مسيرة من النقابة لمجلس الشورى يوم الإثنين 18 مارس تبدأ الساعة 1:30 ظهرا

نرجو الحضور والمشاركة ودعوة الزملاء 

مسيرة من النقابة لمجلس الشورى 

يوم الإثنين 18 مارس تبدأ الساعة 1:30 ظهرا

للمطالبة برفع الميزانية

و السرعة بإقرار مشروع الكادر 

و مشروع قانون تغليظ العقوبة

ده نص المادة الخاصة بنسبة ميزانية الصحة في اتفاقية ابوجا واللي بتنص على ان ميزانية الصحة تكون 15 % من الميزانية العامة

احصائيات الرعاية الصحية في مصر

ده موقع منظمة الصحة العالمية وفيه نسبة ميزانية الصحة مقارنة بالميزانية العامة لكل دول العالم 

http://gamapserver.who.int/gho/interactive_charts/health_financing/atlas.html?indicator=i1&date=2010

ده لينك نصيب كل فرد بالدولار في الرعاية الصحية 

لكل دول العالم 

http://gamapserver.who.int/gho/interactive_charts/health_financing/atlas.html?indicator=i1&date=2010

متوسط نصيب الفرد من الرعاية الصحية بالدولار في دول العالم المختلفة لعام 2010 حسب احصائيات منظمة الصحة العالمية هو كالآتي :

متوسط نصيب الفرد من الرعاية الصحية بالدولار في دول العالم المختلفة لعام 2010 حسب 

احصائيات منظمة الصحة العالمية هو كالآتي :

 ( قارن بين متوسط نصيب الفرد في مصر 

وبقية دول العالم ) 

مصر = 123 

ايران = 317 

تونس = 238 

الولايات المتحدة الأمريكية = 8362 

فرنسا =4691 

اسرائيل = 2183 

قطر = 1489 

الكويت = 1223 

السعودية = 680 

الإمارات العربية المتحدة = 1450 

البرازيل = 990 

تركيا =678 

لبنان = 651 

الاردن = 357 

العراق = 247 

جامايكا = 247 

الصين = 221 

تايلاند =179 

هندوراس = 137 

السودان = 84 

الكونغو = 72 

اليمن =   63 

https://www.facebook.com/photo.php?fbid=446529458723232&set=a.186680278041486.40376.174093982633449&type=1&relevant_count=1

سوء توزيع ميزانية الصحة أين تذهب أموال المرضى والأطباء ؟؟؟؟؟؟؟؟؟؟

سوء توزيع ميزانية الصحة
أين تذهب أموال المرضى والأطباء ؟؟؟؟؟؟؟؟؟؟؟؟؟؟؟؟؟
AHMED HAMED
-------------------------------------

هبة عبد اللاه

انفراد.. ننشر ميزانية ديوان عام الصحة والتى تقدر بأكثر من 8 مليارات جنيه
2 مليار أجور وتعويضات للعاملين و11 مليون بدلات و10 ملايين إعانات نقدية
مليون و163 ألف بدلات تمثيل الوظائف العليا
و"أطباء بلا حقوق" تطالب بتخفيض ميزانية ديوان عام الصحة

حصل "صدى البلد" على نسخة من مشروع ميزانية ديوان عام وزارة الصحة للعام المالى الجديد 2012/2013 الميزانية والتى تقدر بـ23% من ميزانية الصحة تم تقسيمها إلى خمسة أبواب بإجمالى 8 مليارات و461 مليونًا 216 ألفًا 487 جنيهًا وهو ما سيتم اعتماده وصرفه لمخصصات ديوان وزارة الصحة والعاملين بها من إجمالى ميزانية الوزارة التى تبلغ 4.8% من الموزانة العامة أى بـ 25 مليار جنيه.

الميزانية تقدر بأكثر من 8 مليارات جنيه تخص فقط العاملين والمصروفات داخل ديوان عام وزارة الصحة هذا بخلاف المستشفيات وعلاج المرضى والادوية والابنية الجديدة والدعم والمخصصات الأخرى والتى سيبلغ نصيبها نسبة 77% من ميزانية الصحة.

وفي هذه الميزانية اكتفت وزارة الصحة بعرض مصروفات الديوان فقط، والمشروع المقترح للعام المالى بلغت ميزانية الباب الأول فيه 2 مليار و668 مليونًا و111 ألفًا و149 جنيهًا للأجور والتعويضات للعاملين بالوزارة فقط وكذلك كانت نسبة ذلك الباب من الصناديق والحسابات الخاصة 11,611,000 فى حين لم تكن هناك موارد ذاتية أخرى وكانت جملة تلك الأجور والتعويضات للعاملين 2,668,111,149 فى الوقت الذى كانت الاعتمادات لعام 2011/2012 كانت 1,702,485,000.

وكانت تفصيلات ذلك الباب كالآتى: الأجور والبدلات النقدية والعينية 2,517,826,660 من التمويل لعجز الخزانة ومن الصناديق والحسابات الخاصة 11,611,000 ومنها الوظائف الدائمة 36,668,000 وكذلك الرواتب الأساسية 36,608,000 وتكاليف المعارين وتتحمل الميزانية رواتبهم بلغت 60 ألف جنيه فى حين بلغت الوظائف المؤقتة 22,481,560 منها مليون جنيه للمكافآت الشاملة للخبراء الوطنيين والمكافآت الشاملة خبراء أجانب 6,000 وبالنسبة للأجور للموظفين الموسمين بلغت 21,481,560 فى الوقت الذى بلغت فيه مكافآت الصبية 2,000 جنيه فى الوقت الذى بلغ فيه أجمالى المكافآت 2,397,735,908 وهى مكأفات "حضور جلسات ولجان وطوارئ ولجان ومكافآت محو الأمية ومكافآت ساعات البحث الزائدة عن النصاب ومكافآت أخرى".

وبلغ إجمالى البدلات النوعية 11 مليونًا و163 ألفًا وتشمل بدلات "تمثيل الوظائف العليا وتمثيل لموظفين فنيين وبدل طبيعة عمل للأطباء وبدل عدوى ووقاية من الاشعة وبدل تفرغ للمهندسين".

وبالنسبة للمزايا النقدية التى بلغت إجمالها 10 ملايين و660 ألف جنيه والتى تشمل إعانة غلاء المعيشة وعلاوة اجتماعية إضافية والعلاوة الخاصة وتكاليف تعويض العاملات بما يعادل 25% من الراتب الشهرى.

هذا الى جانب المزايا العينية التى بلغت 50,729,192 والتى تشمل الأغذية للعاملين إلى جانب ملابس العاملين وعلاج طبى للعاملين.

وأوضح مشروع الميزانية أن المزايا التأمينية بلغت ضمن المشروع 138,673,489 بلغت حصة الحكومة فى صندوق التأمين الاجتماعى للحكومة 107,555,582 منها التأمين ضد الشيخوخة والعجز والوفاة وتكاليف مساهمة الحكومة فى التأمين على العاملات فى إجازة لرعاية أطفالهن وبلغت المزايا التأمينية الاخرى كالتأمين ضد المرض وضد أصابة العمل 31,117,907.

فى الوقت الذى كان فيه إجمالى شراء السلع والخدمات 2,97,532,318 والتى شملت السلع والمواد الخام والادوية والاغذية ووقود وزيوت وقوى محركة للتشغيل ومواد بترولية وغاز ومواد تزييت وتشحيم ووقود وزيوت لسيارات الركوب وقطع غيار ومهمات وقطع غيار مواد للصيانة ومواد تعبئة وتغليف وادوات كتابة وكتب فى حين بلغت المستلزمات السلعية متنوعة 36,031,200 والتى شملت مستلزمات تصوير ومستلزمات موسيقى ومستلزمات سلعية متنوعة وبلغت نفقات الصيانة 153,452,841 والتى شملت نفقات صيانة مرافق وشبكات وصيانة طرق وجسور وكبارى وصيانة وسائل نقل واتصالات.

وبلغت نفقات طبع ودوريات وحقوق تأليف 24,182,250 شملت نفقات طبع واشتراكات فى مجالات وجرائد ودوريات وشراء حقوق المؤلفين.

وبلغت نسبة مصاريف النقل والانتقالات العامة 26,559,100 منها نقل مهمات بالسكة الحديد وانتقالات عامة للعاملين وغير العاملين بالسكك الحديدية فى الوقت الذى بلغت فيه نسبة البريد والاتصالات 6,043,617 وشملت البريد والتليفون وتلغرف واشتراك تيكر وبلغت نسبة الإيجارات 32 مليونًا و247 ألفًا وشملت ايجارات إحصائية وحسابات وايجارات وماكينات ومعدات وبلغت نفقات أقامة المعارض والمؤتمرات 100 ألف جنيه وتكاليف العلاقات الثقافية والتعاون الخارجى 200 ألف جنيه.

