شكاوى الأطباء (متجدد)!ا

ساحكي لكم قصة بدلات المناطق النائية كلفت للعمل بسيناء الشمالية عند تخرجي وفرحنا بالبدل المقرر 150%وعند القبض وجدنا الراتب ضعف الاساسي فقط لا غير شكونا ايامها وحفظت الشكوي لجهلنا بقانون العاملين بالدوله حيث يقر راتبك وبدلاتك لا تتعدي ضعف الاساسي اي لا بدل عدوي ولا بدل عيادة اي ان النسبة ستصبح 50% يعني كله كلام جرائد وياريت تقرأوا قانون العاملين بالدولة اولا وعليكم ان تلوموا انفسكم لانكم دخلتوا كلية الطب واصبحتم اطباء بلا حقوق وقريبا سنصبح اطباء بلا هدوم

==================

من المهازل الموجوده فى المناطق النائيه ان الحوافز تعطى لاطباء التكليف بحد اقصى 6 فى مستشفى التكامل و2 فى الوحدات والاولويه للتكليف الاحدث يعنى الى قضى سنه فى التكليف يبقى بيشتغل فى مقابل 360 جنيه شامله بدل السفر والبدلات الاخرة
عندنا فى البحر الاحمر فى اداره مرسى علم تبعد عن القاهره 730 كليو والسفر بيكلف 80 جنيه زهاب وزيهم عوده يعنى بيقطع مئات الكليوات علشان 200 جنيه ومفيش حوافز لان العدد كبير وفى نفس الوقت غير مسموح باى اجازه بدون مرتب فيضطر الطبيب يقدم مرضى ويدخل فى سكت النقطاعات والجزئات
اما الوضع فى الوحدات فحدث ولا حرج
اقرب وحده تبعد عن مرسى علم 80 كليو ولا يوجد سكن للطبيب ويسكن فى الاسعاف
على مرتبه على الارض حيث لا يوجد سرير للطبيب فى وحده ابو خصون
امافى وحده حماطه فلا يوجد خبز والطبيب بيعيش على البسكويت اما الغذاء المفروض يوصل للدكتور مش بيوصل لان مافيش عربه خدمات وبيعطى للطبيب 6 جنيه فى اليوم بدل الغذاء بيصرفوا فى الفطار
عل النقيض الضابط الموجود فى الكمين وزاره الداخليه متعاقدة مع احدى القرى السياحيه الموجودهبالقرب من الوحده لتوصيل الوجبات الثلاثه اليه فى افضل صوره
اما مبنى الوحده والشبابيك متهالكه ولا يوجد عليها سلك فى منطقه مليئه بالعقارب السامه والحيات مثل الطريشه او الحيه زات القرنين
الطبيب بينام فى سكن متهالك من للصحراءوالكهرباء مقطوعه من الساعه12 مساء الى الصباح وهو ونصيبه
وكذالك الوضع فى الشيخ الشازلى 150 كليو داخل الصحراء وبرانيس 150 كليو من مرسى علم ويزيد عليهم عدم وجود شبكه محمول
الطبيب يشتغل فى هذه الظروف ومفيش حوافز لنا الله
=====================

أطباء هيئة التامين الصحى فرع الشرقية حيث ان القاعدة المعلوماتية التى تصل الى سيادتكم عن طريق ادارة الفرع وادارة المستشفيات بالفرع تكون غالبا مدبلجة ومثالية زائفة حتى ترضى سيادتكم عن اداء الادارة
حيث انه توجد مشاكل كثيرة مدمرة فى نطاق العمل الادارى والطبى بفرع الشرقية منذ ان تم فصله عن فرع شرق الدلتا

وسوف نقوم نحن اطباء مستشفى المبرة بسرد بعض الاخطاء وايضا المقترحات سعيا نحو تحسين اداءالعمل فى الفرع لدينا حيث اننا مشرفين على مرحلة جديدة ونظام تامين صحى شامل وجديد يتضمن معايير جودة شاملة لذا يجب علينا تلافى عيوب ومشاكل النظام القديم
وحيث ان الادارة هنا تبغى توصيل الصورة لسيادتكم مثالية الا انها ليست كذلك فى واقع الامر وهناك مشاكل يمكن ان تكون قاتلة وتدمر نظام التامين الصحى لولا ستر ربنا.

