شوروا عليا ودبروني.....

عاوز اسافر السعودية
دخلت دورة طب الاسرة الي عاملها المعد القومي ب(4 الاف جنيه)
ودخلت المقابله مع السعودين وقبلوني (50 جنيه )
طلعت جوازات السفر ليا ومراتي وابني (210 جنيه )
وحللت فيروسات في المعامل المركزية مرتين انا ومراتي وطلعت سلبي (300 جنيه )
وعملت شهادة صحية من مستشفى القاهرة التخصصي انا ومراتي (360 جنية )
وطلعت شهادة من الكليه ووثقتها من الجامعة ومن الخارجية المصرية ومن القنصليه السعودية ومن الملحق الثقافي السعودي (حوالي 150 جنيه )
وطلعت شهادة خبرة من مطروح ووثقتها من الخارجية ومن القنصليه السعودية (150 جنيه )
وطلعت شهادة لابني انه اتطعم ضد شلل الاطفال (25 جنيه )
واتصورت صور للباسبور وللشهادات وللتأشيرة (60 جنيه )
ومطلوب كمان 80 جنيه لكل جواز سفر علشان التأشيرات
و200 جنيه لكل واحد علشان فتح جواز عالنت (نظام تأشيرات الكترونية جديد )
وتصريح عمل ب 120 جنيه
و400 جنيه ضرايب على كل تذكرة سفر

المهم بعد دا كله السيد الفريق الباشا الوالي المحافظ الفريق محمد عبد الحميد الشحات (والي ولايه مطروح ) بمنتهى البساطة والاريحية والجنتله الارستفراطية يصدر قرارا علويا ساميا سلطانيا فوقيا رئاسيا بتمديد تكليف الاطباء في محافظته الي هي ضيعته التي خلعها عليه السلطان ادام الله عزه تمديد فتره تكليف اطباء حظرته الي 5 سنوات عمل فعليه (ايوا بدون مرضي ولا انقطاع ولا انتداب ) في المحافظة وقبل هذا التاريخ لا يسمح لاي واحد من هولاء الاوباش الملاعين بمحاولة السفر ولا الحصول على اجازة بدون مرتب
وعليه وبعد كل ما فات وكل الي اتصرف يرفض سيادته طلب الاجازة الي قدمته للمرة التانية مصرا على ان اكمل فترة ال5 سنوات عمل فعليه في المحافظة النائية الحدودية

يا جماعة شوروا عليا ودبروني
اعمل ايه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