أما بالنسبة لتكاليف البحوث والتطوير وتدريب العاملين فبلغت 36,197,550 والتى شملت خدمات ابحاث وتجارب وتكاليف البرامج التدريبية فى الوقت الذى بلغت فيه قيمة الخدمات المتنوعة 15,502,000 والتى شملت نفقات تأمين وعمولة ونفقات الاعياد والمواسم ونفقات الاحكام القضائية ونفقات لجان تحكيم.

وبلغت نسبة المنح 3,642,647,000 والتى شملت المنح للحكومات الاجنبية والتى قدرت بـ 3 ملايين جنيه وبلغت نسبة المنح لجهات الحكومة العامة 3,639,647,000.

فى الوقت الذى بلغت فيه نسبة النفقات الخدمية لغير العاملين 35,462,020 منها فقط علاج مواطنى جمهورية مصر العربية 28,060,000 وبلغت المزايا الاجتماعية للعاملين 55 ألفًا، أما ما يسمى بالمصروفات الاخرى فبلغت 13,951,00 وشملت ضرائب ورسوم والاشتراكات رسوم تراخيص السيارات وضرائب عقارية وتعويضات وغرامات ونفقات رأسمالية متنوعة وفائض مرحل وتحويلات جارية وتخصيصية اخرى.

ومن جانبها رفضت حركة أطباء بلا حقوق ما تم الإعلان عنه من تخصيص 8.5 مليار جنيه كموزانة لديوان عام وزارة الصحة فقط.

واشارت الحركة إلى أنه فى ظل تخصيص الحكومة لميزانية الصحة بـ 4.8% فقط من الميزانية العامة للدولة اى 25 مليار جنيه من اجمالى الميزانية العامة ستصبح ميزانية الصحة والمبلغ المتبقى للعلاج والمستشفيات 14 مليارًا فقط وهذا يعنى أن تستمر المستشفيات مكانًا للموت وليس للعلاج.

وطالبت الحركة بضرورة تغيير هذه الميزانية قبل أن تصل لمجلس الشعب، كما طالبت جميع أعضاء مجلس الشعب بالتضامن معها في رفض هذه الميزانية وتخفيض الميزانية المخصصة لديوان عام الوزارة، مع ضرورة ان يكون الاهتمام الأكبر لتحسين الإنفاق على وحدات تقديم الخدمة الصحية، وتحسين أجور وتدريب الفريق الطبي وليس لديوان عام الوزارة.

ودعت الاطباء والعاملين فى المجال الطبى ضرورة التضامن فى الوقفة الاحتجاجية التى حددتها نقابة الاطباء يومي الأحد 20مايو، و27 مايو أمام جميع المستشفيات الكبرى بالقاهرة وباقى المحافظات.


http://www.el-balad.com/163532

حق الطبيب المصري -- د/ أسامة القفاش

حق الطبيب المصري ...مع اضراب الاول من اكتوبر

الى ابنائي الاطباء الشباب من خريج طب عجوز من دفعة تخرجت منذ اكثر من ثلاثين سنة

اناديكم اناديكم اشد على اياديكم..... وابوس الارض تحت نعالكم و اقول افديكم

توفيق زياد

في عام 1987 كنت في بعثة دراسية استغرقت عدة اشهر في مدريد باسبانيا لدراسة اللغة الاسبانية و انتهزتها فرصة ايضا لدراسة السنيما وزيارة استوديوهات السنيما الاسبانية التي كنت ومازلت اعشقها. و كان زميلي في الكولخيو اي مسكن الطلبة دبلوماسي شاب من ساحل العاج ...تطرق بنا الحديث عن الاحوال الاقتصادية و سألني عن مرتبي قلت له بادب اني احصل على ما قيمته حوالي 50 دولارا(كان المرتب وقتها حوالي مائة جنيه و كان الدولار حوالي جنيهين) اندهش الرجل و قال لي مستغربا 50 دولارا في اليوم و انت طبيب بعد 7سنوات من التخرج؟؟؟ لا يمكن هذا قليل جدا و غير معقول !!! لم ارد طبعا لاقول له ان المرتب شهري!!!!!!!!!!!!!!!! بصراحة لم اكن اريد ان احرج نفسي و كنت اظن ان الحال سيتغير وفي اليوبيل الفضي لهذه الحادثة مازال مرتب الطبيب المصري 50دولارا وماتغير هو سعر صرف الدولار.....

مؤخرا وانا اعيش الآن في زغرب عاصمة الجمهورية الكرواتية وفي لقاء مع مجموعة من الاصدقاء من المثقفين الكروات كان الحديث ايضا عن الاقتصاد حيث ان هذه هي النغمة المفضلة للناس لانها تتيح لهم الشكوى من واقعهم المر!!! و ايضا سألوني كيف تركت الطب و هي المهنة الاكثر دخلا في العالم ..و عندما قلت لهم الا في مصر سألني احدهم وما هي المهنة الاكثر دخلا هناك وقلت لهم ضابط البوليس ..تعالت الضحكات فقد ظنوا اني اسخر منهم ومن الدولة البوليسية ومرة اخرى لم ارد ان اعلق!! و انما قلت في نفسي شر البلية ما يضحك!!! ثمة امر محدد هو ان الطبيب في اي مكان في العالم هو اعلى مرتب بين خريجي الجامعات . و هذا لسبب بسيط لانه الاكثر تكلفة ولان الحاجة اليه لاتنتهي!!!

الطبيب في كوبا مصدر للعملة الصعبة و سلعة تصدرها كوبا لكافة انحاء العالم وخاصة دول امريكا اللاتينية وهذا مانراه مث في اتفاقيات التبادل المشترك بين كوبا وبوليفيا وكوبا وفنزويلا

و بعد ان كان الطبيب المصري بالمثل سلعة و دخل، صار هزوة و ملطشة لكل من هب ودب في كل بلاد العالم لانه ملطشة للجميع في بلده ... ولان السيد الضابط لا يعجبه ان يعمل و يتكاسل و لايؤدي عمله وهو يحصل على الاف الجنيهات بعد التخرج و لا يعجبه هذا ...

ببساطة هذا الميزان المختل لن يؤدي الا الى مزيد من التدهور

كيف نطلب من دولة اجنبية ان تحترم الطبيب المصري وهي اساسا ترى ان دولته لا تحترمه؟كيف نطالب بعقد عمل موحد للاطباء في دول الخليج و هم يرون الطبيب المصري بلا قيمة في بلده؟؟

كيف يتأتى ان نتباكى على انهيار منظومة الصحة في مصر وميزانيتها لا تصل حتى الى جزء من ميزانية الامن الذي لا يؤدي دوره ؟؟؟

كيف نتكلم عن انهيار التعليم الطبي و المرصود له اقل حتى من ميزانية قطاع واحد من قطاعات الامن العديدة الجرارة التي لا تعمل و تفشل حتى في حماية افرادها ؟؟؟

نفهم ان يقوم النظام الفاسد المجرم السابق بدفع الملايين للجهاز الامني لان مهمة هذا الجهاز كانت وماتزال هي حماية هؤلاء الفسدة والمجرمين و لكن ان يستمر الحال على ما هو عليه حتى بعد انهيار النظام وفشل هؤلاء في حمايته؟؟؟ هذا امر غريب حقا...

لقد دأبت النقابة القديمة في عهد النقيب الملاكي السابق عضو الحزب الوطني وكل الاحزاب الحاكمة من قبله و امبراطورخصخصة الطب و البزنس على لوم الاطباء و اعداد اطباء في حالة مثالية من حات لوم الضحية وتحميل المجني عليه مسؤولية اجريمة التي وقع فريسة لها . وبينما ازدادت شراسة الجهاز الامني وافراده و تحولت كلية الشرطة الى مكان لتخريج المجرمين والمرضى النفسيين و ذوي العاهات الذين يحاسبون افراد الشعب المصري على فشلهم و امراضهم النفسية ازداد تحميل هؤلاء للاطباء مسؤولية انهيار المنظومة الصحية و لم يلتفت احد منهم الى دول حولنا كانت تنظر الينا من زاوية رؤية منخفضة فصارت تتطلع علينا من حالق ولنا في الاردن مثالا واضحا على تطور الصحة و التعليم وهما ركيزتا تقدم اي دولة لانهما استثمار في انسان .