نبدأ أولا بالتخصصات الغير موجودة بالمستشفى
انه فى كل مستشفيات مصر والعالم لابد ان يوجد اخصائيون نوباتجيون فى المكان حيث يتلقى المريض خدمة اعلى صحيا
حيث ان الاخصائيون النوباتجيون بالمستشفى بالجدول المرفق بهذه الرسالة هم للاستدعاء تليفونيا من منازلهم وليسوا متواجدون بصفة دائمة بالمستشفى وحيث انهم من قرى ومراكز بعيدة عن المستشفى فانه يتعذر عليهم سرعة الحضور الى المستشفى عند الاستدعاء فى الحالات الطارئة مثل الحوادث و حالات العناية المركزة والقلب والجراحات والكسور وارتجاج المخ لذا يقوم النائب النوباتجى بالتعامل مع الحالة والذى هو ايضا يعمل فى غير تخصصه فتكون النتيجة معروفة
وبالمناسبة لا يوجد لدينا الا اخصائى واحد مخ واعصاب فى الفرع كله ومتعاقد فى اكثر من مكان ولا يوجد لديه وقت للمستشفى
لذا اى حالة تاتى الى المستشفى بعد اوقات العمل الرسمية واحيانا فى اوقات العمل الرسمية يتعذر توفير الاخصائى المطلوب مما يضطرنا الى تحويل الحالة الى مستشفى الجامعة او الى مستشفى خاصة بها اخصائى نوباتجى
وهذا طبعا يكلف الهيئة ماديا ومعنويا عن فكرة التامين الصحى الجديد
بالرغم من ان تفكيرادارة المستشفى لتوفير تكاليف نوباتجيات الاخصائيين حتى تعود على مدير المستشفى والفرع بالنفع المادى ولكنهم بذكاء منقطع النظير يكلفون الهيئة مبالغ طائلة وخسائر مادية ومعنوية من شكاوى المنتفعين من الخدمة الغير كفء و الغير متخصصة

ثانيا: مشكلة نواب المستشفى
النواب هم عصب المستشفى وهم القائمون بكل العمل بمستشفيات فرع الشرقية لتعذر توفير الاخصائى الذين هم غالبا فى منازلهم او فى عياداتهم يديرون العمل تليفونيا واحيانا يتعذر الاتصال بهم ومدون بسجل السويتش يوميا عدد كبير من الخصائيون الذين تعذر الاتصال بهم

والنواب غير مؤهلين حيث انهم يعملون فى غير تخصصاتهم نظرا لوجود عجز يكاد يكون كليا فى بعض التخصصات
مثل الباطنة لا يوحد نواب والجراحة 2 فقط والاطفال 2 فقط والاستقبال والطوارىء نائب واحد ويأخذ نوباتجيات عناية مركزة
ولذلك فان ادارة المستشفى توزع النوبتجيات على النواب فى غير تخصصاتهم بغض النظر عن الكوارث التى تحدث لان النائب احيانا يكون جلدية او رمد لمدة سنتان ثم من المطلوب منه ان يحدد جرعات العلاج لاطفال المحضن او يقوم بعملية زائدة دودية وسوف نسرد لسيادتكم هذه الامثلة فى حدول شهر مارس الحالى المرفق بالايميل"
1- د/سارة (طبيب مقيم باثولوجى اكلينيكى حركة النيابات السابقة) موزعة على قسم الباطنة العامة
2- د/قطايا (دراسات عليا جلدية ومنقول من الاسماعيلية)ويعمل بقسم الباطنة ويأخذ نوباتجيات باطنه
3- د/اية(طبيب مقيم اشعة حركة النيابات السابقة)وتعمل بقسم الباطنة واحيانا العناية المركزة
4- د/ هيثم عبدالله (دراسات عليا رمد) ولايعمل بقسم الرمد ويعمل بقسم الجراحة واحيانا استقبال واحيانا باطنة وعناية مركزة
5- د/هناء (طبيب مقيم جراحة اورام) وتعمل بقسم الباطنة
6- د/ بدر(طبيب مقيم انف واذن وحنجرة) وتعمل بقسم الجراحة
7- د/ محمد صبحى(طبيب مقيم انف واذن وحنجرة) ويعمل بقسم الجراحة واحيانا استقبال واحيانا باطنة
8- د/حلمى (طبيب مقيم مخ واعصاب) ويعمل بقسم الجراحة العامة
9- د/فاطمة (طبيب مقيم اشعة حركة النيابات السابقة) وتعمل بقسم الاطفال والحضانة واحيانا عناية
10- د/ مروة (طبيب مقيم نساء وتوليد حركة النيابات السابقة) وتعمل بقسم الاطفال والمحضن
11- د/ شيماء عبدالله (طبيب مقيم اشعة حركة النيابات السابقة) وتعمل بالاستقبال واحيانا اطفال واحيانا باطنة وعناية مركزة

