انتخابات نقابة الأطباء من الألف إلى الياء

انتخابات نقابة الأطباء من الألف إلى الياء

نظرا لأن احنا حديثي عهد بالديموقراطية وكل القنوات الشرعية بنحاول نسترجعها تاني ومن ضمنها نقابة الأطباء اللي بقالها عشرين سنة ماحصلش فيها انتخابات

دي بعض الإرشادات والمعلومات عن الإنتخابات :

1- فيه أكتر من 80 ألف طبيب من شباب الأطباء مش مسجلين في النقابات الفرعية الخاصة بهم وفيه كمان اللي متسجل في نقابة فرعية بتاعت محافظة التكليف واللي ممكن يكون مارحهاش بقاله سنين

عشان يكون للدكتور حق التصويت والإنتخاب لازم يكون متسجل في النقابة الفرعية التابع لها

واللي بتكون يااما حسب مكان تكليفه أو مكان نيابته يعني من الآخر المكان اللي بيشتغل فيه فعليا في الحكومة

أما الطبيب الحر فيسجل تبع مكان عمله الخاص أو سكنه ، و الطبيب على المعاش

يسجل تبعا لمكان سكنه.

2- ازاي تسجل نفسك في النقابة الفرعية ؟؟؟

أولا : تسأل هل أنت متسجل في النقابة الفرعية واللا لأ وده ممكن تعمله بأنك تروح النقابة الفرعية الخاصة بمحافظتك أو تتصل بيهم بالتليفون

أو تبعت لنا اسمك ثلاثي ورقم القيد واحنا نقول لك هل أنت متسجل واللا لأ

ثانيا: لو متسجل خلاص

- لو مش متسجل يبقى في الحالة دي لازم تروح النقابة الفرعية التابع لها وتسجل اسمك فيها بس لازم يكون معاك ورقة من المستشفى اللي انت شغال فيها واللي طبعا تبع النقابة اللي انت عاوز تسجل نفسك فيها بتثبت انك شغال في المستشفى دي بتطلعها من شئون العاملين وتتمضي من مدير المستشفى وتتختم

- لو مكان العمل مكتوب في الرقم القومي هو المستشفى يبقى انت مش محتاج الكلام ده والرقم القومي في حد ذاته إثبات

- والأصل إن المفروض إن كل المستشفيات بعت أسماء كل الدكاترة اللي عندها سواء مثبتين أو نواب منتدبين وإن النقابة عندها نسخة من الكشوف دي وبس كل اللي معطلهم إنهم مفروض يتصلوا بكل دكتور منتدب يسألوه هو عاوز يتسجل في أنهي نقابة وبالتالي لما يجي لهم يبقى مش محتاج يجيب أي إثبات

بس ده المفرووض والغير مضمون هل بيعملوه واللا لأ

ثالثا : بعد ماتسجل نفسك واللي إن شاء الله بيكون وأنت واقف تستفسر عن دفع المصاريف مفروض تكون مسدد لحد 2010 لو مش مسدد تقدر تسدد عادي في النقابة الفرعية برضه في ساعتها

يوم الإنتخاب :

3- استفسر عن مقر الإنتخاب الخاص بمحافظتك بالنسبة للجيزة هيكون إن شاء الله في نادي البحر الأعظم --- طبعا كانت فيه محاولات لإقناع اللجنة الإنتخابية بتعدد المقرات الإنتخابية لكنها باءت بالفشل

4- يجب أن تكتب أسماء المرشحين كاملة بالقلم الجاف

5- تأكد من أنك كتبت الأعداد كاملة دون نقص حتى لايبطل صوتك

6- بالنسبة للأعداد المطلوب اختيارها :

- ورقة خاصة بنقيب الأطباء على مستوى الجمهورية

- ورقة خاصة بأعضاء مجلس النقابة العامة ( دار الحكمة ) فوق السن وعددهم 6 أعضاء

- ورقة خاصة بأعضاء مجلس النقابة العامة (دار الحكمة ) تحت السن وعددهم 6 أعضاء

- ورقة خاصة بنقيب أطباء النقابة الفرعية ( بالنسبة لنا هتكون محافظة الجيزة )

- ورقة خاصة بأعضاء مجلس النقابة الفرعية فوق السن هيكون عددهم 4 أعضاء ( باستثناء القاهرة )

- ورقة خاصة بأعضاء مجلس النقابة الفرعية تحت السن هيكون عددهم 4 أعضاء ( باستثناء القاهرة )

- ورقة خاصة بمرشح القطاع ( بالنسبة لنا هيكون قطاع شمال الصعيد ) 1 فوق السن

- ورقة خاصة بمرشح القطاع ( بالنسبة لنا هيكون قطاع شمال الصعيد ) 1 تحت السن

بالنسبة لمرشحي قائمة الإستقلال

أسماء مرشحي مجلس النقابة العامة

النقيب : لا نرشح نقيبا معينا ويجب إختيار من تراه مناسبا حتى لايبطل الصوت

أكثر من 15 سنة:

1- د/ منى معين مينا ( مني مينا )

2- د/ أسامه عبد الحى قاسم

3- د/ رشوان شعبان رشوان محمد

4- د/ دينا محمد شكري

5- د/ خالد محمد سمير أمين ( خالد سمير )

6- د/ عاطف محمد محمد مرسى (عاطف مرسي)

أقل من 15 سنة:

1- د/ محمد شفيق ابراهيم

2- د/ رامز رضا مصطفى

3- د/ محمد عبد الحميد حسنين

4- د/ كريم وجدى عزت رفله ( كريم رفله )

5- د/ حسام عبد الفتاح محمد كمال (حسام كمال)

6- د/ محسن محمد عزام (محسن عزام)

أسماء مرشحي مجلس نقابة الجيزة :

النقيب : د/ جمال شعبان

أكثر من 15 سنة :

1- د/ احمد بهاء الدين الدوينى

2- د/ كليب أبو جبة

3- لانرشح أحد ويجب إختيار من تراه مناسبا حتى لايبطل الصوت

4- لانرشح أحد ويجب إختيار من تراه مناسبا حتى لايبطل الصوت

أقل من 15 سنة :

1- د/ أحمد حامد

2- د/ سمر الكناني

3- د/ محمد عبد الحميد

4- د/ وائل أبو شقة

قطاع شمال الصعيد:

د/ سمير على التوني ( فوق السن )

د/ أحمد رضوان على ( تحت السن )

0117618422

http://www.facebook.com/groups/219006881454989/

Asc405@yahoo.com