانه ما فيش حد تهمه مصلحتى عشان يخدمنى بجد...و كل التاشيرات و الموفقات و الجوابات و لا حد بيعبرها من اباطرة التكليف بوزارة الصحة....لانه مش اى حد يمشى ورقه او يعبره حتى موظف...و خلاصة الكلام واسطة كويسة ليها مصلحة معاك هى اللى من اول مرة تمشيلك حالك وورقك زى السكينة فى الجاتوه....
وساءت حالتى النفسية ..سنة واكتر لانه لا عملت فلوس و لاعرفت احضر ...وكنت بادعى ربنا يكتبلى اللى فيه الخير ويرزقنى من وسع ويعوضنى...
سبحان الله ...ربنا كان كاتبلى باب للزرق من سكه تانية خالص..مالوش دعوة بدراستى وانما هوايتى..
لقيت رزقى جالى من مجال برمجة المواقع اللى طول عمرى كنت بحبه كهواية....مع ان فى ناس اصلا بتبقى دارسه المجال ده و معاهم دورات و دبلومات..و فى منهم مش بيلاقى فرصة عشان يشتغل فيه ...و " بتشتغل من جهازك " وكمان ايه انا حر نفسى لحد يقولى باى باى و لا مع السلامة و... موجودة طالما فى حاجة اسمها انترنت و الحمد لله....و فلوس كويسة جدا...بدات تجيلى من امريكا شيكات بالدولار من رمضان اللى فات ...و اللى كان ممكن اجيبه من مستشفى حكومى فى سنه انا اجيبه دلوقتى فى شهر ..
بس برضه .. حاولت من 6 شهور انى برضه اعمل محاولة انى ارجع لوزارة الصحة يعنى اسمى ما اضيعشى سنين دراسة الطب...خصوصا انى اتجننت لما عرفت انه فى اطباء بترجع لوزارة الصحة سواء مستقيلة او مفصولة.. ولو بعد سنين ....قدمت طلب..ما نفعشى ...ههههه...قالولى هاتلك واسطة....قولت تاااانى...
افرجها يااااااااااااااارب.
بصراحه يا جماعه انا مش عايزه اعقدكم لكن حقيقى الحياه مش ورديه
انا والحمد لله اتقبلت فى الزماله زى ما انتوا عارفين فى تخصص الباثولوجيا الاكلينيكه فى الاسكندريه فى مستشفى تامين صحى
وكنت فاكره انه خلاص الحيره و العذاب انتهوا اتاريهم ابتدوا0000
والقصة كالتالى000000
تبدا الرحله من القاهره بالمفاجاة بعد اخلاء الطرف من المديريه وعند الاستلام بمقر الزماله بالقاهره بقرار الغاء حوافز الزماله دون سابق انذار0
ويعقب ذلك الامضاء على اقرارات واقرارات خاصه باعادة الحوافز اللى ما قبضنهاش عند الاعتزار عن الزماله دا غير الحرمان من اى دراسات عليا لمدة سنتين
والامضاع على اقرارات بحضور دورات تدريبيه بالقاهره وعند التخلف الحضور ندفع غرامه ماليه عن اليوم 100 جنيه دا غير ان فى محاضرات بالقاهره يومين اسبوعين ده طبعا غير التويفل والكمبيوتر
نخلص من ده كله نيجى للمستشفى زى ما قلت لكم انها تامين صحى وما ادراك ما التامين الصحى يعنى حضور وانصراف فى المعد المحدد 9 ص يعنى 9 9وعشره تمضى تاخير كل ده مع ملاحظة ان ساكنه بمحافظة كفر الشيخ يعنى باسافر يعنى مصاريف مالهاش اول من اخر
قلنا مش مشكله واهو كله تعب وما فيش حاجه بالساهل
تيجى بقى للتخصص تلاقى ان مقام اصغر فنى اعلى من مقامك مييت مره وتلاقى مدير المستشفى يغتت عليك ويقول لك لازم تاخد نوبتجيات استقبال عام وما ادراك ما هو الاستقبال العام فى مستشفى تامين صحى وفى الاسكندريه بالذات ولما تيجى تقوله وتفهمه انن انت بتاع تحاليل ومالكش فى الاستقبال عندك بتوع الطوارى حطهم يرد عليك رد فيه منتهى الاهانه لك كانسان قبل ما تكون طبيب و يقوللك( انا ما كنتش عايزكوا اصلا بتوع الكلينيكال باثولوجى مالهمش لازمه عندى)وكانك بتشتغل عنده خولى فى الوسيه بتاعته وما تقدرش تعترض او حتى تتكلم
وبعد كده تلاقى اصلا معدل النجاح قليل جدا لان التخصص رغم تفاهته فى الحياه العمليه الا انه صعب جدا من الناحيه النظريه0
وتلاقيك بتدرس فى مواد عقيمه كان الواحد بيكرهها كره العمى ايام الكليه وبتشتغل فى تخصص بعيد كل البعد عن مهنة الطب وبتعامل معاملة الفنى دا الناس بتدخل تقول للفنى يا دكتور وتقولى انا يا ابله
وكل ده بسبب ان الواحد عايز يهرب من التكليف باى طريقه حتى لو يقضى باقى عمره فى تخصص مش مقتنع بيه ولا حتى اللى حواليه مقتنعين بيه كطبيب اصلا0
لدرجة انى بدات اصلى استخاره فى انى اسيب الزماله وادور على التخصص اللى انا عاوزاه حتى لو هاستقيل بدل ما ادفن نفسى طول عمرى فى تخصص مش عايزاة
عرفتوا بقى ان الزماله مش امله قوى والدليل ان اللى استلم فى الاسكنريه مثلا اربعه فقط من عشره والباقى اعتذر وفى الدقهليه تلاته من ثمانيه
Post a Comment