يوغوسلافيا السابقة و الأردن و الصين وكوبا استثمروا في الصحة والتعليم ... ... وهذه مجرد امثلة .. البوليس والامن هو استثمارالأنظمة القمعية المتخلفةالبشعة في افقر دول العالم مثل هايتي و الطنطن ماكوت

اي قائل يقول لاتوجد ميزانية للصحة قولوا له خذ من البوليس و اي فرد يرد البوليس لن يحمي المستشفيات قولوا له ا ونحن لن نعالجهم وأي طبيب يعمل في مستشفى شرطي يفصل فورا من النقابة

اي قائل ان الطب مهنة انسانية قولوا له هي مهنة اولا و انسانية مع احترامنا الشديد لكل شيء تعني ان نعامل كبشر و ان يحترم الطبيب كأنسان و تتم حمايته و يأخذ ما يكفيه لقاء عمل طبيعي و لا يضطر للعمل 24ساعة في اليوم للحصول على قوت يومه

ان الحكومة الجديدة و الرئيس مرسي فوق الرأس وفي القلب ولكن الاطباء الذين تخرجوا من كليات تتطلب مجاميع تقارب مئة في المئة لا يمكن ان يحصلوا على عشر مرتب مهنة لا تتطلب اي مهارة و كل ما يتعلمه من يشتغل بها هو كيفية ارهاب المواطن و الانسان .

استمرار الحال على ماهو عليه هو دعوة مفتوحة لحرب اهلية و صراع مدمر لان معيار الكفاءة والعلم لا قيمة له وهو الامر الذي انهار مع انهيار النظام القديم الفاسد

الا هل بلغت اللهم فاشهد....

د.أسامة القفاش 

15/9/2012

https://www.facebook.com/notes/ossama-elkaffash/%D8%AD%D9%82-%D8%A7%D9%84%D8%B7%D8%A8%D9%8A%D8%A8-%D8%A7%D9%84%D9%85%D8%B5%D8%B1%D9%8A-%D9%85%D8%B9-%D8%A7%D8%B6%D8%B1%D8%A7%D8%A8-%D8%A7%D9%84%D8%A7%D9%88%D9%84-%D9%85%D9%86-%D8%A7%D9%83%D8%AA%D9%88%D8%A8%D8%B1/10151029916692077

أطباء بلا حقوق تنضم لد.مصطفى البحيرى - الطبيب المضرب عن الطعام - فى اعتصام مفتوح بمقر النقابة العامة

أنا مش البردعة ... و عايز حقي "حقك تتعالج بكرامة و حقي أعيش بكرامة " ,,, عن إضراب ا أكتوبر أتحدث ,,,

https://www.facebook.com/notes/%D8%B3%D8%A7%D8%B1%D8%A7-%D9%81%D9%88%D8%B2%D9%8A/%D8%A3%D9%86%D8%A7-%D9%85%D8%B4-%D8%A7%D9%84%D8%A8%D8%B1%D8%AF%D8%B9%D8%A9-%D9%88-%D8%B9%D8%A7%D9%8A%D8%B2-%D8%AD%D9%82%D9%8A-%D8%AD%D9%82%D9%83-%D8%AA%D8%AA%D8%B9%D8%A7%D9%84%D8%AC-%D8%A8%D9%83%D8%B1%D8%A7%D9%85%D8%A9-%D9%88-%D8%AD%D9%82%D9%8A-%D8%A3%D8%B9%D9%8A%D8%B4-%D8%A8%D9%83%D8%B1%D8%A7%D9%85%D8%A9-%D8%B9%D9%86-%D8%A5%D8%B6%D8%B1%D8%A7%D8%A8-%D8%A7-%D8%A3%D9%83%D8%AA%D9%88%D8%A8%D8%B1-/410462129019334

أنا مش البردعة ... و عايز حقي "حقك تتعالج بكرامة و حقي أعيش بكرامة " ,,, عن إضراب ا أكتوبر أتحدث ,,,

by سارا فوزي on Saturday, September 15, 2012 at 12:13am ·

" لم أَكُن أنتوي" الكلام في الموضوع ده حالياً إلا على أواخر الشهر الحالي ( قبل يوم الإضراب ببضعة أيام ) ؛ لإنه على رأي الخال .. (الدنيا ماشية و شعبنا نَسَّاي ) ، و لإني – بعيد عن القارئين- داخلة على امتحانات و بالتالي لازم أنعزل عن العالم و أبقى شخص سَمِج بارد عشان أعرف أذاكر و أَلِم درجات ,,!!

لكن بصراحة مقدرتش أقاوم قُدَام انبهاري بالأداء العظيم للداخلية في ماتش السوبر ، و حيلها الدفاعية و خططها اللولبية في تأمين الاستاد و دخول و خروج اللاعبين ,, مش أي أي يعني !!

و انبهرت أكتر بِرَصِتهم صفوف قدام الاستاد في وش البلطجية الوحشين شباب الأولتراس اللي أهاليهم ما عرفوش يربوهم و سايبينهم يخربوا البلد و يضيعوا في هيبة الدولة ,, كله إلا هيبة الدولة !!

" يا حلاوة يا ولاد " قُلْتَها في نفسي و أنا بأفتكر زمايلي في المستشفيات و حسرتهم لما يشوفوا منظر زي ده ,,

لو حضرتك رُحت أي استقبال طوارئ في مستشفى حكومي أول حاجة هتقابلك ورقة متعلقة عليها " في حالة الاعتداء من البلطجية يُرجى الاتصال برقم .... " كل مستشفى بقت مُترقبة في تَوجُس هي الدور جاي عليها بكرة و لا بعده و كأننا أصبحنا في عصر الغاب ؟!! .. التعدي الجسدي على الأطباء و المرضى – و إن كان الأطباء لهم نصيب الأسد – وصل لأقصى درجة ممكن تتخيلها أو يتخيلها بشري , و الوقائع فيها ما يجعلك تمتعض ألما من هول اللي حصل و اللي بيحصل ، طبعاً التعدي اللفظي و سبّ الدين دول

إحماءات خفيفة ,, السؤال دلوقتي : هل اللي بيقوموا بالاعتداءات دي بلطجية و لا أهالي مرضى ؟؟

    بعض الاعتداءات بيكون سببها إنه بتبقى فيه خناقات كبيرة بين طرفين بسلاح ناري و مطاوي و أكيد فيه مصابين و هنا بتتنقل المعركة للمستشفى .. كل طرف بيهدد الدكتور المعالج عشان يعالج مصابيه الأول ، ده غير إنه بيدخل مع المصاب حواللي 30 ..50  أو 100 واحد ، و لو فكر الدكتور إنه يتجرأ و يقول لحد فيهم يطلع برة عشان يعرف يعالج الناس فمصيره هو .. مصيره ,,

 أما النصيب الأعظم من الاعتداءات بيتم من أهالي المرضى و هنا عايزة أوضح شئ مهم جداً ؛ إن المريض أو أهله – و إن كانوا مخطئين في هذا التصرف الغير أخلاقي ( و دي الكلمة المهذبة) عشان ياخد حقه ( وحط تحت حقه مليون خط) في إنه يتعالج بكرامة – فهما معذورين لسببين :

أولاً : المفروض العلاج في المستشفيات الحكومية مجاني و لكن معظم المستشفيات بتتبع نظام (  (cost recoveryو هو إنه يبقى فيه رسوم في أغلب خطوات سير الخدمة الصحية كمحاولة من إدارة المستشفى لجلب موارد لتحسين الخدمة الطبية ( و ده من أول العمليات الجراحية و الأشعات لحد القطن و الشاش و الجبس ) ، و طبقاً لهذا النظام إن الرسوم بيُعفَى منها أي حد ظروفه المادية صعبة ( طبعاً ده على افتراض إنه ممكن يكون فيه مريض مقتدرعنده ذرة من عقل هييجي يتعالج في هذه المستنقعات ) وبالتالي فكل اللي هناك أصلاً ظروفهم صعبة ..

