امر تكليف لنائب باطنه انه يسد عجز قسم النساا !!!

لو سمحتم ياجماعه حد يساعدنى بنصيحه ويقولى اعمل ايه
انا طبيب مقيم باطنه عامه حركه مايو 2009
واستلمت واشتغلت اكتر من عام كامل باطنه عامه
والحمدلله سجلت دراسات عليا خلال الترشيح الوزارى لعام 2010
نزلونى نبطشيات عنايه وكلى صناعى بالاضافه للقسم بتاعى
لوجود عجز فى عدد النواب فى الاقسام دى
واشتغلت وقلت مفيش مشاكل وباخد خبره
دلوقتى فوجئت بجدول نبطشيات شهر نوفمبر
فوجئت انى اسمى نازل فى نبطشيات لقسم
النساء والتوليد
ولما حسبتها غلطه طباعه فوجئت بمدير الخدمات الطبيه
بيقولى انا الى نزلتك لان عندى عجز فى نواب النسا ولما عارضت
اتكلم بمنتهى التعجرف واخبطى راسك فى الحيط
وكلمت مدير المستشفى قالى عادى وايه يعنى تشتغلى نسا
حاجه العمل !!!!!
علما ان المستشفى اساسا تحتوى على عدد من التكليف لا باس به
من تلات دفعات 2006 ,2007,2008
والكل بيشتغل بمزاجه فى القسم الى يعجبه
بمعنى اى حد فيهم جاى بجواب الاستلام الى مكتوب فيه طبيب تكليف طوارئ
بيشغلوه بمزاجه هو يعنى عاوز عظام اوك اطفال مفيش مشاكل
ورافضين نهائى اداره المستشفى تكلف اى حد من التكليف ده يشتغل ويسد العجز
نزلونى انا نايب طبيب مقيم باطنه عامه وكلفونى اقوم بدور
طبيب مقيم نساء وتوليد
انا عوزه اتصرف بخطوات ثابته وصح وتجيب نتيجه والناس دى تتعلم الادب
لانى بجد جبت اخرى
وحاسه انى مش فى مستشفى انا فى
كووووكى بااااارك

===============

نسيت اقول حاجه كمان ان من غباء الاداره

حطونى فى النبطشيات النسا فى نفس الايام نبطشيات الباطنه او الكلى الصناعى

يعنى انا فى نفس الوقت الى المفروض فيه

كلى صناعى او باطنه

برضه اكون فيه نساء وتوليد