وعلى ذلك فان نوباتجيات النواب مختلفة عن تخصصاتهم الاصلية و دراساتهم العلمية
وكما ذكرت سابقا ان ان النواب هم من يقومون ب 90% من العمل بالمستشفى فاذا لم يكونوا مؤهلين لعملهم فهذا ضد مصلحة المنتفع وايضا الهيئة وخطورة على النائب حيث ان مشروع التامين الصحى مطروح اعلاميا واى غلطة الاعلام ما بيسكتش
وعندما تقدموا لمدير المستشفى ذكر انه لن يطلب نواب جدد فى تخصصات العجز وانتم مكلفين عندى احطكم كما يتراءى مزاجى اجيب لكوا فلوس منين والى مش عاجبه ينقل

سؤال يطرح نفسه هل نحن نعمل لدى مدير المستشفى وهو من يعطينا الرواتب ام ماذا؟

فهل يعقل هذا وهل رئاسة الهيئة على علم بما يحدث فى مستشفى المبرة فرع الشرقية من هذا التسيب والاهمال فى اداءالحقوق والواجبات وتعسف الادارة لكسب مكاسب مادية خاصة على حساب الاطباء والمرضى المنتفعين ورئاسة الهيئة
وانه يوجد ايضا اكثر من 20 واقعة موت مرضى خلال العام الحالى بسبب اخطاء طبية او عجز اخصائيين او نواب فى غير التخصص فهل رئاسة الهيئة علمت بهذا ام ان الصورة التى تصل اليها صورة مثالية زائفة

نخن نقترح اذا كان هناك عجز فى مستشفى المبرة وهى اكبر مستشفى تامين صحى بالشرقية من نواب او اخصائيين فلنطلب من وزارة الصحة نواب فى حركات النيابات لسد اماكن العجز ويتحول الاخصائيون الى نوباتجيات فى المستشفى مثل مستشفيات التامين الصحى بالقاهرة وليس استدعاءات من المنازل والعيادات

ثاثا:ادارة الجودة بالمستشفى:-

لا يوجد ادارة جودة بالمعنى المتعارف عليه لدى اغلب مستشفيات الجمهوريةحيث انه لا يوجد مدير للجودة مؤهل لذلك
تجد المستشفى متهالكة منظر خارجى فقط طبعا لانه غالبا ما تسرق الموارد والميزانيات التى توضع لذلك
مشكلة المياه بالمستشفى والتى دائما مقطوعة عن الادوار العليا وبخاصة العمليات والخزان لا يعمل ولا تاتى الا ليلا وهى فى الاغلب مياة مجارير هل هذه من ضمن معايير الجودة

التكييف اغلبه معطل ماعدا غرفة المدير طبعا

رابعا: الحسابات فى المستشفى

تقوم ادارة المستشفى بادخال حالات خاصة ولا تسجل بدفاتر الدخول ويتقاسمها مديرالمستشفى ومديرالفرع وهذا يحدث عيانا بيانا ونقوم مضطرين بالكشف والعملية وياخد هو حسابها واحنا زى ما قال قبل كده شغالين عنده
وهو الى بيدينا قوت يومنا والى مشعاجبه يتحول للتحقيق او يلبسه مصيبه او ينقله بعيد عنه بتعسف ادارى لم نرى مثله هل هذا هو عصرالبلطجه وهل هذا مكان لذلك

نحن فى هيئة تامين صحى فى طور جديد ولها مستقبا واسع ولسنا وحدة صحية

برجاء من سيادتكم النظر فى هذه الكوارث علما بان سيادتكم صاحب القراروالصدر الرحب لتعبر بنا هذه المرحلة الى تامين صحى يكون مثال ممتاز يحتذى به

