حدث في بنك الدم

إحدى الطبيبات الزميلات تشن حملة ضد التسيب في التعامل مع مرض خطير يهدد مستقبل المواطنين فى مصر يجب أن نساند جميعنا الحملة بكل الطرق

http://atebaabelahokook.blogspot.com/2008/06/blog-post_5491.html

حدث في بنك الدم

http://www.almasry-alyoum.com/article2.aspx?ArticleID=113190

١٤/٧/٢٠٠٨

لاحظت أثناء زياراتي لصديقة لي تعمل ببنك الدم بمستشفي المحلة العام أن السائقين الراغبين بتجديد الرخصة يؤخذ من كل منهم كيس دم إجباري!.. وتساءلت: هم اللي بيلاقوا عندهم فيروس بي أو سي أو إيدز بيقولو لهم ولا لأ؟.

فسألت عن هذا الموضوع في بنك الدم في المحلة فأبلغوني أنهم من سنة تقريباً مابياخدوش تبرعات، واللي بيتبرعوا بيروحوا طنطا!

اتصلت بالمركز الإقليمي لبنوك الدم في طنطا وفهمت منهم أن اللي بيطلع ماعندوش حاجة بيتصلوا بيه يبلغوه «يباركو له يعني» واللي بيطلع عنده إيدز بيكلموه برضه وبيحولوه علي مكان تاني في القاهرة! أما اللي عنده فيروس بي أو سي مابيقولوش علشان يا عيني فيهم شباب بيخافوا عليهم من الصدمة وبلغتني بذلك إحدي الفتيات العاملات هناك!

وقد أفهمتها أن سي ده عامل زي الإيدز ممكن الواحد ينقله لمراته، وعند الحلاق، عند دكتور الأسنان وغيره وقلتها إن أنا عندي بنت قريبتي عندها ٥ سنين جالها فيروس سي وعمرها ما عملت عملية ولا خدت دم ولا راحت لدكتور أسنان!..

كل علاقتها بالفيروس أن عمها اللي ساكن معاهم في بيت العائلة - هم ريفيين - عنده فيروس سي.. ممكن جداً تكون استعملت المشط أو الفرشاه بتاعته، أو فرشاة الأسنان، لأنه ممكن ينتقل عن طريق أي خدش في الجلد مش بس بنقل الدم وطبعاً المصاب ده لما مايعرفش هيبقي بؤرة عدوي متنقلة!..

المهم واقتنعت ووعدتني أنها هتبلغ المدير لأن علاقتة بالموظفين كويسة وبيسمح بتبادل الآراء!.. وأنا ماعرفتش لسة عملوا إيه؟.. بس الموضوع لازم يبقي سياسة ونظام في الدولة كلها مش مكان يطبقه ومكان لأ حسب المزاج!.. ولازم يبقي في قانون يعاقب من لا يبلغ عن هذه الحالات.

استحلفكم بالله تبنوا هذا الملف وخلوا نيتكم «من أحياها فكأنما أحيا الناس جمياً» وعلشان ربنا ينجينا إحنا وكل حبايبنا والناس كلها إن شاء الله!

طبيبة - ياسيمن الفخراني

المحلة الكبري - والعمل بمحافظة البحيرة

hkgaa k@hetmail.com