طيب تخيل بقى اللي بيحصل،، المريض بيروح عشان يتعالج و مش قادر يدفع الرسوم ، والدكتور ما يقدرش يعمل شئ غير إنه ينفذ السيستم بتاع المستشفى فالمريض ينفعل و يتخانق و يتعدى على الدكتور بألفاظ نابية يا إما بتقف عندها الخناقة أو بتكمل بالضرب فبيتحول المريض لمسئول في المستشفى و يأخذ جواب بالإعفاء من الرسوم ,,

" طب دي الوصفة سهلة و الوصفة هايلة , ليه أتعب نفسي و أناهد مع الدكاترة لما ممكن طلباتي تُجاب أول ما أتخانق "

هذه هي السياسة اللي بتُلقنها الوزارة للمرضى ,,

 كل ما تتزنق في شئ .. اتخانق ، و ما يهمش أعراض الدكاترة اللي بتُستَبَاح و لا كرامتهم اللي بقت في التراب ,,

ثانياً : إيه إحساس واحد أبوه جاله ذبحة و كان ممكن يتعالج في خلال ساعات لو كان لقى له سرير في العناية ، أو واحد مش عارف يعالج أمه المريضة عشان المستشفى مليانة و مفيش مكان ، أو تخيل واحد جاي بابنه مكسور والدكتور مايعملوش حاجة لإنه للأسف ما عندوش جبس , تخيل .. و تخيل ..أو مش محتاج تتخيل إنت ممكن تقرأ الوقائع الحقيقية على لسان الأهالي نفسها أو الدكاترة .. تقدر دلوقتي تلتمس ليهم العذر لإنه بني آدم و عايز يعيش بكرامة ,,  لكن يبقى السؤال مين الضحية و مين الجاني ؟؟ و هل الحالة المزرية لمستوى الصحة مُبَرِر لما يُفعل بالأطباء باسم الإهمال ؟؟

عارفة إنك هتسألني دلوقتي : يعني إنتي عايزة تفهميني إنه مفيش إهمال من الأطباء؟؟

أنا معاك بس حُكمك –للأسف- غير موضوعي لإنه أخدنا زمان لما يبقى فيه معادلة فيها كذا طرف فإنت لازم تِثَبِّت (تِحَيِّد) باقي الأطراف عشان تقدر تحكم على طرف فيها بالسلب أو بالإيجاب ,و عليه هأوريلك باقي الأطراف عاملة إزاي ؟؟!!

  ميزانية وزارة الصحة في مصر 27.5 مليار جنيه يعني 4% من الموازنة العامة للدولة ، و ده رقم زهيد جداً بالنسبة لكل ما عليه الوضع الحالي من سوء أو لبلد عايزة تنهض بقطاع الصحة ..

( ملحوظة مهمة إن مصر موقعة على اتفاقيات دولية تلزمها إنها ترفع ميزانية الصحة إلى 15 %)

ال27.5 مليار جنيه دول ( اللي لو اتصرفوا كلهم لرفع مستوى الخدمة الصحية مش هيعملوا حاجة ) بيُقْتَطَع منهم 8 مليار جنيه لديوان عام الوزارة ؟!!

هيتبقى كام من ال27.5 مليار ؟؟!

"19.5 مليار " هي ما يُصْرَف منه على المستشفيات و الوحدات الصحية و التطعيمات و الرواتب للأطباء و الممرضين و العاملين من الإسكندرية لحد أسوان !!

و بالتالي شئ بديهي جداً إنك تروح مستشفى حكومي ما تلاقيش أجهزة ( طبعاً كلامي مش عن أجهزة متطورة و لكن عن أبجديات أي مستشفى ) و إن لقيتها فهي يا إما عطلانة يا إما متهالكة و هتعطل برضة ، ولا حتى أي مستلزمات طبية تانية ده غير الوضع المزري من قمامة و صرف صحي و سراير عليها بقع دم بكل ما فيها من صنوف العدوى ، وأدنى درجات النظافة اللي لن تشك معها لحظة في إنك – آسفة – في مرحاض عام و ليس مستشفى المفروض الخارج منها مولود .

عادي جداً إنك تلاقي مستشفيات بتغير ديكوراتها بتكاليف باهظة أو تلاقي مليارات بتتنهب في قوافل طبية معمولة قدام المستشفيات ( بدل ما تروح المناطق النائية ) أ، في تكييفات و ورق و تجهيزات مكتبية أ، رواتب لأباطرة البيزنس في الوزارة اللي وصل راتب الواحد فيهم لأكثرمن مليون جنيه في الشهر ( أكيد هوا بيعمل حاجة أعظم من أوباما نفسه اللي بياخد 400ألف دولار في السنة )

لكن لما تيجي تطالب بتجهيزات للمستشفيات و بتحسين الخدمة فيها ، و أو برواتب للدكاترة ، " هيجيبلك منين ؟؟ ماهي خلاص الميزانية خلصت كدة" !!

هتقولي الدكاترة في مصر هما اللي أي كلام و ما بيفهموش حاجة .. ماشي ،أنا موافقة على كلامك ... عارف ليه ؟؟

لإن كل الدكاترة الشاطرين سابوا البلد و مشيوا علشان يدوروا على مكان يقدرهم و يحافظ على كرامتهم ، و يديهم فرصة حقيقية إنهم يتعلموا (التعليم اللي بيطلع نوابغ) ،الدكتور المصري بيفضل يذاكرلحد ما يموت – من المحبرة إلى المقبرة زي ما بيقولوا – و اسأل على المصريين في أي بلد برة و إنت تعرف إحنا كدة ليه !!

أكيد ماحدش عايز يبقى فاشل بمزاجه ،بس لما تلاقي نفسك لسه بتاخد فلوس من والدك عشان تشتري قميص و بنطلون – و إنت ما شاء الله.....قد الدنيا- و لما تفكر تشتري مرجع ب 300جنيه ، و لا تحضر لك مؤتمر يومين ب500 جنيه ده غير مصاريف الماجستير و غيره و غيره و غيره ,,

و أحب أقولك شوية حقائق صادمة شوية هتخليك تفكر تاني ...

الدكتور بيدرس بعد ثانوية عامة (17 سنة) ؛ 6سنين كلية +سنة امتياز+ سنتين تكليف+5 سنين نيابة + (3 سنين كمان لو فيه جيش) .. خَلَّص أخيراً .. فيتصدم بمرتب 250جنيه منهم 96 جنيه استقطاعات ضريبية و تأمينات و الذي منه ,, يعني كام في نهاية الحسبة ؟؟ .... 150 جنيه !!!!!!!!!!!!!!!

150 جنيه دي بقى هيصرف منها على نفسه ، و على أسرته (و إن كنت أشك إنه هيفكر في الجواز من أساسه) ،و هيشتري بيها مراجع و يعمل بيها كذا و كذا عشان يبقى دكتور " كويس" و هيعمل و هيعمل و هيعمل .... دي 150 جنيه بحالها !!!

هذا هوا ما ترتضيه الوزارة الموقرة ، لشاب في مُقتبل عمره شايف زمايله اللي كانوا قده اتخرجوا ،و بيشتغلوا و عندهم أسر كمان ..

شاب بيشتغل ما لا يقل عن 16 ساعة في اليوم ،و ساعات بتوصل 30 ساعة – لإن مفيش تعيينات جديدة لأطباء عشان مفيش فلوس – هيبقى مِرَكِّز إزاي ؟؟

شاب مُحاط بكل صنوف العدوى اللي ممكن تنهي حياته المهنية و تقضي على مستقبله في لحظات ,, لكن الحق يُقال الوزارة في دي عاملة اللي عليها ، بتديله 20 جنيه بدل عدوى !!

طبعا دلوقتي بتفكر أُمال المبالغ الضخمة اللي بياخدها الدكاترة على قلبهم دي إيه ؟!

دول يا سيدي الفاضل الدكاترة الكبار مش شباب الأطباء اللي هما أخوك أو صاحبك أو جارك ، شباب الأطباء دول اللي ما هربوش من الميدان مع اللي هرب و فضلوا صامدين ؛ جنود في المستشفى الميداني ، وجنود مع إخواتهم في المقاومة ، قبل الثورة كان مستحمل كتير و لما قامت الثورة و خرجت كل الفئات تطالب بحقوقها من الدولة ما كانش موجود معاهم ، كان في موقع عمله بيأدي واجبه ..

أنا ما اتكلمتش عن الأكل اللي بياكلوه و لا بيناموا فين في المستشفيات ، ولا عن الدكتور اللي بيكمل باقي الشهر بالسلف ، و لا عن معاناته عشان يتعلم ،ولا إنه بيشتغل في مستشفى و اتنين و تلاتة عشان يقدرياكل عيش، و لا القوانين البالية المجحفة – اللي عايزة مجال لوحدها للكلام عنها- اللي واقفة عائق إنه ياخد أي خطوة كويسة في حياته ، و لا عن كذا أو كذا أو كذا لإن الكلام بقى هواء في أزايز ..!!

يكفي إني أقولك إنه صدرت فتوى من الأزهر إنه يجوز إعطاء شباب الأطباء من أموال الزكاة !!