======================

ردا على إدعاءات الوزارة والتصريحات الوردية نسوق إليكم هذه
الشكوى من أطباء مستشفى أحمد ماهر مرفقة بتوقيعاتهم حول عدم صرف بدل النوبتجيات حتى الآن بعد أن بح صوتهم في المطالبة بتلك البدلات والتي هي أصلا شيء لايكاد يذكر وليس له قيمة في ظل الأسعار الحالية

يحدث هذا كله بالرغم من إدعاءات المسؤولين في الوزارة










=======

انا طبيب اطفال انتقلت الى المستشفى التى انا بها الآم من عام ونصف فى ذلك الوقت كان تقديم علاوة الماجستير وعندما قدمت فى المستشفى قالوا لى انهم جمعوا الناس الى معاها ماجستير وبعتوها وانهم هيجمعوا الاسامى الى لم تقدم بعد معا وهكذا عندما ظهر هذا الاسبوع قرار المديريه بالعلاوه طلع باسم الناس الى قدمت فى الاول اما انا واللى معايا فورقنا رجع من المديريه
اى ان المديريه تعاملت مع ورقنا بطريقة احنا مشفناش حاجه يعنى لم يرفضوا ولك يوافقوا هما رحعوا الورق وخلاص
اعمل ايه؟والى متى سيظل هذا الظلم يحيق بالاطباء


==========

الساده الزملاء الأطباء .....
تحيه طيبة ...

فى مشكله كبيره جدا عندنا فى المستشفيات التعليمية وهى عدم تطبيق قرار وزير الصحة والسكان رقم 264 لسنة 2007 الخاص برفع بدل نوبتجيات السهر الى 22.5 جنيها من أول يوليه 2007 تصل الى 45 جنيها من أول يوليه 2008 . بالرغم من أن هذا القرار تم تطبيقه بالمستشفيات العامه والمركزيه .
وبالسؤال عن الأمر تم أخبارنا أن الهيئة لا تخضع لهذا القرار ؟!
مع العلم بأن الأطباء المقيمين بالهيئة يتم انتدابهم من قبل وزارة الصحة والسكان عن طريق أعلان النيابات الذى يتم اعتماده من قبل الوزير.
وتم ارسال شكوى بالبريد الالكترونى للسيد نقيب الأطباء ولم نجد الرد ............
وتم ارسال شكوى للسيد وكيل وزارة الصحة والسكان لشئون الطب العلاجى والرعايه الطبية العاجلة وكان رد سيادته بانه ليس جهة أختصاص ولا يملك اتخاذ اى قرار بهذا الشأن ونصحنا بالتوجه بالشكوى للسيد وزير الصحة والسكان بصفته رئيس لهيئة المستشفيات التعليمية ونحن بصدد تجميع التوقيعات وارسالها للسيد الوزير.

والزياره التى كانت مقرره من قبل نقابة الاطباء لمستشفى أحمد ماهر التعليمى تم عرقلتها لتفادى تحدث الأطباء بهذا الشأن .

ونرجو منكم مد يد العون والمساعده اذا أمكن للوقوف فى وجه هذا التعنت الغريب من قبل هيئة المستشفيات التعليمية .


ولكم جزيل الشكر ,,

===========================


سلام عليكم
طبيب مقيم نساء
بختصار انا عايز نعمل حاجة توضح قوقنا في الوظيةف من اول التوقيع اما النائب الايداري في الحضور لحد الانصراف
يعنيالبدلات للنوبتيجية 1 ظهرا لحد 9 مساءا
و من 9مساءا لحد 9 صبحا ايه المقابل المفروض و المادي و بدل الراحة
و كمان مواعيد العمل الرسمية
و المصاريف اللي بنصرفها علي التنقلات و خلافة من اول صوري عشر نسخ من الورقة دي و دوسية
يعني احنا لازم نطلب حقوقنا بعين بجحة
الكل يعرف انن مش هنصرف علي الحكومة
نلغي فكرة الدكتور الطبيب اللي بيدفع من جيبةعايزين حجات واضحة تبين حقوق النبطشيات و ساعتا العمل
و في اقرب فرصة
عشان الكل يعرف اننا لينا ناب ارزق و بنفهم و كل واحد ياخد حقة
سلام عليكم


=====================

ردا على الدكتووور / هشاااام والصوورة الوردية اللي حضرته رسمها نهدي لحضرتك هذه الحاالة :

هل ممكن حد يساعدنى او يعرف اتصرف ازاى ؟؟؟؟؟؟؟؟؟؟

---

اولاً السلام عليكم
ثانياً انا من متضررى النظام الحالى لعمل الاطباء بما يماثل تماماً نظام السخرة
انا خريج طنطا دفعة 2005 بتقدير جيد وجالى التكليف فى البحر الاحمر واستلمت هناك فى ادارة عجيبة مش ممكن ابداً تنفع حتى مخبز الى . المدير هناك حاجة غريبة كل مانزل اجازتى من الوحدة اللى انا شغال فيها يصرحلى بالنزول فى التليفون وده لأن المسافة بين المستشفى والوحدة اللى انا فيها حوالى 80 كيلو ولما ارجع الاقيه احتسب المدة انقطاع وطبعاً لما يحصل تحقيق يهدد بقطع الحوافز وحاجات تانية كتير من الخبايا الادارية والمتاهات ودا بيخلينى اسكت مضطر و اتحمل الموضوع كله ده غير انى لغاية دلوقت وبعد ماشتغلت بحوالى 7 شهور لسه ماقبضتش اى حاجة من مرتبى
مش عايز اقول انى كنت قاعد اصلأ فى وحدة اسعاف بلا دورة مياه تصلح للاستخدام الادمى وان انا اصلاً كنت طبيب الوحدة والاسعاف بلا اى مقابل للعمل بالاسعاف فى نفس الوقت وان كل اللى كنت باخده حوالى 150 جنيه شهرياً بدلات و ده لأن طبعاً كده كده مافيش فلوس للحوافز من شهر 7
طبعاً ال150 جنيه كان بيطلع منهم 110 مواصلات بس دا غير انى متزوج ولولا المساعدات الاسرية كان زمانى قاعد على اى باب جامع!!!!!!!!!!

ده غير طبعاً جو المخابرات اللى السيد مدير الادارة عامله هناك والحاجات السيئة اللى ممكن تتقال عليك من المسعفين او العمال اللى هما رقم واحد عنده لأنهم زى ما بنقول عليهم عصافير السيد المدير وبيثق فيهم ثقة عمياء حتى لو كان كلامهم كدب
غير اللى كان بيحصلنا تخيلوا ان البلد اللى كنت فيها تعدادها حوالى 500 نسمة وانى كنت ساعات باتمنى الاقى اى اكل او ماء فلا اجد والله حصل وتخيلوا انى اعيش هناك فى رمضان 16 يوم على الفول فقط لاغير
وده خلانى اقدم فى اى نيابة علشان اهرب من الوضع اللى انا فيه فقدمت فى طب الاسرة والحمد لله رحت محافظتى
لسه الحكاية مانتهتش
طبعاً انا دلوقت نائب فى الحركة الجديدة واستلمت العمل وهنا كانت المفاجأة بيوزعونى على وحدة لا يوجد بها طب اسرة بحجة ان فيه عجز فى اطباء التكليف !يا سلام!الغريب ان المحافظة لم تطلب اى طبيب فى الحركة التكميلية للتكليف بحجة عدم وجود اماكن
عموماً ذهبنا للمسئولة عن توزيعنا قالت ان احنا غلطة! لأن المحافظة غير مستعدة لنظام طب الاسرة !يا سلام تانى! امال انتوا طلبتوا ليه؟؟؟؟؟؟
دلوقت انا شغال شغل تكليف مع انى لو اتكلمت هايعملوا قلق لأن دى اوامر ولازم تتنفذ
وكمان حطونى فى وحدة لوحدى من غير حد معايا يعنى مطلوب منى شغل 7 ايام اسبوعياً و نوبتجيات علماً بان تخصصى لا يوجد به اصلاً نوبتجيات