تفتكر الدكتور ده هيبقى إحساسه إيه ؟؟ او شايف عمره اللي فات و اللي جاي إزاي؟

إزاي هيقدر يحقق طموحات مريضه في العلاج و هوا عاجز عن تحقيق طموحه الشخصي ؟؟ ، ثم إيه مفهومك لملاك الرحمة ؟؟ إنه مش بياكل و لا بيشرب و لا بيتجوز و المفروض ما يتعصبش مهما كان السبب و يستحمل شغل ليل نهار و ياريته المقابل مجزي لأ ده كمان بيعتدى عليه و بيتضرب و بيتهان ,, و هوا في الآخراللي وحش و غلطان و ما بيفهمش و كأن الأوجاع كانت ناقصة واحد كمان!!

أنا بني آدم زيي زيك بأحس و بأنفعل ،بأفرح و بأزعل ، عايز أعيش كريم زيك برضة ،لكن مش شَغَّال سُخْرَة .. آه في دكاترة مهملين و في دكاترة منتفعين و دكاترة مِدَكِنين ,, لكن لما تحط نظام تقدر تفرق بيه بين المهمل و المنضبط أقدر أقولك ساعتها إنت صح ,, لكن

 بتحكم عليا بعد ده كله – و هو نذر قليل من الواقع – يبقى بتقضي على شوية الرحمة و الإنسانية اللي فاضلة فيا !!

                                " رسائل خاصة "

 إلى وزير الصحة :- (لقد أسمعتَ إنْ ناديتَ حياً )

* عندما يُكتب مقال في موقع الدستور للطبيب " محمد جمال"- و هو واحد من ضحايا وزارة الصحة – يُخاطب فيه الوزير بكل ما شهدته عيناه من أحداث - أقل ما توصف به أنها مخزية – أثناء تأدية عمله ، و يُفاجأ برد الوزير على مقاله في مداخلة هاتفية في أحد البرامج الحوارية " أن المقال أثاره ضحكاً و أن به مبالغات كثيرة "

 و كأني أسأله بلسان حال الدكتور كاتب المقال :

" لما مقال زي ده أضحك حضرتك ، أُمال سيادتك ممكن تبكي إمتى ؟؟ "

 http://www.dostorasly.com/news/view.aspx?cdate=27082012&id=fad03645-cdd6-4267-838c-0fa220167c92

ده لينك المقال ، يا ريت تقرأوه يمكن تتبسطوا و تضحكوا زي ما " حضرة الوزير ضحك " !!

* مؤخراً قام الوزير ببعض الزيارات لمستشفيات " حكومية " و كان نتيجة زيارته إتخاذ بعض الإجراءات التأديبية ضد الأطباء بتهمة الإهمال دون النظر إلى أي اعتبارات أخرى ..

في الحقيقة ده لا يعني لأي "ذي عقل" غير حاجتين :

يا إما إن الوزير كان بيزور مستشفى فايف ستارز و بالتالي لم يسترعي انتباهه سوى الأطباء و إهمالهم

  أو إنه بيحاول يغطي على فشل المنظومة الصحية – لسبب أو لآخر- فبيُلقي – دون أدنى خجل - بالمسئولية كاملة على الأطباء و كأن الطبيب ده سبب الكوارث كلها ,,

و كأنك لا تكتفي بالاستهتار بكل ما يحدث بل و تحرض المرضى على الأطباء و تزيد روح العداء بينهم ,,

و إحنا في النص " مالناش دية " بين وزير لا يستحق لقبه و لا منصبه و مريض معذور ما بين اللي شايفه برة و جوة المستشفى و بين اللي بيقوله " مسئول الصحة الأول " .

* منظمات حقوق الإنسان أقرت إن الحد الأدنى الكريم لراتب عامل النظافة 1500 جنيه – و بالمناسبة ده مش تقليل من شأن هذه المهنة و ممتهنيها لكن كل شغل و ليه طبيعته – و حضرتك تقول إن ده كتير على واحد بيشتغل أكتر من 16 ساعة في اليوم – كحد أدنى- في بيئة عمل هيا وحدها مليئة بالضغوط ، ما بيشوفش أهله تقريباً ، و مطلوب منه يدرس و يتعلم طول حياته ( ده لو لقى حد يعلمه ) ، و موجود في بيئة عمل محاطة بأمراض كفيلة بإقعاده عن العمل بقية حياته و منهم شباب في العشرينات و الثلاثينات عندهم إالتهاب كبدي عشان شغالين في شئ أشبه " بالمزابل "

حقيقة أنا مش لاقية كلمة شافية ممكن أقولهالك ,,

بس زي ما بيقولوا أول القصيدة كفر و إذا كان ده قربانك في فترة لا تتجاوز الشهرين – هي عمرك في الوزارة – فماذا عساك أن تفعل بعد ذلك ؟؟!

  إلى نقيب الأطباء د/ حمدي السيد :-

آن الأوان إن النقابة تغير جلدها ،،

حضرتك بقالك 18 سنة إنت و المجلس بتاعك ، لم نَرَ فيهم سوى وضع سئ يزداد سوءً و فداحة مع مرور السنين .. نصف الشعب مصاب بأمراض مزمنة معدية و غير معدية و النصف الآخر صحته متهالكة ، و خدمة طبية في حالة انهيار شديد ، و الأطباء لا بيتعلموا كويس و لا عارفين يعيشوا بكرامتهم حتى ,,

أنا لن أستجدي منك التغيير لإنه ده مسئوليتك اللي بيفرضها عليك موقعك ، و لن أنتظر 18 عاماً أخرى عشان أعيش كريمة ،،

يكفينا و يكفيك ذُلاً أن تصدر- في عهد سيادتك - فتوى من الأزهر بجواز إعطاء شباب الأطباء من أموال الزكاة !!

حتى هذه لم تُحرك فيك ساكناً ,,

طب حضرتك ممكن تعمل إيه ؟؟ إمتى ؟؟  

للأطباء اللي مش مع الإضراب و لا موافقين عليه :-

• لو إنت فاكر إن الإضراب ده هيضر بالعيانين ... لأ ,, الإضراب هيبقى عن ال(cold cases) مش حالات الطوارئ و الحالات المستعجلة , و في المقام الأول الإضراب معمول عشان العيانين ؛ لإنك أكيد شايف إمكانيات

مستشفيات وزارة الصحة عاملة إزاي ؟؟  ... و شايف ميزانية وزارة الصحة قد إيه و بتتصرف في إيه ؟؟ ...  و شايف العيانين اللي بيموتوا ( سواء موت حقيقي أو من الألم ) عشان مش لاقيين مكان ليهم في مستشفى حكومي و في نفس الوقت مش قادرين على مصاريف المستشفيات الخاصة .

• و لو مش فارق معاك و لا حرَّك فيك شعرة اللي حصل مع زمايلك من ضرب و شتيمة و إهانة و اعتداءات و خطف و سحل و تقطيع هدوم ..فالموضوع مش بعيد عليك ، و ممكن يجي عليك الدور في أي لحظة ، و ساعتها الله أعلم إيه اللي ممكن يجرالك ؟!!
• و لو إنت خايف إنُّه يتنكل بيك - بشكل أو بآخر- زي ما بيحصل مع أي حد (مالوش ضهر) و فكَّر يتكلم ... طب إحنا هنفضل خايفين لحد إمتى ؟؟ ! إحنا بقينا ماشيين جوة الحيط من كُتر سلبيتنا و خوفنا ، ده الحيط نفسه قرب ينطق و يشكي مننا ، خلينا نكون شُجعان في الحق مرة واحدة في حياتنا ,, و لو مش هنبقى شُجعان في وضع زي ده ، و هنفضل زي ما اتعودنا ساكتين .. يبقى " باطن الأرض أرحم لنا و لغيرنا من ظهرها "
• و لو إنت مُقْتدر وربنا كارمك و مستغني عن ملاليم الحكومة ، فأنا مش هأستعطفك بحال الأطباء الشباب- اللي في نفس سنك و اللي لسه بياخدوا مصروف من أهاليهم – لكن هأقولك إن حضرتك هتستفيد زيك زيهم لما تبقى كهل ع المعاش و مش قادر تشتغل ، معاش الحكومة ساعتها هيقدر يوفر لك حياة كريمة ليك و لأولادك .
• أما لو كنت و لا واحد من اللي فاتوا بس إنت مستقل نفسك و فاكر إنك فرد بطوله مش هيأثر ... لأ إنت تقدر تغير ... صدقني لإنك هتشجع غيرك اللي برضة متردد و لو كل واحد قال كدة هنفضل زي ما إحنا ,, إحنا أقوياء بينا كلنا كمجموعة ,,  " مستصغر الشرر هوا اللي بيكون ألسنة اللهب "                                                             

 لكل واحد ربنا أكرمه بنعمة إنه دكتور ،،

دورك كملاك رحمة مش بس في تخفيف معاناة المرضى من آلامهم ، و لكن في الدفاع عن حقهم في الحياة و العلاج من أي معتدي عليه،

إنت في رقبتك مسئولية كبيرة ، إنت مش مسئول بس عن ذاتك أو عن مجموعة من زمايلك في كل محافظة ...