======================

حسبنا الله ونعم الوكيل
السلام عليكم
انا طبيبه من طبيبات المنصوره اللى استلموا نيابتهم الميمونه بالجحيم المسمى مطروح اردت ان انقل للجميع تجربتى انا وزمبلاتى بمطروح ليستفيد منها من لم يستلم نيابته بعد وليمد لنا من يستطيع يد المساعده فى توصيل صوتنا لكل مسؤل فى هذه الماساه واوجه نصيحتى بل رجائى لكل زميل وزميله له نيابه بمطروح بعدم الاستلام حتى لا يحدث ما لا يحمد عقباه فما رايته هناك فى 3 ايام فقط لا يصدق ولا يخطر لاحد على بال
اولا00اللهم ارنا فى وزير الصحه يوم اسود من كل الايام السوده مجتمعه التى رايناهه على يديه ان كان فى التكليف ولا النيابه واللهم اره فى اعز الناس اليه ما رايناه من مزله ومهانه وقله قيمه اللهم رد كيده وكن معنا عليه 000امين
اولا00سوء المعامله التى قوبلنا بها فى مديريه الصحه والتعالى المبالغ فيه فى التعامل
ثانيا00 السكن
لم نجد حتى الان انا وزميلاتى سكن لنا فى المستشفى العام بمطروح وذلك بعد ان استلمنا عملنا هناك بالفعل هل يتصور احد طبيباب مغتربات على بعد 8 ساعات من بلدهم بلا سكن فى ارض غريبه ليس لهم فيها من احد وقد اخبرنا نائب المدير بجلاله قدره ان نتصرف فهو ماعندوش حل ليناهو اتفاجىء بالعدد على الرغم من ان كل اللى استلموا حتى الان حوالى 10 اطباء وبناءا عليه اضطرت بالفعل زميله لنا انها تاجر سكن وذهبت انا وزميلتى الى زميلات لنا بمستشفى الحميات للاقامه معهم حتى نجد حل حيث ان نائب المدير اخبرنا انه لا يعد باى تغير حتى شهر 2 القادم لانهم رافضين يخلوا لاطباء التكليف اللى جاتلهم نيابات بره مطروح قبل اخر وقت مسموح بيه لاستلام النيابه وعاملين لهم كشف بالاسماء بحيث ان اللى استلم تكليفه الاول يخلى الاول عشان يستلم نيابته شفتم المهزله مش هاين عليهم يسيبوا اى طبيب من اللى عندهم بيمسكوا فى اللى يجيلهم بكل قوتهم لدرجة انهم سلمونا العمل فى المديريه بدون امضاء مدير شئون العاملين وبدون امضاء من وكيل الوزاره وفى المستشفى استلمنا العمل بدون موافقه من مدير المستشفى كانهم خايفين اننا نهرب ومانرجعش تانى ده كله والسيد المبجل وزير الصحه لا سامحه الله يجلس فى مكتبه فى التكيف ويصدر تصريحاته فيما اعده من سكن 7 نجوم وسبل راحه وما لا عين رات ولا اذن سمعت ولا خطر على قلب بشر اعده للمغتربين فى المناطق النائيه
ثالثا00
لم تجد تخصصنا فى المستشفى فنحن طبيبات الروماتيزم والتاهيل ليس لنا مكان هناك فلا يوجد هناك سوى قسم صغير للعلاج الطبيعى يعمل به اخصائى علاج طبيعى ومصرين اننا نشتغل معاه فى هذا القسم وبيقولوا انهم ماطلبوش تخصصنا وانهم فى غير حاجه اليه امال من اللى طلب التخصص ده وبهدلنا فى اخر الدنيا لا اجابه لهذا السؤال
رابعا00الاجازات والنوبتجيات
مطلوب منا الحضور الصباحى يوميا غير النوبتجيات لمده 26 يوم فى الشهر والاجازات 4 ايام كل شهر بدل راحات ده فى حاله لو خدت 4 جمع نوبتجيات كل شهر عشان اخد عنهم بدل الراحات اما لو مانجحتش انى اكسب فى الصراع المميت عل نوبتجيات الجمع فليس من حقى ال4 ايام بدل الراحات وفى هذه الحاله بتكون اجازتى كل شهر ونص وباخدها من اجازتى الاعتيادى تصوروا المهزله هذا ولا يوجد عندهم اى استعداد للتفاهم فى موضوع الاجازات ده ولا اى مراعاه لعامل الغربه او بعد المسافه وكاننا على بعد 5 دقايق من بيوتنا ولا هنسافر بطياره ونرجه بمركبه فضائيه
خامسا00البدلات
فوجئ الجميع عند استلام العمل ان كل مالنا من بدلات المناطق النائيه هو 50%بدل اقامه وده محسوب من اول اساسى مرتب اللى قيمته 48 جنيه يعنى قيمة هذا البدل هو 24 جنيه بالاضافه الى بدل العدوى وطبيعه العمل وقيمتهما 34 جنيه ودول احنا كلنا بناخدهم فعلا من اول التكليف اما مرتبنا فده بناخده من مقر تكليفنا الاصلى ولا يوجد بدل سفر ولا بدل جذب ولا بدل مناطق نائيه ولا اى شئ من اللى السيد المحترم وزير الصحه عمال يتغنى بيهم فى الصحافه والاعلام وبيقول بندى 600% فى المناطق النائيه ومندهش الناس مش عايزه تروح ليه؟
ارجو من كل من يمكنه المساعده ان يساعدنا فى توصيل صوتنا لكل مسئول بداية من رئيس الجمهوريه لرفع هذا الظلم ولاسترداد ابسط حقوقنا فى السكن والاجازات والبدلات وارجو من اخواننا باطباء بلا حقوق تولى هذا الموضوع وياريت الجميع يشارك معانه وجزاكم الله خيرا
==================
اناعايز اتكلم عن حالنا كاطباء في مصر طبعا مش هعمل فيها عنترو اوجع دماغكو بكلام تعرفوه اكتر منى بس حصل موقف حسيت منه شكلنا ايه في البلد دي يوم الخميس اللي فات واحد وكيل نيابة ما جابش 25 سنة كان اخوة متعور جرح بسيط جدا دخل استقبال احدى المستشفيات و كان احد النواب موجود فقام يشوف الواد ماله شخط فيه وقاله روح يالة هات دكتور كبير انت مش عارف انا مين ؟ انا فلان وكيل نيابة اجرى هات دكتور كبير فطبعا طبيبنا الغلبان فاكر نفسة 5 رحالة فبعض و زعق هوة كمان فالبية الاخصاءي قام يشوف فية اية ولما عرف قالة اسفين يا بية ماتزعلش سعادتك فصاحبنا فرد بزيادة وشتم اخونا الغلبان و اهانة اهانة شديدة وتوعدة انة هيضيع مستقبلة و انتهى الموقف ليفاجا صاحبنا صباح يوم النبطشية باستدعاء من مامور القسم فلما اتجه الى القسم فوجيء ان فلان بية مقدم فيه بلاغ انه اهان جهة سيادية <القضاء يعني> والمامور قالة صفي امورك معاه يا دكتور دى بيشتغل كدا و ابوة يبقى فلان وعمة يبقى علان ...............الكلام دة من يومالاربعاء والله اعلم بالتطورات ...............يبقى انت اكيد اكيد في مصر على فكرة مش عايز اتكلم عن باقي احوالنا كاطباء بس يا ريت كل واحد وهوه بيقبض اول الشهر يقارن مرتبة بدخل اي ميكانيكي ربع كم ولو متجوز و عندو عيال و طلبو منة اي طلبات مادية يقولهم sorryاصلي خايب و دخلت طب اوعوا حد يزاكر عشان ميخيبش خيبتي