لأ إنت مسئول عن 80 مليون مصري من حقهم يتعالجوا صح و بكرامة ، و تخاذلك هيضرهم 80 مليون مرة قبل ما هيضرك ..

آن الأوان بقى إننا نتحرك و نعمل ثورة على المنظومة الصحية الفاسدة دي .

عندي بس نقطتين هامتين جداً لازم تحطهم في بالك :

• ثورتك –كطبيب- على فساد منظومتك مش ثورة فئوية ، لإنها هتحيي بلد بأكملها ، و هتصحح مسارات غلط كتيرة ،و ما تنساش إنك كدة بتصنع 1/3 نهضة بلدك
• كلمة لمارتن لوثر كينج بتقول :

" لست فقط محاسباً على ما تقول ، أنت أيضاً محاسب على ما لم تقل حين كان لابد أن تقوله "

سيُعقَد اجتماع جمعية عمومية يوم 21من الشهر الحالي في نقابة الأطباء للاتفاق على مطالب الإضراب و اللي هتتلخص في :

-        تأمين المستشفيات و الأطباء تأمين حقيقي و فعال –لإن اللي قبل كدة يا إما كان مؤقت يا إما واقفين عساكر شطرنج بيتفرجوا على الناس و هيا بتتضرب – وده أهم مطلب حالياً

-        تشديد العقوبة على الاعتداءات

-        رفع ميزانية وزارة الصحة

-        كادر الأطباء

و التفاصيل ستُوَضَح بعد اجتماع الجمعية العمومية

 أنا طولت في الكلام بس عايزة أقول كلمة أخيرة .. عمر ما الدنيا هتتصلح و إنت واقف مكانك و بتنتقد في أفعال اللي حواليك ، هتلاقي غيرك بيعمل كدة برضة و مش هننتج شئ في الآخر ..

أنا مش هأقدر أغير وحدي لإني مش في إيدي ، بس أنا بآخد خطوة و مستنية منك تقف جنبي فيها لو فعلاً عايز تاخد حقك في البلد دي .

فيه بيت شعر بيقول :

و ضربُ ذَوِي القُربى أشدُ مَضاضةً .. على النفسِ من وقعِ الحُسَامِ المُهَنَّدِ ،، أرجوك ما يبقاش إنت ، لإنه المركب عايمة بينا كلنا . 

نقطة

طبيب بالدقهلية يضرب عن الطعام احتجاجاً علي تردي الأوضاع الطبية

http://www.masrawy.com/News/regions/2012/september/15/5353002.aspx



http://www.masrawy.com/News/regions/2012/september/15/5353002.aspx

الدقهلية – رنا الجميلى: 
قرر الدكتور مصطفي البحيري - طبيب تكليف بإدارة أجا الصحية- بمحافظة الدقهلية الدخول في إضراب مفتوح عن الطعام بدأ من اليوم السبت -،وذلك بمقر نقابة الأطباء بالقاهرة احتجاجاً منه علي ما وصل إليه حال الأطباء في مصر بشكل خاص وحال الصحة بشكل عام من تردي يستحيل معه توفير حياة كريمة للطبيب و الفريق الصحي أو حتى تقديم خدمة طبية محترمة تفيد المريض و تحترم آدميته.

وأكد البحيرى أن اعتصامه مفتوح حتي تحقيق المطالب والتي تتمثل في تطبيق كادر الفريق الصحي المالي و الإداري المقدم من نقابة الأطباء بقرار من الجمعية العمومية بالإضافة إلي تأمين المستشفيات و المنشآت الصحية بشكل كامل ووضع خطة معلنة لرفع نسبة الصحة في الموازنة العامة إلي 15% تنفذ علي ثلاث سنوات بدءاً من العام القادم محملاً كل من نقابة الأطباء ووزارة الصحة و رئيس الوزراء و رئيس الجمهورية مسئولية تنفيذ تلك المطالب كاملة.

وأضاف البحيري أن الطبيب والفريق الصحي يعانيان من تجاهل لمطالبهم فهناك مماطلة واضحة في تنفيذ المطالب سواء من المسئولين او من النقابة التي من الاولي لها ان تدافع عن حقوق الاطباء الا ان هناك حالة من التسويف المستمر .

وواصل البحيري قائلا '' يتعجب البعض من قراري ، ويعتبره متسرعاً و يدعوني للتأني و انتظار قرارات لجنة تطبيق الكادر أو قرارات الجمعية العمومية و لكن فاض الكيل و لم أعد تحمل تلك الحياة المهينة ''، فالطبيب يعمل 24 ساعة يوميا دون راحة ويصبح هو الجاني والمسئول عن سؤ الخدمة وعن حياة المريض مشيراً إلي أن هناك أطباء يبحثون عن وظيفة أخرى بعد انتهاء العمل لزيادة الدخل.

Ahmed Mostafa Oda
عائد الى البيت مهموم حزين محروق الدم بعد قعدة عالقهوة مع بعض أصدقائى أحدهم محام و 

آخر محاسب عاطل و اثنان يمتلكون محلات تجارية خاصة .... و بدأت أتكلم عن وضع الطبيب 

و ما الى ذلك ففوجئت بواحد من اللى عندهم محلات بيقولى انتو عايزين ايه دنتو واكلين فلوس 

البلد كلها .... قلتله ازاى الكلام ده ؟؟؟ قالى شوف شارع كذا فيه عيادة الدكتور كذا و كذا و كذا 

وقعد بقى يعدلى الحالات اللى بترو

حلهم والكشوفات اللى بيلموها .... قلتله هو يعنى كل الدكاترة

فاتحين عيادات ؟؟؟ و هل كل اللى فاتحين عيادات شغالين حلو أوى كدة ؟؟؟؟ وهل أصلا

احنا ممكن نفتح عيادة بالساهل كدة و فى أى وقت والناس تجيلنا عادى ؟؟؟؟
و لما بدأت اكلمه عن ظروف الطب منذ التخرج قعد يقولى انتو عايزين تطلعو من الكلية كدة

ملوك زمانكو و عندكو عياداتكو و عربايتكو و شققكو ؟؟؟؟ قاالى انت بتاخد كام ؟؟؟؟ قلتله

الاساسى 230 و بالحوافز و التقييم بيوصل الألف يدوب ..... قال طب ما حلو بالنسبة لواحد

متخرج من الكليه انتو عايزين تنهبو ؟؟؟؟؟؟؟؟؟؟!!!!!!!!!!! و لما قلتله السياحة و البنوك و

الطيران بياخدو كذا و كذا قالى الحاجات دى بتعمل فلوس انما انتو مبتعملوش ..... قلتله وهى

بتتقاس باللى يعمل فلوس ؟؟؟ مش المفروض تتقاس بطبيعه العمل و مدى أهميته فى المجتمع

؟؟؟؟ راح رد عليا قالى سافر برا .... قلتله وهو ده اللى انا عايز أوصله من الكلام ان البلد دى

بنت *(%#$@ ميتقدرش فيها الا اللى معاه واسطة او فلوس وارثها من بابا يفتح بيها مشروح

زيك يا ابو الكباتن ..... و سبتهم يتكلمو مع بعض وسرحت انا مع نفسى أفكر فى القرف اللى انا

فيه :(

إضراب مفتوح عن الطعام

https://www.facebook.com/notes/mostafa-elbehery/%D8%A5%D8%B6%D8%B1%D8%A7%D8%A8-%D9%85%D9%81%D8%AA%D9%88%D8%AD-%D8%B9%D9%86-%D8%A7%D9%84%D8%B7%D8%B9%D8%A7%D9%85/10151205496466180

إضراب مفتوح عن الطعام

by Mostafa Elbehery on Friday, September 14, 2012 at 7:54pm ·

"سأبدا غدا إضرابا مفتوحا عن الطعام"

نظرا لما وصل له حال الأطباء في مصر بشكل خاص و حال الصحة بشكل عام من تردي يستحيل معه توفير حياة كريمة للطبيب و الفريق الصحي أو حتي تقديم خدمة طبية محترمة تفيد المريض و تحترم آدميته .

و نظرا لما يعانيه الطبيب و الفريق الصحي من تجاهل لمطالبهم و مماطلة واضحة في تنفيذ تلك المطالب سواء من دائرة صنع القرار أو من النقابة التي من المفترض ان تدافع عن حقوقه و نظرا لما أجده من تسويف مستمر في تنفيذ مطالبنا المشروعة.

فقد قررت أنا طبيب : مصطفي البحيري "طبيب تكليف " الدخول في "اضراب مفتوح عن الطعام و اعتصام بنقابة الأطباء" بدءا من الغد 15 سبتمبر 2012 و حتي تنفيذ المطالب المشروعة للاطباء و لمقدمي الخدمة الصحية و هي :

• تطبيق كادر الفريق الصحي المالي و الاداري المقدم من نقابة الاطباء بقرار من الجمعية العمومية
• تامين المستشفيات و المنشآت الصحية بشكل كامل
• وضع خطة معلنة لرفع نسبة الصحة في الموازنة العامة الي 15% تنفذ علي ثلاث سنوات بدءا من العام القادم

و أحمل نقابة الأطباء و وزارة الصحة و رئيس الوزراء و رئيس الجمهورية مسئولية تنفيذ تلك المطالب كاملة

و ادعو جميع زملائي من الاطباء و كذلك اطباء الاسنان و الصيادلة و  العلاج الطبيعي و التمريض و الفنيين الصحيين الي التحرك لانهاء المماطلات المستمرة و تنفيذ مطالبنا من اجل خدمة صحية آدمية للمريض و حياة كريمة للفريق الصحي

**  **  ** 

قد يتعجب البعض من القرار ويعتبره متسرعاً و يدعوني للتأني و انتظار قرارات لجنة تطبيق الكادر أو قرارات الجمعية العمومية و لكن فاض الكيل و لم أعد تحمل تلك الحياة المهينة.

• حياة مطلوب فيها أن يعمل الطبيب 24 ساعة في اليوم بلا راحة و اذا تاخر 8 دقائق عن المريض يصبح هو الجاني و هو المسئول عن سوء الخدمة -كما صرح وزير الصحة الحالي- حتي في ظل نقص الأدوية الأساسية و الخيوط و تعطل أجهزة الأشعة و الأهم نقص التدريب اللازم لتطوير مستوي الطبيب و الفريق الصحي.

• حياة مطلوب فيها ان نتحمل الاهانة و ان نعمل في جو من الارهاب و البلطجة نتعرض فيه للاعتداء و السب

• حياة مطلوب فيها أن يبحث الطبيب عن مكان آخر بعد انتهاء عمله حتي يزيد دخله و  يستطيع توفير نفقاته بالكاد و لا يجد بعدها لا وقتا لا لأسرته و لا لتطوير نفسه سواء بالقراءة أو المتابعة أو التدريب

• حياة مطلوب فيها أن أوفر من راتبي الذي لا يزيد عن 1000 جنيه أتقاضاهم علي مراحل ثمن ايجار شقة 550 جنيه و أن أوفر حوالي 150 جنيها ثمنا للبن الصناعي لابنتي بخلاف البامبرز  و الأدوية في حال المرض بخلاف فواتير الكهرباء و المياه و التليفون و المواصلات و الأكل و الشرب لي و لزوجتي "الحامل" !؟  .. "هنا أتكلم عن حالي شخصيا و لكن اعتقد انه حال الاغلبية من شباب الأطباء"

• حياة توفر فيها الأندية للاعبي الكرة اقامة في فنادق 5 نجوم و مرتبات بالملايين برغم خسارة الأندية للبطولات و للأموال و ذلك بزعم توفير الراحة و الهدوء لهم حتي يستطيعوا أن يعطوا جهدهم في اللعب و تطالب الجماهير بالصبر علي اللاعبين حتي يكتسبوا الثقة و توفر سبل الراحه لهم و المدرب الأجنبي و ترتيب معسكرات خارجية و داخلية لتطويرهم و كل ذلك من أجل قطعة من الجلد بين ارجلهم و ياليتهم يفلحون ... بينما الطبيب الذي بين يديه أرواح الناس مطالب أن يقيم في سكن أقل ما يقال عنه أنه خرابة و يتقاضي راتب يقل عن الحد الأدني للأجور و لا يكفي شخص بمفرده و حتي هذا الراتب لا يتقاضاه بانتظام و محروم من وسائل التدريب و التعليم و يعمل في جو من البلطجة و الارهاب و بعد كل ذلك مطالب بالعمل و الانتاج و التحمل

.. أي حياة مطلوب أن نحياها !؟

إما ان نحيا حياة كريمة أو نموت

للتواصل : 01001026118

الجمعية العمومية الطارئة للأطباء يوم الجمعة 21-9-2012 الساعة 1 ظهرا - بقاعة المؤتمرات الرئيسية بمدينة نصر أمام المنصة

البروتوكول المقترح لإدارة إضراب الأطباء

البروتوكول المقترح لإدارة إضراب الأطباء

أولا : يجب توضيح بعض النقاط الهامة :

1- نطمئن زملائنا بأن معاهدات العمل الدولية التى تشارك مصر فيها تعطي حق الإضراب عن العمل لكل العاملين ، أما الكلام عن إن هذا الإضراب ضد المرضى و ضد أخلاق المهنة ، فمردود عليه بأن إضراب الأطباء ليس بدعة ، و لكنه يمارس في كل دول العالم المتقدم ، و التي تحترم حق المرضى، و تحترم فعلا  أخلاق المهنة ، أكثر منا 100 مرة .

2- نفس إتفاقيات العمل الدولية التي تحمي حق الإضراب ، تضع ضوابط لإضراب الفئات الخاصة التي تقدم خدمات حرجة لا يمكن الإستغناء عنها ، مثل رجال الإطفاء و الأطباء و الصيادلة ، و هذه الضوابط تلزمهم بجعل إضرابهم جزئي بحيث لا يؤدي للإضرار بحياة المواطنين ، و قد تم تنظيم العديد من الإضرابات للأطباء في العشرين عام الأخيرة في فرنسا و ألمانيا و إنجلترا ، و في بعض الدول العربية .. بحيث يتم شل الخدمات الغير عاجلة ، مع الإلتزام بتنظيم جيد لخدمات الطوارئ .

3- هل هناك إمكانية أن ننظم إضراب جزئي مستمر لمدة طويلة (شهرين مثلا) و لا نجد إستجابة من المسئولين ، نتيجة لدرجات عالية من عدم مبالاتهم الرهيبة بنا أو بالمرضى ؟؟؟ الحقيقة نشك في ذلك ..خصوصا لو إستطعنا أن ننجح في وضع خطة طويلة النفس لإضراب منظم ، يكسب المجتمع كمؤيد لضرورة تحسين أحوال الأطباء كرافعة أساسية و جزء هام من تحسين الخدمة الصحية .. و لكن لنفرض أن درجة اللامبالاة وصلت بالمسئولين لهذه الدرجة ..ماذا نفعل ؟؟؟ نرى أن الخطوة التالية تكون جمع الإستقالات الجماعية المسببة ،في ظل إستمرارنا في الإضراب ، الإستقالات الجماعية لا تملك الوزارة قبولها قبل التحقيق فيها ، و يستمر الطبيب في عمله و صرف راتبه بعد تقديمها .

 ثانيا : مطلوب موافقة الجمعية العمومية على القرارات الآتية :

1- اقرار موعد بداية الاضراب                             

 2- اقرار أن الاضراب جزئى ( لا يشمل حالات الطواريء بأنواعها )

3- تحديد أهداف الاضراب كالتالى :

أ- اقرار كادر الأطباء المعتمد من الجمعية العمومية بتاريخ  30-4-2012 و عدم قبول أى كادر آخر ( يمكننا ترك مساحة تحرك  للمفاوضين بأنهم يمكنهم قبول تقسيم الكادر على عامين مثلا ) .

ب- التأمين الحقيقى الفعال الفورى للمستشفيات .

ج- الدعم الفورى لجميع أقسام الطواريء بالمستشفيات حتى تتوافر بها جميع مستلزمات انقاذ المرضى .

د-.اصدار مرسوم بقانون من رئيس الجمهورية لتغليظ عقوبة الاعتداء على المنشآت الصحية و العاملين بها .

ه- رفع موازنة الصحة الى 15%  (يمكننا ترك مساحة تحرك  للمفاوضين بقبول الوصول الى هذه النسبة خلال ثلاث سنوات مثلا ) .

3- تحديد أسماء أعضاء اللجنة العليا للاضراب و المقترح هو :

ثلاثة أعضاء من النقابة العامة  + عضوين من نقابة القاهرة + عضوين من نقابة الاسكندرية + عضو من كل نقابة فرعية + عضو من الاطباء الداعين للجمعية العمومية .

-  يختار أعضاء اللجنة العليا للاضراب من بينهم لجنة تفاوض مكونة من خمسة أطباء للتفاوض مع مسئولى الدولة ، على أن ألا تتخذ لجنة التفاوض أى قرارات منفردة بل يجب العودة للجنة العليا للاضراب لاتخاذ القرارات بالأغلبية .