-------------------------------------------------------------------------

انا خريج 2005 من الشرقيه تكليفي جه في بورسعيد واتوزعت هناك في الريف في منطقه اقرب بقاله ليها على بعد 15 كيلو ومالهاش مواصلات ومبتوصلهاش نقطة مياه .. المهم لما صدقت حركة النيابات اللي فاتت نزلت وقدمت فيها وجالي طب اسره في الشرقيه ..
روحت جري على المديريه على شان اخلي طرفي وخدت الجواب من هناك وروحت على الوحده وهناك زميلي مدير الوحده اخلالي طرفي ..
بس طبعا اكيد الدنيا مش وردي كده .. وانا واقف قدام الوحده مستني اي حاجه اركبها توصلني لاقرب نقطه للعمار (الموضوع ده بياخدحوالي ساعه ونص) فوجئت بلجنه جايه تخلي لزميلي في الوحده اداري ونقل تعسفي وكلام فارغ كتير كده .. المهم طلبوا مني امضي على الورق بمناسبه اني بقيت مدير وحده (الف مبروك !! ) دي الكلمه اللي قالوهالي ..
طبعا انا رفضت الاستلام ووريتهم اخلاء الطرف اللي معايا..راح البيه متصل بالمسؤول عن التكليف المديريه اللي راح هو كمان ماضي ورقه من مدير المديريه بمنعي من اخلاء طرفي من المديريه وقال لهم يكتبوا فيا مذكره اني رافض استلم ..

المهم فعلا اكتشفت الكلام ده لما رحت تاني يوم المديريه عشان اخلي طرفي من هناك فالموظفه قالت لي دا الدكتور فلان قال لنا مانخليش ليك .. طلعت على مكتب البيه مدير التكليف قال لي مش هاخلي لك غير لما اجيب حد بدالك ..طب امتى ؟؟
قال لي روح على وحدتك ومتجيليش غير لما ابعت لك حد .. وفاتت الايام وعديت على مكتب البيه تاني وتالت وعاشر .. اخيرا بدأ يساومني .. قال ايه قطع اخلاء الطرف اللي معاك وانا هاقطع المذكره والايام اللي فاتت دي مش هاحسبهالك غياب (طبعا لان انا في دفتر الغياب في الوحده مخلي طرفي ) .. وبعدين روح الوحده ومشيلي حالي وخف عني الشكاوي المبعوته وانا خلال اسبوع او 10 ايام بالكتير هابعت لك حد ..

المشكله ان البيه المسؤول بالطريقه دي ضيع عليا فرصه اني استلم في مكان قريب من بيتي وضيع عليا فرصه التقديم في الدراسات .. والله اعلم هيضيع ايه كمان .. وهو طبعا ولا حاسس بده لان البيه من حزب اعداء النجاح بيحضر في دبلومه بقاله 5 سنين مش عارف ياخدها ..

من الاخر كده مفيش فايده طول ما المسؤلين عن شؤون الاطباء كلهم من العينه دي (حزب اعداء النجاح ) .. وعمر الطب ما هيتقدم في مصر ولا اي شيء تاني هيتقدم بالطريقه دي ... تحيا مصر !!

------------------------------------------------------------------------
انا طبيب تكليف في مطروح دفعة 2003 استلمت في يونيو 2005 يعني بقالي في التكليف سنتين و 4 شهور وجالي قرار نقل لمحافظتي (الاسكندرية) في حركة سبتمبر 2006 يعني من اكتر من سنة ولم يوافق وكيل الوزاره على تنفيزه الى الان ثم جالي ترشيح لنيابة اطفال في الاسكندرية في حركة يونيو 2007 وايضا لم يوافق على تنفيزه الى الان رغم كل الوسائط وبيقول تستنوا لما دفعة 2006 تستلم التكليف تنصحوني بايه ؟ انا رحت الوزاره وكل واحد يقولي ده مش شغلي؟؟ يا ريت لو حد يقدر يوصل صوتي للوزير وشكراااااااااااااا

------------------------------------------------------------------------

جائنا البيان التالى
اليوم الاحد 28/0/2007 ذهب اطباء اسيوط لاخلاء الطرف
فكان الرد كلاتى
ان الوزارة اتصلت وقالوا توقف اخلاء الطرف لكل الاطباء الذين تم ترشيحهم للنيابات حتى اشعار آخر
وقام السيد المحترم مدير ادارة الرعاية الاساسية بابلاغ كل الدارات بذلك
سالناهم يعنى اية؟؟؟؟؟؟؟؟؟؟؟؟؟؟؟؟؟
قالوا انهم لسة هيشوفوا الموقف ويبعتوا للوزارة وعليه اما سيؤخر استلام نياباتنا او ننتظر الدفعة الجديدة ( شهر 3)
هل حدث ذللك فى اى محافظة اخرى ؟؟؟؟؟؟؟؟؟؟؟ وما هذه المهزلة ناخد نيابات ثم يقوموا بتاجيل استلامها على مزاجهم؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟

-------------------------------------------------------------------------
المسخــــــــــــــــــــــــــــــرة....PART __1
الاسم ........مش مهم
الدفعة....نوفمبر 2003
المهنة طبيب بشري في الشارع..
الجامعة ...المنصـــــورة
الأحــــــداث...........
1-نيابة ج قلب و صدر أحمد ماهــــر
2-الخلاء طرف من المستشفى التكاملي.....ثم الادارة ثم المــــديرية...
4التوجـــــــــه الي الهيئة الغامة للمستشفيات و المعاهد التعليمية....
5--المفــــــــــــــاجــــــــأة...........لايوجد هذا التخصص في أحمد ماهــــــــــــــــــــر
6-العودة الي الوزارة لاعادة التوزيـــــع
7--الوزارة يجب أن تعود الي التكليـــــــــف
...............هذا ماحدث لي..........
ملحوظة....الحصــــــول على موافقة معهد القلب ولكن لازم تتوزع من جديــــــد
منتظر دعواتكم و آرآئكــــــــــــمامضاء ...... صاحب المسخـــــرة