4- تحديد مهام اللجنة العليا للاضراب كالتالى :

أ- الاتفاق مع طاقم من المحامين ( ممكن أن يكونوا من محاميو النقابة العامة و الفرعيات ) : وذلك للتواجد بمقر النقابة العامة و النقابات الفرعية فى أيام الاضراب حتى يتم الاستعانة بهم فى حالة حدوث أى تعسف ادارى ضد الاطباء المضربين

ب - تحديد منسق للاضراب بكل محافظة : تكون مهمته تحديد منسقى الاضراب بالمستشفيات و تسجيل أخبار الاضراب بمحافظته و ابلاغها الى اللجنة العليا للاضراب أولا بأول  ، وكذلك جمع أسماء الأطباء غير الملتزمين بقرار الاضراب ، و كتابة شكوى رسمية فورية ضدهم للنقابة الفرعية حتى تبدأ اجراءات التحقيق الفورى معهم .

ج- اتخاذ أى قرارات عاجلة سواء بتعليق الاضراب أو غيره طبقا لما تصل اليه المفاوضات ( يكون القرار بالأغلبية )

د- اصدار بيان يومى على موقع النقابة العامة يوضح جميع التفاصيل و التطورات للأطباء .

5- تحديد عقوبة الطبيب الذى لا يلتزم بقرار الاضراب كالتالى :

أ-  الطبيب الذى يقوم بالعمل فى غير حالات الطواريء فى أيام الاضراب :  يحال الى التحقيق بنقابته الفرعية و عليها بعد التحقيق أن تحيله الى لجنة آداب المهنة بالنقابة العامة التى يتوجب عليها اصدار عقوبة ايقاف قيده  لمدة شهر واحد .

ب- الطبيب الذى يقوم بتهديد الأطباء و يحاول منعهم من الاضراب : يحال الى التحقيق  بنقابته الفرعية و عليها بعد التحقيق أن تحيله الى لجنة آداب المهنة بالنقابة العامة التى يتوجب عليها اصدار عقوبة ايقاف قيده  لمدة ثلاثة أشهر .

ج- الطبيب الذى يصرح لأى وسيلة من وسائل الاعلام برفض الاضراب و اثارة الدولة و مشاعر المواطنين ضد الأطباء المضربين : يحال الى التحقيق  بنقابته الفرعية و عليها بعد التحقيق أن تحيله الى لجنة آداب المهنة بالنقابة العامة التى يتوجب عليها اصدار عقوبة ايقاف قيده  لمدة ثلاثة أشهر .

د- جميع الاطباء السابق ذكرهم يتم وضع أسماؤهم فى قائمة سوداء تنشر على موقع النقابة العامة و النقابات الفرعية

6-  تحديد موعد لجمعية عمومية طارئة أخرى :

يحدد موعدها بحيث يكون فور انتهاء فعاليات الفترة المحددة للاضراب لتحديد سبل التصعيد الأخرى فى حالة رفض أو مماطلة الدولة فى الاستجابة لمطالب الأطباء .

موعد الجمعية العمومية : يوم الجمعة 21-9-2012 بقاعة مؤتمرات مدينة نصر أمام أرض المعارض وجامع آل رشدان 

 الساعة الواحدة ظهرا

مقالة رائعة : ------------------------ دولة الخفراء ودولة الدكاترة

مقالة رائعة :

------------------------

دولة الخفراء ودولة الدكاترة

وائل قنديل

أضف تعليقكتعليقات : 0 نشر فى : الأحد 9 سبتمبر 2012 - 8:00 ص 

آخر تحديث : الأحد 9 سبتمبر 2012 - 8:00 ص

سأترك لك قراءة سطور هذه الرسالة الموجعة من طبيب شاب دون تعليق منى: 

أنا طبيب مصرى حديث التخرج.. أبلغ من العمر 25 عاما.. وحتى الآن لا أعرف موقفى من التجنيد فقد يتم تجنيدى كضابط احتياط ويضيع من عمرى ثلاث سنوات أخريات هباء منثورا بحجه خدمة الوطن.

أساسى مرتبى يبلغ بالتمام والكمال 200 جنيه.. والباقى حوافز قد تأتى شهرا ولا تأتى آخر.. وإذا أتت كل الحوافز والحوارات إياها (وهذا لا يحدث سوى شهر يونيو لنهاية السنة المالية) لن يتعدى المرتب 1400 جنيه.. قد نقبل أن يكون المرتب ضعيفا لأن الدولة فى حالة سيئة والخ.. لكن عندما ترى أن الغفير فى الشرطة يقبض راتبا أعلى.. عندما ترى زيادات فى مرتبات معظم الناس ونحن كأطباء مازالت مرتباتنا فى الحضيض.. أى مهانه نشعر بها؟؟ لماذا يتم معاملتنا بهذه الطريقه؟؟

هناك قصة لديستويفسكى اسمها «مذلون.. مهانون» أقسم بالله عندما رأيت العنوان أول ما خطر ببالى أنها تتحدث عن حال الأطباء.. يا سيدى الفاضل أنا معرض للعدوى فى لحظة ومن كل مريض.. قد أخيط جرح مريض ما فأتسبب لنفسى بإصابة بفيروس سى مثلا وتضيع حياتى ثمنا للطب.. ببساطة.

هل تعلم بدل العدوى الذى أتقاضاه كم يبلغ؟ 20 جنيها.. هل تعلم بدل العدوى الذى يتقاضاه وكيل النيابة؟ 1400 جنيه.. لأنه يتعامل مع ورق وحبر فلا بد أن نحميه من العدوى لكن ــ لا سمح الله ــ الأطباء يتعاملون مع المرضى فلن يكونوا معرضين للعدوى أبدا.

الحقيقة أننا نشعر بالمهانة فعلا كأطباء وإذا نظرت للموضوع بجدية لوجدت أننا أصبحنا فى أسفل درجات السلم الاجتماعى للأسف من كل النواحى.

المرضى وأهاليهم يتعدون علينا فى المستشفيات سواء خدمناهم أم لا.

العائد الذى نتلقاه هو أقل من الحد الأدنى للحياه أصلا وليس الحياة الكريمة.

لم يعد الناس ينظرون للطبيب باحترام وإنما هو فى نظرهم إما رجل جشع وإما «مفبركاتى» بيضحك عليهم.

طبعا الحل السحرى هو السفر للخارج ولكن ماذا بعد؟ إيه فايدة حياة أعيشها متغرب وهارجع امتى وإزاى هعيش و...ألف سؤال وسؤال.. وألف ضربة على الدماغ من الشعور بالظلم.

انت عارف.. أنا لسه ماكملتش سنه شغل بعد سنه الامتياز.. لكن للأسف الشديد انمحت العاطفة تماما من داخلى تجاه المريض.. أصبح بالنسبة لى كالجماد لا أهتم إذا تألم أو لا.. شفى أو لا.. ببساطة المهم أنه يغور من وشى.. أنا بعالجه وبعمل كل اللى ف ايدى ولو الحالة أكبر منى بشوفله اللى يقدر يتعامل معاه.. لكن المفترض من شغلانتنا دى إنها تقوى العاطفة والتأثر جوانا مع الناس.. العكس هو اللى بيحصل.. المفترض أنها تقوى إيماننا بالله وبرحمته.. وأبشرك أن ليا كذا زميل ألحدوا.

قد تسمع فى الفترة القادمة عن جمعية عمومية للأطباء فى النقابة ودعوات لإضراب قد يتم وقد لا يتم وقد يحقق نتائج أو لا.. فقط اعرفوا أننا تحملنا ضغطا عصبيا ونفسيا لمدد طوال.

الشرطة ماتحملتش المظاهرات وكسرة العين وقعدوا ف بيوتهم وانتشر البلطجية ف الشوارع وكانت إيه النتيجة؟ بيتم تكريمهم ويزودولهم المرتبات عشان مايزعلوش ياعينى.

مش بطلب تعاطف منك ولا حاجة.. فقط اعرفوا أن لدينا أسبابا للغضب.. اعرفوا أننا بننزف بسبب البلد دى.. اعرفوا أننا مقهورين اكتر من أى حد لأننا المفترض نكون فى مكان وبنتواجد ف مكان عكسه تماما.. بلاش تطالبونا نستنى.. استنينا كتير والوضع من سيئ لأسوأ وكل يوم بنزداد غم.. واهم حاجة.. بلاش تطالبونا بالتعاطف.. لأن فاقد الشىء لا يعطيه.

http://shorouknews.com/columns/view.aspx?cdate=09092012&id=1ea39806-5b37-48d3-9964-9f5d2098b040